ជាតិ
ពលរដ្ឋខ្មែរ២៩នាក់ដែលត្រូវអាជ្ញាធរវៀតណាមឃាត់ខ្លួន នឹងត្រូវបញ្ជូនមកកម្ពុជាវិញនៅថ្ងៃស្អែក
× ស្ថានអគ្គកុងស៊ុលកម្ពុជាប្រចាំទីក្រុងហូជីមិញ បានសហការជាមួយមន្ទីរសង្គមកិច្ចទីក្រុងហូជីមិញ នឹងរៀបចំដំណើតមាតុភូមិនិវត្តន៍របស់ពលរដ្ឋខ្មែរ ចំនួន២៩នាក់ មកកម្ពុជាវិញនៅថ្ងៃស្អែកនេះ ក្រោយពីអាជ្ញាធរវៀតណាមចាប់ខ្លួន។
បើតាមសេចក្ដីប្រកាសព័ត៌មានក្រសួងការបរទេសកម្ពុជា ពលរដ្ឋខ្មែរទាំង២៩នាក់នេះ បានចូលទៅសុំទាននិងលក់ឆ្នោតខុសច្បាប់នៅទីក្រុងហូជីមិញ ហើយត្រូវបានអាជ្ញារធរវៀតណាមឃាត់ខ្លួនរក្សាទុក និងផ្គត់ផ្គង់អាហារ នៅមន្ទីសង្គ្រោះសង្គមទីក្រុងហូជីមិញ។ ពលរដ្ឋទាំង២៩នាក់ នឹងត្រូវបញ្ជូនត្រឡប់មកកម្ពុជាវិញ នៅថ្ងៃទៅ ០៨ កក្កដា តរាមច្រកព្រំដែនអន្តរជាតិម៉ុកបាយ-បាវិត ដើម្បីប្រគល់ជូនមន្ទីសង្គមកិច្ចខេត្តស្វាយរៀង។
គិតត្រឹមខែកក្កដានេះ ពលរដ្ឋខ្មែរដែលចូលទៅសុំទាន និងលក់ឆ្នោតខុសច្បាប់ ហើយត្រូវអាជ្ញាធរវៀតណាមឃាត់ខ្លួនចំនួន១៣៨នាក់ហើយ ដែលត្រូវបានស្ថានកុងស៊ុលកម្ពុជា បានរៀបចំមាតុភូមិនិវត្តន៍វិញ។ ហើយភាគច្រើនជាកុមារ ដែលទៅតាមម្ដាយ ឬបង មានទីលំនៅជិតព្រំដែនវៀតណាម៕
© រក្សាសិទ្ធិដោយ thmeythmey.com