កីឡាជាតិ
បឹងកេតអង្គរ ជួប ព្រះខ័នរាជស្វាយរៀង ខណៈខេមបូឌានថាយហ្គឺរ ប៉ះ វេស្ទើនភ្នំពេញ
× ក្រោយពីផ្អាកមួយសប្តាហ៍ដើម្បីអបអរថ្ងៃបុណ្យចម្រើនព្រះជន្មសម្តេចព្រះ នរោត្តម សីហមុន្នី ការប្រកួតពានរង្វាន់ក្របខណ្ឌមិត្តហ្វូនខេមបូឌានលីករដូវកាល ២០១៦ បាចចាប់ផ្តើមការប្រកួតវិញហើយ ដោយក្នុងសប្តាហ៍ទី៨នេះ ល្ងាចនេះនៅបហុកីឡដ្ឋានជាតិ ក្រុមបឹងកេតអង្គរ ជួបក្រុមព្រះខ័នរាជស្វាយរៀង ខណៈក្រុមខេមបូឌានថាយហ្គឺរ ជួបប្រកួតជាមួយក្រុមវេស្ទើនភ្នំពេញ។
ក្រុមឈរលេខរៀងទី២ នៃពាររង្វាន់ក្របខណ្ឌមិត្តហ្វូនខេមបូឌានលីករដូវកាលថ្មី បឹងកេតអង្គរ បន្ទាប់ពីបំបាក់ក្រុមអគ្គស្នងការនគរបាលជាតិ ៧-១ កាលពីសប្តាហ៍មុន ត្រូវជួបប្រកួតជាមួយក្រុម ព្រះខ័នរាជស្វាយរៀង នាល្ងាចនេះនៅពហុកីឡដ្ឋានជាតិ។ ចំណែកក្រុមខេមបូឌានថាយហ្គឺរ បន្ទាប់ពីស្មើជាមួយក្រុមណាហ្គាវើល ១-១ កាលពីសប្តាហ៍មុន ជូបប្រកួតជាមួយក្រុមឈរលំដាប់លេខរៀងទី២បន្ទាប់ពីបាតតារាង វេស្ទើនភ្នំពេញ។
គួរបញ្ជាក់ថា កាលពីសប្តាហ៍មុនក្រុមបឹងកេតអង្គរបានលត់ក្រុមប៉ូលិសយ៉ាងចាស់ដៃ ៧-១ ដើម្បីឈរលំដាប់លេខរៀងទី២ បន្ទាប់ពីក្រសួងការពារជាតិ ដោយមាន១៨ពិន្ទុ ឬឯក្រុមព្រះខ័នរាជស្វាយរៀង ឈរលេខរៀងទី៣ ដោយមាន១៣ពិន្ទុ។ ខេមបូឌានថាយហ្គឺរ ឈរលេខរៀងទី៦ ដោយមាន១០ពិន្ទុ ក្រោយពីស្មើជាមួយណាហ្គាវើល ចំណែកវេស្ទើនភ្នំពេញ ឈរលេខរៀងទី៩ ដោយមាន៣ពិន្ទុ៕
Tag:
Cambodian League 2016
© រក្សាសិទ្ធិដោយ thmeythmey.com