រុស្ស៊ី ៖ ខ្លាឃ្មុំមួយក្បាលធ្វើជាសមាជិកគ្រួសារមួយរយៈពេលជាង ២០ ឆ្នាំមកហើយ

អន្តរជាតិ

រុស្ស៊ី ៖ ខ្លាឃ្មុំមួយក្បាលធ្វើជាសមាជិកគ្រួសារមួយរយៈពេលជាង ២០ ឆ្នាំមកហើយ

02, Jun 2016 , 8:19 am

រូបភាព

ដោយ: ធីតា

ប្តីប្រពន្ធជនជាតិរុស្ស៊ីមួយគូរស់នៅជិតទីក្រុងមូស្គូ បានយកសត្វព្រៃមួយក្បាលធ្វើជាសត្វចិញ្ចឹមរបស់ខ្លួនរយៈពេលជាង ២០ ឆ្នាំមកហើយ។ វាគឺជាសត្វខ្លាឃ្មុំដ៏ធំ ដែលមានកម្ពស់ ២ ម៉ែត្រ ២០ និងទម្ងន់ ១៣០ គីឡូក្រាម។

ជារៀងរាល់ថ្ងៃ ប្តីប្រពន្ធនេះតែងតែរួមតុអាហារជាមួយមិត្តសម្លាញ់នេះដែលមានឈ្មោះថា ស្តេប៉ាន។ ក្នុងមួយថ្ងៃ ខ្លាឃ្មុំអាយុ ២៣ ឆ្នាំនេះត្រូវស៊ីអាហារដូចជាត្រីជាដើម អស់ចំនួន ២៥ គីឡូក្រាម។ ប្តីប្រពន្ធមួយគូនេះរើសបានកូនខ្លាឃ្មុំនេះនៅក្នុងព្រៃ នៅពេលដែលវាទើបនឹងមានអាយុបានបីខែ។ ពេលនោះ កូនខ្លាឃ្មុំទើបនឹងបាត់បង់ម្តាយ ដោយសារតែស្នាដៃព្រានព្រៃ។