ពីនេះ ពីនោះ
ត្រីកន្ធររូបរាងប្រហែលត្រីកំភ្លាញ
× ត្រីកន្ធរ គឺជាឈ្មោះត្រីស្រកាមួយប្រភេទ មានរូបរាងប្រហែល នឹងត្រីកំភ្លាញ តែធំជាង។ មច្ឆាប្រភេទនេះមាន ប្រវែងដងខ្លួនអតិបរមា ២៥ស.ម ប្រវែងដងខ្លួនមធ្យម ១៥ស.ម និង មានទម្ងន់អតិបរមា កន្លះគីឡូ (៥០០ក្រាម)។ ចំពោះជីវសាស្ត្រ វារស់នៅក្នុងទឹករាក់ៗ ជាទីជម្រកដែលមានសណ្ឋានទឹកនឹង មិនហូរ ព្រមទាំងមានរុក្ខជាតិដុះក្នុងទឹកច្រើន។
មច្ឆានេះ កើតមានឡើងនៅក្នុងតំបន់ព្រៃលិចទឹកនៃទន្លេមេគង្គក្រោម និងជាបណ្តើរៗ ធ្វើដំណើរផ្លាស់ទីត្រឡប់ចូលទៅក្នុងទន្លេនានា ព្រមទាំងបឹងទន្លេសាប នារដូវទឹកស្រកវិញ។ ជាទូទៅ វាស៊ីរុក្ខជាតិដុះក្នុងទឹកជាអាហារ និងអាចដកដង្ហើមដោយផ្ទាល់ នៅលើផ្ទៃទឹក ដោយអាចស្រូបយកខ្យល់អុកស៊ីហ្សែនក្នុងទឹក តាមរយៈស្រកី។
ប្រភព៖ សារព័ត៌មានថ្មី(ThmeyThmey.com)សហការជាមួយ Page អ្នកនេសាទ Fisherman
© រក្សាសិទ្ធិដោយ thmeythmey.com