ជាតិ
នយោបាយជាតិ
អង្គការសមាជិកសភាអាស៊ានដើម្បីសិទ្ធិមនុស្ស ទាមទារឲ្យស៊ើបអង្កេតដោយឯករាជ្យលើករណីលោក កែម ឡី លោក Charles Santiago សមាជិកសភាម៉ាឡេស៊ី ក្នុងនាមជាប្រធានអង្គការសមាជិកសភាអាស៊ានដើម្បីការពារសិទ្ធិមនុស្ស
× លោក Charles Santiago សមាជិកសភាម៉ាឡេស៊ី ក្នុងនាមជាប្រធានអង្គការសមាជិកសភាអាស៊ានដើម្បីការពារសិទ្ធិមនុស្ស (Asean Parlamentarians For Human Rights/APHR) បានចេញសេចក្តីថ្លែងការណ៍សម្តែងការសោកស្តាយចំពោះការបាត់បង់លោក កែម ឡី អ្នកវិភាគនយោបាយដ៏សំខាន់មួយរូបនៅកម្ពុជា។
ប្រធាន APHR បានសរសរថា អំពើឃាតកម្មលើលោក កែម ឡី គឺជាសោកនាដកម្មដ៏រន្ធត់មួយសម្រាប់កម្ពុជា ក៏ដូចជាតំបន់អាស៊ានទាំងមូល។ លោក Charles Santiago បានកត់សម្គាល់ថា លោក កែម ឡី ជាបុគ្គលដើម្បីគណនីភាព និងប្រជាធិបតេយ្យមូលដ្ឋាន ហើយលោកមិនខ្លាចការតវ៉ាដើម្បីការពារអ្វីដែលជាភាពត្រឹមត្រូវ។
APHR បានអំពាវនាវដល់រដ្ឋាភិបាលកម្ពុជាឲ្យជំរុញការស៊ើបអង្កេតបន្ទាន់មួយប្រកបដោយឯករាជ្យ ចំពោះអំពើឃាតកម្មដ៏សាហាវព្រៃផ្សៃនេះ ដែលធានាបាននូវយុត្តិធម៌ពិតប្រាកដ និងមិនលម្អៀង៕
© រក្សាសិទ្ធិដោយ thmeythmey.com