តំណាងរាស្ត្រ CNRP និងអ្នកគាំទ្រ កំពុងបួងសួងសុំសេចក្ដីសុខមុខប្រាសាទអង្គរវត្ត

ជាតិ

តំណាងរាស្ត្រ CNRP និងអ្នកគាំទ្រ កំពុងបួងសួងសុំសេចក្ដីសុខមុខប្រាសាទអង្គរវត្ត

19, Jun 2016 , 9:53 am

រូបភាព

ដោយ: អុីសា រ៉ហានី (Isa Rohany)

ក្រោយពីបួងសួងនៅមុខទីធ្លាព្រះអង្គចេក ព្រះអង្គចម ហើយតំណាងរាស្ត្របក្សសង្គ្រោះជាតិ ដែលដឹកនាំដោយលោក ប៉ុល ហំម បាននឹងដឹកនាំសកម្មជន អ្នកគាំទ្រ ធ្វើពិធីបួងសួងតាមបែបព្រះពុទ្ធសាសនា នៅទីលានមុខប្រាសាទអង្គរវត្ត ដើម្បីសុំសេចក្ដីសុខ សុខសន្តិភាព និងការបង្រួបបង្រួមជាតិ ខណៈដែលកំពុងមានភាពតានតឹងនយោបាយ។

គណបក្សសង្គ្រោះជាតិ មានការជួបជុំបួងសួងនេះជាមួយសកម្មជន ក្រុមដឹកនាំ និងប្រជាពលរដ្ឋមកពីបណ្ដាខេត្តបន្ទាយមានជ័យ ខេត្តបាត់ដំបង ខេត្តកំពង់ធំ ខេត្តព្រះវិហារ ខេត្តសៀមរាប និងខេត្តឧត្ដរមានជ័យ ។

បើតាមអ្នកសារព័ត៌មានថ្មីៗ នៅព្រឹកនេះមានតំណាងរាស្ត្រ សកម្មជន អ្នកគាំទ្រគណបក្សសង្គ្រោះជាតិ មានចំនួនជាង៤០០នាក់ បានចូលរួមជួបជុំធ្វើពិធីបួងសួងនេះ ខណៈដែលប៉ូលីសមួយចំនួនបានជួយសម្រួលចរាចរណ៍ និងសណ្ដាប់ធ្នាប់ដល់គណបក្សសង្គ្រោះជាតិផងដែរ៕