ពីនេះ ពីនោះ
× និពន្ធដោយ ប៉ាកកាខ្មៅ!
កំណាព្យបទពាក្យ៩
-ក្តុកក្តួលក្តៅ ជនពាលខ្លៅ បាញ់បណ្ឌិត
ស្តាយជីវិត អ្នកចេះគិត ជាតិត្រូវបង់
អ្នកខ្លះខូច ប្រឹងលួចជាតិ មិនស្មោះត្រង់
រស់ត្រចង់ នៅផូរផង់ មានតផៅ។
-ស្តាយបណ្ឌិត ម្តេចជីវិត ហាក់ផុយស្រួយ
លោកប្រឹងជួយ ផ្តល់ជំនួយ ប្រាប់គោលដៅ
បង្ហាញរឿង ក្នុងសង្គម ទាំងក្នុងក្រៅ
លើករឿងខ្មៅ ថែមទាំងដៅ ផ្លូវដោះស្រាយ។
-ឃ្លាំងចំណេះ ជំនាញចេះ យ៉ាងចំណាប់
បង្ហាញប្រាប់ ដល់អ្នកច្បាប់ នយោបាយ
រឿងតូចធំ ស្រុកភូមិឃុំ លោកបរិយាយ
តែគួរស្តាយ បណ្ឌិតក្លាយ ជាសាកសព។
-ខ្មែរប្រុសស្រី ស្តាយកែម ឡី ហូរទឹកភ្នែក
នឹកសង្វេគ ខ្លះយំស្រែក លើកម្រាមដប់
ខំបួងសួង សូមឲ្យលោក ភពប្រសព្វ
ទីសុខស្ងប់ បានបញ្ចប់ ភពហ្មងសៅ៕
© រក្សាសិទ្ធិដោយ thmeythmey.com