កីឡាជាតិ
សំបុត្រទស្សនាការប្រកួតរវាងកម្ពុជានិងទីម័រខាងកើតមានតម្លៃ៥ពាន់រៀល និង១ម៉ឺនរៀល
× ក្រុមជម្រើសជាតិកម្ពុជា នឹងធ្វើការប្រកួតមិត្តភាពអន្តរជាតិជាមួយក្រុមជម្រើសជាតិទីម័រខាងកើត នាថ្ងៃ២៩ ខែឧសភា ឆ្នាំ២០១៦ នៅពហុកីឡដ្ឋានជាតិ។ សហព័ន្ធកីឡាបាលទាត់កម្ពុជាកាលពីម្សិលមិញ បានចេញនូវតម្លៃសំបុត្រសម្រាប់ចូលរួមទស្សនាការប្រកួតនេះហើយ ដោយតម្លៃ ១ម៉ឹនរៀលសម្រាប់កន្លែងមានដំបូល និង ៥ពាន់រៀលសម្រាប់កន្លែងអត់ដំបូល។
ការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងទីម័រខាងកើត នឹងធ្វើការលក់សំបុត្រចូលរួមទស្សនាចាប់ពីថ្ងៃទី២៥ រហូតដល់ថ្ងៃទី២៩ ឧសភា នៅពហុកីឡដ្ឋានជាតិ មជ្ឈមណ្ឌលកីឡា(The BLUE Sports Center) និងហាងលក់សម្ភារៈកីឡា(Home Sport Original)។ សំបុត្រចូលរួមទស្សនាមានពីរប្រភេទ គឺតម្លៃ១ម៉ឺនរៀលសម្រាប់កន្លែងមានដំបូល និង៥ពាន់រៀលសម្រាប់កន្លែងអត់ដំបូល។
គួរបញ្ជាក់ថា ការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងក្រុមជម្រើសជាតិទីម័រខាងកើត នឹងផ្សាយបន្តផ្ទាល់តាមរយៈទូរទស្សន៍បាយ័ន BTV។ ហើយការប្រកួតមិត្តភាពនេះដែរ ដើម្បីដកស្រង់បទបិសោធន៍កម្រិតបច្ចេកទេស ព្រមទាំងពង្រឹងសមត្ថភាពត្រៀមប្រកួតជម្រុះពានរង្វាន់ជើងឯកទ្វីបអាស៊ី AFC Asian Cup UAE 2019 ជាមួយចិនតៃប៉ិ នាថ្ងៃទី២ ខែមិថុនា និងត្រៀមធ្វើម្ចាស់ផ្ទះការប្រកួតនេះ នៅថ្ងៃទី៧ ខែមិថុនា៕
Tag:
បាល់ទាត់
មិត្តអន្តរជាតិ
ទីម័រខាងកើត
© រក្សាសិទ្ធិដោយ thmeythmey.com