មាន់ទោប្រាក់ពណ៌ប្រផេះបៃតង

ពីនេះ ពីនោះ

មាន់ទោប្រាក់ពណ៌ប្រផេះបៃតង

10, Jul 2016 , 9:59 am

រូបភាព

ដោយ: ថ្មីៗ

គឺជាឈ្មោះបក្សីមួយប្រភេទរស់នៅតំបន់ព្រៃ។ ចំពោះបក្សីឈ្មោល ខ្លួនមានពណ៌ប្រផេះបៃតង នៅលើស្លាប និងកន្ទុយមានដៅរាងដូចជាភ្នែកពណ៌បៃតងខៀវ ស្បែកជុំវិញរង្វងភ្នែកក្រហម។ ចំណែកបក្សីញី ស្រដៀងបក្សីឈ្មោលដែរ ប៉ុន្តែមានមាឌតូចជាង និងកន្ទុយខ្លីជាង។ បក្សីនេះភាគច្រើនរស់នៅក្នុងព្រៃស្រោង ពាក់កណ្ដាលស្រោង និងព្រៃឫស្សី។ ជាទូទៅវាជាប្រភេទបក្សីដែលបង្ហាញខ្លួនពេញមួយឆ្នាំ គ្រប់រដូវនៅតាមតំបន់ទាំងនោះ ហើយជាប្រភេទស្ថាបនិក មានក្នុងតំបន់នៅភាគខាងត្បូងឥណ្ឌូចិន នៅកម្ពុជាមានវត្ដមាននៅភាគឦសាននៃប្រទេស។ ទោះជាយ៉ាងណាអ្នកស្រាវជ្រាវមិនទាន់កំណត់ពីរដូវបន្ដពូជបាននៅឡើយទេ៕