ជាតិ
×![]()
សៀមរាប៖ សព្វថ្ងៃ មានប្រជាពលរដ្ឋខ្មែរតិចណាស់ ដែលនៅទម្លាប់ប្រើប្រាស់រទេះគោ។ កសិករខ្មែរ បានប្រើប្រាស់គោយន្ត ដើម្បីជំនួសរទេះឈើ សម្រាប់បម្រើបម្រាស់លើវិស័យកសិកម្មរបស់ពួកគេ។ ផ្ទុយពីនេះ រទេះគោដែលធ្វើពីឈើ ដែលគេច្នៃធ្វើតូចៗ កំពុងត្រូវប៉ាន់។ រទេះប្រភេទនេះ គឺកំពុងពេញនិយមទៅលើប្រជាពលរដ្ឋខ្លះ ដែលយកទៅតាំងក្នុងគេហដ្ឋានពួកគេ។
ជាង២០ឆ្នាំមកហើយ ដែលលោក ភាវ សុខ ចាប់យករបរធ្វើជាងឈើ។ លោក សុខ វ័យ ៦៤ឆ្នាំ ជំនាញខាងធ្វើរទេះគោឈើតូចៗ សម្រាប់តាំងលម្អក្នុងផ្ទះ តាមសណ្ឋាគារ ផ្ទះសំណាក់ ភោជនីយដ្ឋាន។ល។
កាលពីថ្ងៃទី១២ កក្កដា លោក ភាវ សុខ ទើបតែធ្វើរទេះគោឈើមួយ ដែលជាការបញ្ជាទិញរបស់ភ្ញៀវម្នាក់នៅទីក្រុងសៀមរាប។ រទេះឈើនេះ មានទំហំ ១ម៉ែត្រ២តឹក ដែលធ្វើពីឈើក្រញូង។ បច្ចេកទេសធ្វើរទេះមួយនេះ តាមការរៀបរាប់របស់លោក សុខ គឺលោកបានចំណាយពេល១ខែ ហើយធ្វើដោយផ្ចត់ផ្ចង់បំផុត។ «ខ្ញុំសុខចិត្តធ្វើយូរ តែគុណភាពល្អ។ យើងត្រូវតាមរកឈើដែលមានពណ៌ដូចគ្នា ទើបអាកាត់យកមកធ្វើ ចឹងទេ វានឹងមានពណ៌ក្រហម ខ្មៅ មើលទៅអត់ស្អាត»។ នេះជាការបញ្ជាក់របស់លោក សុខ ដែលកំពុងចង្អុយ ប្រាប់ពីចំណុចមួយៗ របស់រទេះគោនោះ។
សម្រាប់ការប្រើប្រាស់ក្បាច់ លោក សុខ ដែលជំនាញខាងច្នៃគ្រឿងឈើ បានបញ្ជាក់ថា លោកមើលតាមក្បាច់បុរាណខ្មែរ គួបផ្សំគំនិតផ្ទាល់ខ្លួនរបស់លោក។ អ្វីដែលចាប់អារម្មណ៍ចំពោះរទេះគោ ដែលលោក សុខ ទើបនឹងធ្វើជូនភ្ញៀវថ្មីៗនេះ គឺរូបក្បាលនាគ។ ត្រឹមក្បាលនាគ លោក សុខ ចាយពេលចំនួន២ថ្ងៃ។ នេះបើតាមការអះអាងរបស់បុរសអ្នកភូមិស្រះស្រង់ខាងជើង ស្រុកនគរធំ ខេត្តសៀមរាប មុននឹងលោកបន្ថែមថា ចំណែកកង់រទេះមួយគូ លោកប្រើពេលមួយសប្តាហ៍ទៀត។
អ្នកស្រុកអង្គរ ជាពិសេសអ្នកភូមិស្រះស្រង់តែម្តង អាចនិយាយបានថា ភាគច្រើនចេះជំនាញធ្វើរទេះគោ និងសម្ភារផ្សេងទៀត។ នៅតាមផ្ទះពួកគេ មានរោងកែច្នៃឈើតូចៗ ហើយក្រៅពីរទេះគោ មានអ្នកខ្លះធ្វើរហាត់ទឹក ដាវ និងរូបគោ។ល។ សម្ភារទាំងនោះ គឺត្រូវបានម៉ូយដើរប្រមូលគ្មានសល់ឡើយ ដើម្បីយកទៅលក់បន្ត មាននៅប្រាសាទបន្ទាយស្រីជាដើម ដែលសម្បូរសម្ភារទាំងនេះ។ របរនេះ ជារបរដ៏កាក់គបមួយ សម្រាប់អ្នកស្រុកអង្គរ។
ចាប់ពីឆ្នាំ១៩៩៣ ក្នុងមុខរបរនេះ លោក ភាវ សុខ និយាយថា វាអាចជួយផ្គត់ផ្គង់ដល់ជីវភាពគ្រួសារលោកបានច្រើន។ ២៣ឆ្នាំក្នុងអាជីពនេះ ធ្វើឲ្យលោក សុខ កាន់តែស្ទាត់ជំនាញ លើរបរខ្នាតតូចក្នុងគ្រួសារមួយនេះ។ «ធ្វើការខ្លួនឯង មិនដូចធ្វើការឲ្យគេ ដែលកំណត់ពេលម៉ោងធ្វើការ តែការងារនេះ យើងចង់សម្រាកពេលណាក៏បាន ព្រោះវារបរយើងនៅផ្ទះស្រាប់»។ នេះបើតាមសំដីលោក សុខ។
លោក សុខ បន្ថែមថា«គេអោយធ្វើ (រទេះគោ) បួនទៀត តែខ្ញុំធ្វើអត់ទាន់។ សព្វថ្ងៃនេះ គេចាប់អារម្មណ៍ច្រើនចំពោះសម្ភារនេះ។ ភាគច្រើន គេយកដាក់តាំងនៅផ្ទះ»៕
ជាង២០ឆ្នាំមកហើយ ដែលលោក ភាវ សុខ ចាប់យករបរធ្វើជាងឈើ។ លោក សុខ វ័យ ៦៤ឆ្នាំ ជំនាញខាងធ្វើរទេះគោឈើតូចៗ សម្រាប់តាំងលម្អក្នុងផ្ទះ តាមសណ្ឋាគារ ផ្ទះសំណាក់ ភោជនីយដ្ឋាន។ល។
កាលពីថ្ងៃទី១២ កក្កដា លោក ភាវ សុខ ទើបតែធ្វើរទេះគោឈើមួយ ដែលជាការបញ្ជាទិញរបស់ភ្ញៀវម្នាក់នៅទីក្រុងសៀមរាប។ រទេះឈើនេះ មានទំហំ ១ម៉ែត្រ២តឹក ដែលធ្វើពីឈើក្រញូង។ បច្ចេកទេសធ្វើរទេះមួយនេះ តាមការរៀបរាប់របស់លោក សុខ គឺលោកបានចំណាយពេល១ខែ ហើយធ្វើដោយផ្ចត់ផ្ចង់បំផុត។ «ខ្ញុំសុខចិត្តធ្វើយូរ តែគុណភាពល្អ។ យើងត្រូវតាមរកឈើដែលមានពណ៌ដូចគ្នា ទើបអាកាត់យកមកធ្វើ ចឹងទេ វានឹងមានពណ៌ក្រហម ខ្មៅ មើលទៅអត់ស្អាត»។ នេះជាការបញ្ជាក់របស់លោក សុខ ដែលកំពុងចង្អុយ ប្រាប់ពីចំណុចមួយៗ របស់រទេះគោនោះ។
សម្រាប់ការប្រើប្រាស់ក្បាច់ លោក សុខ ដែលជំនាញខាងច្នៃគ្រឿងឈើ បានបញ្ជាក់ថា លោកមើលតាមក្បាច់បុរាណខ្មែរ គួបផ្សំគំនិតផ្ទាល់ខ្លួនរបស់លោក។ អ្វីដែលចាប់អារម្មណ៍ចំពោះរទេះគោ ដែលលោក សុខ ទើបនឹងធ្វើជូនភ្ញៀវថ្មីៗនេះ គឺរូបក្បាលនាគ។ ត្រឹមក្បាលនាគ លោក សុខ ចាយពេលចំនួន២ថ្ងៃ។ នេះបើតាមការអះអាងរបស់បុរសអ្នកភូមិស្រះស្រង់ខាងជើង ស្រុកនគរធំ ខេត្តសៀមរាប មុននឹងលោកបន្ថែមថា ចំណែកកង់រទេះមួយគូ លោកប្រើពេលមួយសប្តាហ៍ទៀត។
អ្នកស្រុកអង្គរ ជាពិសេសអ្នកភូមិស្រះស្រង់តែម្តង អាចនិយាយបានថា ភាគច្រើនចេះជំនាញធ្វើរទេះគោ និងសម្ភារផ្សេងទៀត។ នៅតាមផ្ទះពួកគេ មានរោងកែច្នៃឈើតូចៗ ហើយក្រៅពីរទេះគោ មានអ្នកខ្លះធ្វើរហាត់ទឹក ដាវ និងរូបគោ។ល។ សម្ភារទាំងនោះ គឺត្រូវបានម៉ូយដើរប្រមូលគ្មានសល់ឡើយ ដើម្បីយកទៅលក់បន្ត មាននៅប្រាសាទបន្ទាយស្រីជាដើម ដែលសម្បូរសម្ភារទាំងនេះ។ របរនេះ ជារបរដ៏កាក់គបមួយ សម្រាប់អ្នកស្រុកអង្គរ។
ចាប់ពីឆ្នាំ១៩៩៣ ក្នុងមុខរបរនេះ លោក ភាវ សុខ និយាយថា វាអាចជួយផ្គត់ផ្គង់ដល់ជីវភាពគ្រួសារលោកបានច្រើន។ ២៣ឆ្នាំក្នុងអាជីពនេះ ធ្វើឲ្យលោក សុខ កាន់តែស្ទាត់ជំនាញ លើរបរខ្នាតតូចក្នុងគ្រួសារមួយនេះ។ «ធ្វើការខ្លួនឯង មិនដូចធ្វើការឲ្យគេ ដែលកំណត់ពេលម៉ោងធ្វើការ តែការងារនេះ យើងចង់សម្រាកពេលណាក៏បាន ព្រោះវារបរយើងនៅផ្ទះស្រាប់»។ នេះបើតាមសំដីលោក សុខ។
លោក សុខ បន្ថែមថា«គេអោយធ្វើ (រទេះគោ) បួនទៀត តែខ្ញុំធ្វើអត់ទាន់។ សព្វថ្ងៃនេះ គេចាប់អារម្មណ៍ច្រើនចំពោះសម្ភារនេះ។ ភាគច្រើន គេយកដាក់តាំងនៅផ្ទះ»៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
