ជាតិ
×![]()
ដោយ: សារព័ត៌មានថ្មីៗ
ប្រធានគណបក្សសង្គ្រោះជាតិ លោក សម រង្ស៊ី បានផ្ញើលិខិតមួយមកសម្តេចនាយករដ្ឋមន្ត្រី ហ៊ុន សែន នៅថ្ងៃទី១៤មិថុនា ដើម្បីសំដែងការសោកស្តាយចំពោះទង្វើរបស់មនុស្សណាដែលបានប្រមាថ កូនប្រុស និងគ្រួសាររបស់សម្តេច ហ៊ុន សែន។ មន្ត្រីជាន់ខ្ពស់នៃគណបក្សសង្គ្រោះជាតិជាច្រើនរូបបានអះអាងថា ប្រធានរបស់ពួកគេពិតជាបានផ្ញើលិខិតនេះទៅសម្តេចនាយករដ្ឋមន្ត្រីមែន។
ក្នុងលិខិតដែលចុះហត្ថលេខាដោយឯកឧត្តម សម រង្ស៊ី ពីទីក្រុងវ៉ាស៊ីនតោនសហរដ្ឋអាមេរិក ឯកឧត្តម សម រង្ស៊ី បានសរសេរយ៉ាងដូច្នេះ៖«ក្នុងនាមថ្នាក់ដឹកនាំគណបក្សសង្រ្គោះជាតិ និងក្នុងនាមខ្ញុំផ្ទាល់ យើងសូមសំដែងការសោកស្តាយយ៉ាងខ្លាំងចំពោះទង្វើជនទាំងឡាយ ដែលបានប្រើប្រាស់ពាក្យពេចន៍មិនសមរម្យ ថ្លៃថ្នូរ ប្រមាថ និងចោទប្រកាន់មកលើកូនប្រុសរបស់សម្តេច និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលធ្វើឲ្យសម្តេច និងក្រុមគ្រួសារទទួលរងការឈឺចាប់»។
មន្រ្តីជាន់ខ្ពស់គណបក្សសង្គ្រោះជាតិ លោក អ៊ូ ចន្ទឫទ្ធិ បានថ្លែងប្រាប់សារព័ត៌មានថ្មីៗនៅមុននេះបន្តិចថា ការសរសេរលិខិតសំដែងការសោកស្តាយរបស់ឯកឧត្តម សម រង្ស៊ី ផ្ញើជូនសម្តេច ហ៊ុន សែន នេះ បន្ទាប់ពីថ្នាក់ដឹកនាំគណបក្សសង្គ្រោះជាតិបានបើកកិច្ចប្រជុំពិភាក្សាបន្ទាន់មួយនៅថ្ងៃអង្គារនេះ។
លិខិតរបស់ឯកឧត្តម សម រង្ស៊ី ត្រូវបានធ្វើឡើង មួយថ្ងៃក្រោយសម្តេច ហ៊ុន សែន ទាមទារឲ្យមានការ «ប៉ះប៉ូវ» ចំពោះការប្រមាថនេះ។ សម្តេច ហ៊ុន សែន បានរម្លឹកឡើងវិញកាលពីថ្ងៃទី១៣មិថុនា ពីវេទិកាចែកសញ្ញាបត្រ ថាមានបុគ្គលដែលបានចោទប្រកាន់ថា លោក ហ៊ុន ម៉ាណែត មិនមែនជាកូនប្រុសបង្កើតរបស់សម្តេច និងសម្តេច ប៊ុន រ៉ានី ហ៊ុន សែន ឡើយ៕
ក្នុងលិខិតដែលចុះហត្ថលេខាដោយឯកឧត្តម សម រង្ស៊ី ពីទីក្រុងវ៉ាស៊ីនតោនសហរដ្ឋអាមេរិក ឯកឧត្តម សម រង្ស៊ី បានសរសេរយ៉ាងដូច្នេះ៖«ក្នុងនាមថ្នាក់ដឹកនាំគណបក្សសង្រ្គោះជាតិ និងក្នុងនាមខ្ញុំផ្ទាល់ យើងសូមសំដែងការសោកស្តាយយ៉ាងខ្លាំងចំពោះទង្វើជនទាំងឡាយ ដែលបានប្រើប្រាស់ពាក្យពេចន៍មិនសមរម្យ ថ្លៃថ្នូរ ប្រមាថ និងចោទប្រកាន់មកលើកូនប្រុសរបស់សម្តេច និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលធ្វើឲ្យសម្តេច និងក្រុមគ្រួសារទទួលរងការឈឺចាប់»។
មន្រ្តីជាន់ខ្ពស់គណបក្សសង្គ្រោះជាតិ លោក អ៊ូ ចន្ទឫទ្ធិ បានថ្លែងប្រាប់សារព័ត៌មានថ្មីៗនៅមុននេះបន្តិចថា ការសរសេរលិខិតសំដែងការសោកស្តាយរបស់ឯកឧត្តម សម រង្ស៊ី ផ្ញើជូនសម្តេច ហ៊ុន សែន នេះ បន្ទាប់ពីថ្នាក់ដឹកនាំគណបក្សសង្គ្រោះជាតិបានបើកកិច្ចប្រជុំពិភាក្សាបន្ទាន់មួយនៅថ្ងៃអង្គារនេះ។
លិខិតរបស់ឯកឧត្តម សម រង្ស៊ី ត្រូវបានធ្វើឡើង មួយថ្ងៃក្រោយសម្តេច ហ៊ុន សែន ទាមទារឲ្យមានការ «ប៉ះប៉ូវ» ចំពោះការប្រមាថនេះ។ សម្តេច ហ៊ុន សែន បានរម្លឹកឡើងវិញកាលពីថ្ងៃទី១៣មិថុនា ពីវេទិកាចែកសញ្ញាបត្រ ថាមានបុគ្គលដែលបានចោទប្រកាន់ថា លោក ហ៊ុន ម៉ាណែត មិនមែនជាកូនប្រុសបង្កើតរបស់សម្តេច និងសម្តេច ប៊ុន រ៉ានី ហ៊ុន សែន ឡើយ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
