ពីនេះ ពីនោះ
ក្លុំ ប្រែប្រួលរូបរាងទៅតាមរដូវនៃការបន្តពូជ
× ក្លុំ មានលក្ខណៈពិសេសត្រង់មានការប្រែប្រួលរូបរាងទៅតាមរដូវនៃការបន្តពូជ។ ចំពោះបក្សីឈ្មោល នៅរដូវបន្តពូជ មានមាឌមធ្យម ខ្លួនមានពណ៌ខ្មៅប្រផេះ ស្លាបទី១រំលិចគែមពណ៌លឿង មានចំពុះលឿ មានសិរក្រហមដុះទៅលើ និងជើងពណ៌ក្រហម។
ចំណែករដូវមិនបន្តពូជវិញ មានរូបរាងដូចញីដែរនៅរដូវមិនបន្តពូជ តែមានមាឌធំជាង ខ្សែអង្កន់ផ្នែកពោះច្បាស់ជាង។ ផ្ទុយមកវិញ ចំពោះបក្សីញី នៅរដូវបន្តពូជ មាឌតូច ជាងឈ្មោល ផ្នែកខ្នងមានពណ៌ក្រម៉ៅ ផ្នែកទ្រូង និងចំហៀងទ្រូង មានពណ៌លឿងទុំ និងតាមចង្អូរពោះពណ៌ស។
បក្សីនេះ តែងរស់នៅតាមតំបន់វាលភក់មានរុក្ខជាតិក្រាស់ វាលស្រែ តំបន់និងវាលស្មៅលិចទឹក ហើយវាមានវត្តមានពេញមួយឆ្នាំ និងគ្រប់ទីកន្លែង។ ក្លុំ បន្តពូជ ចាប់ពីខែឧសភា ដល់ខែកញ្ញា។
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com