កីឡាអន្តរជាតិ
អន្តរជាតិ
អ៊ីរ៉ាក់៖ ប្រជាជនបន្ទោសរដ្ឋាភិបាលអសមត្ថភាព ក្រោយក្រុម IS សម្លាប់មនុស្សជាង២០០នាក់
×![]()
«ពួកយើងក្លាយជាគោលដៅនៃការវាយប្រហារ ខណៈដែលពួកគេ(អភិជនអ៊ីរ៉ាក់) អង្គុយសុខស្រួល និងមានសុវត្ថិភាពនៅក្នុងវិមានរបស់គេ។ ពូកនេះហើយ ជាអ្នកដែលអនុញ្ញាតឲ្យក្រុមភេរវជនរដ្ឋឥស្លាម ចូលមកអ៊ីរ៉ាក់ និងសម្លាប់ពួកយើង»។ នេះជាសម្តីរបស់ស្ត្រីម្នាក់ ដែលបានថ្លែងទាំងទ្រហោយំផង និងខឹងសម្បារចំពោះរដ្ឋាភិបាលផង ក្រោយក្រុមភេរវជនរដ្ឋឥស្លាម វាយប្រហារដោយគ្រាប់បែកអត្តឃាត នៅកណ្តាលក្រុងបាកដាដ សម្លាប់មនុស្សជាង២០០នាក់។
យោងតាមសារព័ត៌មាន Al Jazeera ចំនួនអ្នកដែលស្លាប់ដោយសារការបំផ្ទុះគ្រាប់បែកអត្តឃាតនៅ Karada ស្ថិតនៅកណ្តាលរដ្ឋធានីបាកដាដ ប្រទេសអារ៉ាក់ កាលពីថ្ងៃអាទិត្យនោះបានកើនឡើងរហូតដល់ជាង ២០០នាក់ គិតត្រឹមថ្ងៃអង្គារនេះ។
ចំណែកប្រជាជនអ៊ីរ៉ាក់ទូទៅ បានបង្ហាញការខឹងសម្បារខ្លាំង ចំពោះការអសមត្ថភាពរបស់រដ្ឋាភិបាលអ៊ីរ៉ាក់ ក្នុងការដោះស្រាយ និងទប់ស្កាត់ចលនាភេរវកម្ម ដែលបន្តគំរាមកំហែងអាយុជីវិតប្រជាជនអ៊ីរ៉ាក់។ ពួកគេចោទប្រកាន់រដ្ឋាភិបាល និងអាជ្ញាធរថា រដ្ឋាភិបាលពុករលួយ អសមត្ថភាព និងគ្មានទំនួលខុសត្រូវ ដោយទុកឲ្យប្រជាជនស្លាប់ រីឯខ្លួនឯងរស់នៅសុខស្រួល និងសុវត្ថិភាពទៅវិញ។
ស្ត្រីម្នាក់ដែលរស់នៅក្នុងតំបន់ Karada បានថ្លែងរៀបរាប់ដោយទុក្ខសោកថា៖« អ្នកនយោបាយអ៊ីរ៉ាក់ទាំងអស់ រួមទាំងនាយករដ្ឋមន្ត្រី ត្រូវទទួលខុសត្រូវចំពោះអ្វីដែលបានកើតឡើង។ យើងមិនអាចប្រារព្ធពិធីបុណ្យបញ្ចប់ខែរ៉ាម៉ាដន ដោយរីករាយឡើយ។ បើសិនជាវាមិនមែនជាក្រុមភេរវជនដែស្ហ វាក៏ជាក្រុមអាល់កៃដា ហើយបើសិនជាមិនមែនក្រុមទាំងពីរនេះទេ វាបណ្តាលមកពីនយោបាយពុករលួយនិ ងស្មោគគ្រោកនៅក្នុងប្រទេសនេះ»។
យ៉ាងណាក៏ដោយ ក្រោយការវាយប្រហារភ្លាមៗ នាយករដ្ឋមន្ត្រីអ៊ីរ៉ាក់ លោក Haider al-Abadi បានចេញសេចក្តីថ្លែងការណ៍ថ្កោលទោសចលនាភេរវកម្មនេះ ហើយលោកក៏ប្រកាសកំណត់ពេលបីថ្ងៃ សម្រាប់ការកាន់ទុក្ខផងដែរ។
ទាក់ទិននឹងការវាយប្រហារដោយគ្រាប់បែកអត្តឃាតនេះ ក្នុងចំណោមអ្នកស្លាប់ជាង ២០០នាក់ ភាគច្រើនជាស្ត្រី និងកុមារ។ គោលដៅសំខាន់នៃការវាយប្រហារនេះគឺប្រជាជន ម៉ូស្លីម ប្រកាន់និកាយស៊ីអ៊ីត។ មូលហេតុដែលបណ្តាលឲ្យមនុស្សស្លាប់ច្រើនបែបនេះ ក៏ដោយសារក្រុមភេរជននោះ ធ្វើសកម្មភាពនៅថ្ងៃអាទិត្យ ពោលនៅថ្ងៃដែលជិតចប់បុណ្យតមអាហារ រ៉ាម៉ាដនផង ហើយទីតាំងនៃការវាយប្រហារ ក៏ជាកន្លែងប្រជុំជន និងកន្លែងលក់ទំនិញផងដែរ។
ក្រុមភេរវជនរដ្ឋឥស្លាម ឬក្រុមដែស្ហ (Daesh) បានប្រកាសថា ខ្លួនជាអ្នកដែលនៅពីក្រោយការវាយប្រហារនេះ។ កន្លងមក ក្រុមភេរវជនដែស្ហ បានអំពាវនាវឲ្យក្រុមសកម្មប្រយុទ្ធរបស់ខ្លួនចេញ ធ្វើសកម្មភាពក្នុងខែដ៏ពិសិដ្ឋ ពោលគឺនៅពេលដែលប្រជាជនម៉ូស្លីមទូទាំងពិភពលោក នាំគ្នាប្រារព្ធពិធីបុណ្យតមអាហារនេះតែម្តង៕
យោងតាមសារព័ត៌មាន Al Jazeera ចំនួនអ្នកដែលស្លាប់ដោយសារការបំផ្ទុះគ្រាប់បែកអត្តឃាតនៅ Karada ស្ថិតនៅកណ្តាលរដ្ឋធានីបាកដាដ ប្រទេសអារ៉ាក់ កាលពីថ្ងៃអាទិត្យនោះបានកើនឡើងរហូតដល់ជាង ២០០នាក់ គិតត្រឹមថ្ងៃអង្គារនេះ។
ចំណែកប្រជាជនអ៊ីរ៉ាក់ទូទៅ បានបង្ហាញការខឹងសម្បារខ្លាំង ចំពោះការអសមត្ថភាពរបស់រដ្ឋាភិបាលអ៊ីរ៉ាក់ ក្នុងការដោះស្រាយ និងទប់ស្កាត់ចលនាភេរវកម្ម ដែលបន្តគំរាមកំហែងអាយុជីវិតប្រជាជនអ៊ីរ៉ាក់។ ពួកគេចោទប្រកាន់រដ្ឋាភិបាល និងអាជ្ញាធរថា រដ្ឋាភិបាលពុករលួយ អសមត្ថភាព និងគ្មានទំនួលខុសត្រូវ ដោយទុកឲ្យប្រជាជនស្លាប់ រីឯខ្លួនឯងរស់នៅសុខស្រួល និងសុវត្ថិភាពទៅវិញ។
ស្ត្រីម្នាក់ដែលរស់នៅក្នុងតំបន់ Karada បានថ្លែងរៀបរាប់ដោយទុក្ខសោកថា៖« អ្នកនយោបាយអ៊ីរ៉ាក់ទាំងអស់ រួមទាំងនាយករដ្ឋមន្ត្រី ត្រូវទទួលខុសត្រូវចំពោះអ្វីដែលបានកើតឡើង។ យើងមិនអាចប្រារព្ធពិធីបុណ្យបញ្ចប់ខែរ៉ាម៉ាដន ដោយរីករាយឡើយ។ បើសិនជាវាមិនមែនជាក្រុមភេរវជនដែស្ហ វាក៏ជាក្រុមអាល់កៃដា ហើយបើសិនជាមិនមែនក្រុមទាំងពីរនេះទេ វាបណ្តាលមកពីនយោបាយពុករលួយនិ ងស្មោគគ្រោកនៅក្នុងប្រទេសនេះ»។
យ៉ាងណាក៏ដោយ ក្រោយការវាយប្រហារភ្លាមៗ នាយករដ្ឋមន្ត្រីអ៊ីរ៉ាក់ លោក Haider al-Abadi បានចេញសេចក្តីថ្លែងការណ៍ថ្កោលទោសចលនាភេរវកម្មនេះ ហើយលោកក៏ប្រកាសកំណត់ពេលបីថ្ងៃ សម្រាប់ការកាន់ទុក្ខផងដែរ។
ទាក់ទិននឹងការវាយប្រហារដោយគ្រាប់បែកអត្តឃាតនេះ ក្នុងចំណោមអ្នកស្លាប់ជាង ២០០នាក់ ភាគច្រើនជាស្ត្រី និងកុមារ។ គោលដៅសំខាន់នៃការវាយប្រហារនេះគឺប្រជាជន ម៉ូស្លីម ប្រកាន់និកាយស៊ីអ៊ីត។ មូលហេតុដែលបណ្តាលឲ្យមនុស្សស្លាប់ច្រើនបែបនេះ ក៏ដោយសារក្រុមភេរជននោះ ធ្វើសកម្មភាពនៅថ្ងៃអាទិត្យ ពោលនៅថ្ងៃដែលជិតចប់បុណ្យតមអាហារ រ៉ាម៉ាដនផង ហើយទីតាំងនៃការវាយប្រហារ ក៏ជាកន្លែងប្រជុំជន និងកន្លែងលក់ទំនិញផងដែរ។
ក្រុមភេរវជនរដ្ឋឥស្លាម ឬក្រុមដែស្ហ (Daesh) បានប្រកាសថា ខ្លួនជាអ្នកដែលនៅពីក្រោយការវាយប្រហារនេះ។ កន្លងមក ក្រុមភេរវជនដែស្ហ បានអំពាវនាវឲ្យក្រុមសកម្មប្រយុទ្ធរបស់ខ្លួនចេញ ធ្វើសកម្មភាពក្នុងខែដ៏ពិសិដ្ឋ ពោលគឺនៅពេលដែលប្រជាជនម៉ូស្លីមទូទាំងពិភពលោក នាំគ្នាប្រារព្ធពិធីបុណ្យតមអាហារនេះតែម្តង៕
Tag:
អ៊ីរ៉ាក់
ISIS
ភេរវកម្ម
© រក្សាសិទ្ធិដោយ thmeythmey.com
