ជាតិ
ក្រុមហ៊ុនទេសចរណ៍រៀបចំព្រឹត្តិការណ៍ជិះកង់ រៃអង្គាសថវិកាជួយមន្ទីរពេទ្យកុមារអង្គរ
×![]()
ដោយ: ថ្មីៗ
ខេត្តសៀមរាប៖ ក្រុមហ៊ុនទេសចរណ៍ នឹងរៀបចំព្រឹត្តិការណ៍ជិះកង់នៅព្រឹកថ្ងៃអាទិត្យ ទី ១៤ ខែសីហាខាងមុខនេះ ដើម្បីរៃអង្គាសថវិកាជួយដល់មន្ទីពេទ្យកុមារអង្គរ។
ក្រុមហ៊ុនទេសចរណ៍ Cambodia Cycling និងក្រុមហ៊ុន Asian Square Group រួមជាមួយនឹងក្រុមហ៊ុនទេសចរណ៍ Travel Loops បានរួមសហការជាមួយនឹងមន្ទីរពេទ្យកុមារអង្គរ រៀបចំព្រឹត្តិការណ៍ជិះកង់ប្រចាំឆ្នាំ ២០១៦នេះ ក្រោមប្រធានបទ «ជិះកង់ដើម្បីបរិស្ថាន និងសុខភាពកុមារ»។
អ្នកចូលរួមក្នុងព្រឹត្តិការណ៍ «ជិះកង់ដើម្បីបរិស្ថាន និងសុខភាពកុមារ» តម្រូវឲ្យចុះឈ្មោះ និងបង់ប្រាក់ ១៥ដុល្លារសហរដ្ឋអាមេរិកក្នុងមួយនាក់ ប៉ុន្តែអ្នកចូលរួម នឹងទទួលបាន កង់សម្រាប់ជិះក្នុងព្រឹត្តិការណ៍នេះ ចំនួន១ អាវយឺត១ អាហារសម្រន់ ទឹកសុទ្ធ និងអាហារថ្ងៃត្រង់ ដែលរៀបចំដោយភោជនីយដ្ឋាន Asian Square។ ការទទួលពាក្យចុះឈ្មោះអ្នកចូលរួម ធ្វើឡើងចាប់ពីថ្ងៃទី ១ ដល់ថ្ងៃទី ៣១ ខែកក្កដា ឆ្នាំ ២០១៦ នៅភោជនីយដ្ឋាន Asian Square មន្ទីរពេទ្យកុមារអង្គរ ការិយាល័យក្រុមហ៊ុនទេសចរណ៍ Travel Loops និងហាងកង់ហោះ ខេត្តសៀមរាប។
កម្មវិធីជិះកង់នេះ នឹងចាប់ផ្តើមចេញដំណើរពី Siem Reap Art Center (អតីតអាងក្រពើចាស់) រួចកាត់តាមផ្លូវជាស៊ីម ឡើងតាមផ្លូវ ៦០ម៉ែត្រ និងបញ្ចប់នៅស្រះស្រង់ ដោយមានឆ្លងកាត់ទីក្រុង ផ្លូវថ្នល់ក្រាលកៅស៊ូ ផ្លូវលំកាត់តាមភូមិតូចៗ នៅជាយក្រុងសៀមរាប ខេត្តសៀមរាប ដែលមានចម្ងាយសរុបជាង ១៧គីឡូម៉ែត្រ។
ការរៀបចំព្រឹត្តិការណ៍នេះ គឺជាលើកទី ៣ហើយ ដោយក្នុងគោលបំណងរៃអង្គាសថវិកាជួយឧបត្ថម្ភ ដល់មន្ទីរពេទ្យកុមារអង្គរ ខេត្តសៀមរាប។ អ្នករៀបចំកម្មវិធីរំពឹងទុកថា ព្រឹត្តិការណ៍នៅឆ្នាំនេះ នឹងមានអ្នកចូលរួមជាង ៦៥០នាក់។ ចំណែកព្រឹត្តិការណ៍លើកទី១ មានអ្នកចូលរួមប្រមាណ ៤៥០នាក់ និងលើកទី២ មានប្រមាណ ៥៧០នាក់៕
ក្រុមហ៊ុនទេសចរណ៍ Cambodia Cycling និងក្រុមហ៊ុន Asian Square Group រួមជាមួយនឹងក្រុមហ៊ុនទេសចរណ៍ Travel Loops បានរួមសហការជាមួយនឹងមន្ទីរពេទ្យកុមារអង្គរ រៀបចំព្រឹត្តិការណ៍ជិះកង់ប្រចាំឆ្នាំ ២០១៦នេះ ក្រោមប្រធានបទ «ជិះកង់ដើម្បីបរិស្ថាន និងសុខភាពកុមារ»។
អ្នកចូលរួមក្នុងព្រឹត្តិការណ៍ «ជិះកង់ដើម្បីបរិស្ថាន និងសុខភាពកុមារ» តម្រូវឲ្យចុះឈ្មោះ និងបង់ប្រាក់ ១៥ដុល្លារសហរដ្ឋអាមេរិកក្នុងមួយនាក់ ប៉ុន្តែអ្នកចូលរួម នឹងទទួលបាន កង់សម្រាប់ជិះក្នុងព្រឹត្តិការណ៍នេះ ចំនួន១ អាវយឺត១ អាហារសម្រន់ ទឹកសុទ្ធ និងអាហារថ្ងៃត្រង់ ដែលរៀបចំដោយភោជនីយដ្ឋាន Asian Square។ ការទទួលពាក្យចុះឈ្មោះអ្នកចូលរួម ធ្វើឡើងចាប់ពីថ្ងៃទី ១ ដល់ថ្ងៃទី ៣១ ខែកក្កដា ឆ្នាំ ២០១៦ នៅភោជនីយដ្ឋាន Asian Square មន្ទីរពេទ្យកុមារអង្គរ ការិយាល័យក្រុមហ៊ុនទេសចរណ៍ Travel Loops និងហាងកង់ហោះ ខេត្តសៀមរាប។
កម្មវិធីជិះកង់នេះ នឹងចាប់ផ្តើមចេញដំណើរពី Siem Reap Art Center (អតីតអាងក្រពើចាស់) រួចកាត់តាមផ្លូវជាស៊ីម ឡើងតាមផ្លូវ ៦០ម៉ែត្រ និងបញ្ចប់នៅស្រះស្រង់ ដោយមានឆ្លងកាត់ទីក្រុង ផ្លូវថ្នល់ក្រាលកៅស៊ូ ផ្លូវលំកាត់តាមភូមិតូចៗ នៅជាយក្រុងសៀមរាប ខេត្តសៀមរាប ដែលមានចម្ងាយសរុបជាង ១៧គីឡូម៉ែត្រ។
ការរៀបចំព្រឹត្តិការណ៍នេះ គឺជាលើកទី ៣ហើយ ដោយក្នុងគោលបំណងរៃអង្គាសថវិកាជួយឧបត្ថម្ភ ដល់មន្ទីរពេទ្យកុមារអង្គរ ខេត្តសៀមរាប។ អ្នករៀបចំកម្មវិធីរំពឹងទុកថា ព្រឹត្តិការណ៍នៅឆ្នាំនេះ នឹងមានអ្នកចូលរួមជាង ៦៥០នាក់។ ចំណែកព្រឹត្តិការណ៍លើកទី១ មានអ្នកចូលរួមប្រមាណ ៤៥០នាក់ និងលើកទី២ មានប្រមាណ ៥៧០នាក់៕
Tag:
ជិះកង់
ពេទ្យកុមារអង្គរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
