សាលារាជធានីភ្នំពេញនឹងសង់រូបចម្លាក់អប្សរាបែរមុខ៤ទិស កែលម្អរង្វង់មូលដីក្រហម

ជាតិ

សាលារាជធានីភ្នំពេញនឹងសង់រូបចម្លាក់អប្សរាបែរមុខ៤ទិស កែលម្អរង្វង់មូលដីក្រហម

20, May 2016 , 5:52 pm

រូបភាព

ដោយ:

ភ្នំពេញ៖ សាលារាជធានីភ្នំពេញ នឹងរៀបចំកែលម្អរង្វង់មូលដីក្រហម ប្រសព្វរវាងផ្លូវជាតិលេខ២ ផ្លូវព្រែកជ្រៃ និងផ្លូវលេខ 20A ស្ថិតក្នុងខណ្ឌដង្កោ ដើម្បីលើកកម្ពស់សោភ័ណភាពនៅតំបន់ភាគខាងត្បូងរាជធានីភ្នំពេញ។ នេះបើតាមអភិបាលរាជធានីភ្នំពេញ លោក ប៉ា សុជាតិវង្ស។

លោក ប៉ា សុជាតិវង្ស បានសរសេរលើទំព័រហ្វេសប៊ុកពីគម្រោងសង់ នៅថ្ងៃទី២០ ឧសភា នេះ យ៉ាងដូច្នេះ៖«តាមគម្រោង រង្វង់មូលនឹងសាងសង់រូបចម្លាក់អប្សរា បែរមុខ៤ទិស ចំផ្ចឹតនៃរង្វង់ ធ្វើអំពីថ្មភ្នំ កម្ពស់ ៨.៣២៥ម ទទឹង ២.៥០៥ម បពា្ឈរលើកម្រាលខឿន ឯផ្នែកខាងក្រោមដាំព័ទ្ឋជុំវិញដោយដើមស្នាយ ផ្ទៃកម្រាលពីថ្មក្រានីត និងតុបតែងលំអដោយភ្លើងបំភ្លឺ LED»។

គួរបញ្ជាក់ផងដែរ បច្ចុប្បន្ន សាលារាជធានីភ្នំពេញ កំពុងរៀបចំសង់ពង្រីកផ្លូវក្រវ៉ាត់ក្រុងថ្មី ធំទូលាយ ពីទំនប់កប់ស្រូវ ដល់រង្វង់មូលដីក្រហមនេះផងដែរ៕