​លោក សុន ឆ័យ តំណាងរាស្ត្រ​គណបក្ស​សង្គ្រោះ​ជាតិ បាន​ថ្លែង​ក្នុង​សន្និសីទកាសែត​ថា ការដាក់​ញត្តិ​ថ្វាយ​ព្រះមហាក្សត្រ​នេះ បង្ហាញ​ពី​ក្តី​ព្រួយបារម្ភ​របស់​តំណាងរាស្ត្រ​គណបក្ស​ដែល​កំពុង​រង​ការ​ធ្វើទុក្ខបុកម្នេញ ដែល​ត្រូវការ​ព្រះរាជអន្តរាគមន៍​ពី​ព្រះមហាក្សត្រ ដើម្បី​បន្ធូរបន្ថយ​ភាព​តានតឹង​នយោបាយ​។ លោក​ថា គណបក្ស​លោក​ជឿជាក់ថា​មានតែ​ព្រះមហាក្សត្រ​ទេ ដែល​អាចជួយ​បន្ធូរបន្ថយ​បញ្ហានយោបាយ​នៅពេលនេះ​។​
 

​គណបក្ស​សង្គ្រោះ​ជាតិ នឹង​ដង្ហែ​ញត្តិ​ថ្វាយ​ព្រះមហាក្សត្រ នៅ​ម៉ោង​ពីរ​រសៀល​នេះ ដោយមាន​ការ​ជិះ​ដង្ហែ​រថយន្ត​តំណាងរាស្ត្រ និង​សកម្មជន អ្នកគាំទ្រ និង​ដើរ​ថ្មើរជើង​ផងដែរ​៕

 

 

​