ពីនេះ ពីនោះ
មាន់ព្រៃបក្សីមានរូបរាងដូចមាន់ស្រុក
× មាន់ព្រៃគឺជា គឺជាឈ្មោះបក្សីមួយប្រភេទ ដែលមានរូបរាងដូចមាន់ស្រុក ប៉ុន្តែមានកំណើតនៅក្នុងព្រៃ។ ចំពោះបក្សីឈ្លោល គឺមានជើងពណ៌ប្រផេះ រោមសលើគល់កន្ទុយ ក និងចុងខ្នងមានរោមពណ៌ទង់ដែងលាយពណ៌មាសភ្លឺ ផ្នែកលើខ្នងពណ៌ក្រហមជាំ កន្ទុយពណ៌បែតងរលោង ផ្នែកពោះពណ៌ខ្មៅ។ ចំណែកបក្សីញីវិញ មានពណ៌ត្នោតទុំ កន្ទុយមានរាងដូចផ្លិតនិងពណ៌មាស។ ជាទូទៅបក្សីប្រភេទនេះ តែងរស់នៅតាមជាយព្រៃ ព្រៃពាក់កណ្ដាលស្រោង វាលស្មៅ គុម្ពោតព្រៃ ហើយក៏ជាប្រភេទបក្សីដែលបង្ហាញ់ខ្លួនគ្រប់រដូវពេញមួយឆ្នាំ។ ចំពោះរដូវបន្តពូជវិញ គឺមិនមានរដូវកំណត់ដូចមាន់ស្រុកដែរ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោក តាន់ សេដ្ឋា និង កូលីន ភូល
© រក្សាសិទ្ធិដោយ thmeythmey.com