ព័ត៍មានសុខភាព
សុខភាព៖ តើពេលដែលអ្នកគេង គួរតែប្រយ័ត្នពីអ្វីទៅ?
×
នៅពេលដែលអ្នកគេងម្តងៗ អ្នកត្រូវតែប្រយ័ត្នពីចំនុចមួយចំនួនទើបវាមិនប៉ះពាល់ដល់សុខភាពអ្នក។ ដូចនេះតើមានចំនុចអ្វីខ្លះដែលអ្នកគួរតែធ្វើពេលចូលគេងនោះ?
នៅពេលដែលអ្នកចូលគេង ទោះបីជាអាកាសធាតុក្តៅយ៉ាងណាក៏ដោយក៏អ្នកត្រូវតែយកភួយ ឬរបស់ផ្សេងៗមកដណ្តប់នៅលើពោះអ្នកដែរ ដើម្បីរក្សាកម្តៅនៅពោះរបស់អ្នកកុំឲ្យវាត្រូវត្រជាក់ឲ្យសោះ។
នៅមុនពេលដែលអ្នកគេង អ្នកមិនត្រូវញ៉ាំអាហារផ្សេងៗដែលមានខ្លាញ់ឡើយ ព្រោះនៅពេលដែលអ្នកគេង រាងកាយអ្នកមិនដំណើរការឡើយ ជាហេតុដែលធ្វើឲ្យអាហារទាំងនោះមិនងាយរំលាយ។
ជាពិសេសនៅពេលដែលអ្នកគេងថ្ងៃត្រង់ អ្នកមិនត្រូវក្រាបលើតុគេងឡើយ អ្នកគួរតែរកកន្លែងមួយដើម្បីគេង ដោយត្រូវតែគេងដាក់ក្បាលខ្ពស់ជាងជើង ហើយគេងមកចំហៀងខាងស្តាំទើបល្អ។
ជាងនេះទៅទៀត អ្នកត្រូវតែគេងឲ្យគ្រប់៧ម៉ោង ទើបខួរក្បាលអ្នកមានការចងចាំល្អ និងស្រស់ស្រាយ ដោយអ្នកមិនត្រូវគេងតិចជាង៤ម៉ោង និងលើសពី៨ម៉ោងនោះទេ ព្រោះវាសុទ្ធតែអាចប៉ះពាល់ដល់សុខភាពអ្នកបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com