ជាតិ
នយោបាយជាតិ
សាលាដំបូងនាំលោក ហុង សុខហួរ ទៅសាកសួរបន្ថែម ដោយមេធាវីមិនបានដឹង
× ភ្នំពេញ៖ លោក ហុង សុខហួរ សមាជិកព្រឹទ្ធសភាគណបក្សសម រង្ស៊ី ត្រូវបានសាលាដំបូងរាជធានីភ្នំពេញ បញ្ជូនខ្លួនទៅសាកសួរបន្ថែម នៅព្រឹកថ្ងៃទី១៧ ខែមិថុនានេះ។
លោក ជូង ជូងី ដែលជាមេធាវីការពារក្តីឲ្យលោក ហុង សុខហួរ មានភាពស្រឡាំងកាំងយ៉ាងខ្លាំង ដោយសារតែលោក មិនបានដឹងថា កូនក្តីរបស់ខ្លួនត្រូវបាននាំខ្លួនទៅកាន់តុលាការ នៅព្រឹកនេះ។ លោក ជូង ជូងី អះអាងថា ប្រសិនបើតុលាការនាំខ្លួនលោក ហុង សុខហួរ ទៅជំនុំជម្រះ នោះអង្គជំនុំជម្រះ មិនអាចដំណើរការទៅ ដោយគ្មានមេធាវីឡើយ ។
ថ្លែងប្រាប់សារព័ត៌មានថ្មីៗ លោកមេធាវីរូបនេះ សូមមិនឆ្លើយអ្វីច្រើននោះទេ ព្រោះក្នុងអំឡុងពេលនេះ លោកមិនទាន់ដឹងច្បាស់ថាលោក ហុង សុខហួរ ពិតជាត្រូវបាននាំខ្លួនទៅតុលាការរាជធានីភ្នំពេញមែន ឬយ៉ាងណានោះទេ។ លោកបានសម្តែងភាពភ្ជាក់ផ្អើលដូច្នេះថា៖«ខ្ញុំអត់ដឹងផង។ ខ្ញុំមិនដឹងថាគេនាំខ្លួនគាត់ពេលណាទេ។ បើអត់មេធាវី ម៉េចនឹងអាចកាត់ក្តីរឿងគាត់កើត។ កាត់យ៉ាងម៉េច បើអត់មេធាវីផងហ្នឹង»។
សូមបញ្ជាក់ថាលោក ហុង សុខហួរ ត្រូវបានកងកម្លាំងមានសមត្ថកិច្ចចាប់ខ្លួន នៅថ្ងៃទី១៥ ខែសីហា។ សមាជិកព្រឹទ្ធសភាគណបក្សសម រង្ស៊ី រូបនេះ ត្រូវចោទប្រកាន់ពីបទក្លែង និងប្រើឯកសារសាធារណៈ រួមទាំងញុះញង់ឲ្យមានបទល្មើសមជ្ឈិម៕
Tag:
ហុង សុខហួ
តុលាការ
© រក្សាសិទ្ធិដោយ thmeythmey.com