-​នេះ​បទ អើយ​រ៉ា ចារ​ពី​ពុក​

​ថ្លែង​ទុក  អើយ​រ៉ា ប្រាប់​ដល់​កូន​

​ឪពុក អើយ​រ៉ា ប្រឹង​ស្ទើរ​សូន្យ​

​ព្រោះ​កូន អើយ​រ៉ា ទាំងស្រី​ប្រុស​។​

 

-​រែកពុន អើយ​រ៉ា ថា​មិន​ហត់​

​ខ្លួន​អត់  អើយ​រ៉ា ក៏​អត់​ចុះ​

​កូន​ជុះ​ ​អើយ​រ៉ា ពុក​លាង​ដុស​

​កូន​ខុស    អើយ​រ៉ា ខឹង​ខ្លួនឯង​។​
 

-​កាល​តូច អើយ​រ៉ា ពុក​ថ្នម​ថែ​

​ជួយ​ម៉ែ    អើយ​រ៉ា នឿយ​មិន​ថ្លែង​

​កូន​ឆ្លាត     អើយ​រ៉ា ពុក​អួត​ក្តែ​ង​

​កូន​ឯង    អើយ​រ៉ា ឆ្លាត​ម្លេះ​ណា​។​
 

-​កូន​យំ      អើយ​រ៉ា ពុក​កើតទុក្ខ​

​កូន​ពុក    អើយ​រ៉ា មេច​អាវ៉ា​

​ឆាប់​ជា     អើយ​រ៉ា ណា​កូន​បា​

​ឲ្យ​ប៉ា      អើយ​រ៉ា   ឈឺ​ក៏បាន​។​
 

-​ពុក​ឈឺ    អើយ​រ៉ា ថា​មិន​អី​

​ទោះបី    អើយ​រ៉ា  ឈឺ​ខ្សោះ​ប្រាណ​

​ធ្វើការ    អើយ​រ៉ា ពុក​ធ្វើបាន​

​ទ្រោម​ប្រាណ   អើយ​រ៉ា  ពុក​មិន​អី​។​
 

-​រឿង​ពុក  អើយ​រ៉ា  មាន​ច្រើនណាស់​

​ដឹង​ច្បាស់ អើយ​រ៉ា  កូនប្រុស​ស្រី​

​គុណ​ពុក  អើយ​រ៉ា  លើស​អ្វីៗ​

​ធំ​ល្បី    អើយ​រ៉ា  កុំ​ចោល​ពុក​៕

 

 

 

  

 

​ ​ ​