កីឡាជាតិ
ហ្វីលីពីន, សិង្ហបុរីត្រូវការឈ្នះវៀតណាម និងអូស្ត្រាលី មុន ម៉ាឡេស៊ី ប៉ះ មីយ៉ាន់ម៉ា
× ក្រុមយុវជនជម្រើសជាតិហ្វីលីពីន និងសិង្ហបុរី ត្រូវជួបប្រកួតជាមួយជើងខ្លាំងយុវជនវៀតណាម និងអូស្ត្រាលី ក្នុងព្រឹត្តិការណ៍ដណ្តើមពានរង្វាន់សហព័ន្ធបាល់ទាត់អាស៊ាន AFF U-16 Championship 2016 ល្ងាចនេះ ខណៈក្រុមទាំងពីរត្រូវការឈ្នះដៃគូរៀងៗខ្លួនដើម្បីប្រជែងនៅវគ្គបន្ត។ ចំណែកក្រុមយុវជនជម្រើសជាតិម៉ាឡេស៊ី ត្រូវជួបប្រកួតជាមួយក្រុមយុវជនមីយ៉ាន់ម៉ា នៅពហុកីឡដ្ឋានជាតិនាល្ងាចនេះផងដែរ។
ក្រោយពីឆ្លងកាត់ការប្រកួត៣លើកស្មើ១លើក និងចាញ់២លើករួចមកក្រុមយុវជនជម្រើសជាតិហ្វីលីពីនត្រូវការឈ្នះក្រុមយុវជនជម្រើសជាតិវៀតណាម ដែលជាក្រុមកំពុងឈរលំដាប់លេខ១ក្នុងពូល នាជំនួបនៅពហុកីឡដ្ឋានជាតិល្ងាចនេះ ខណៈវៀតណាមក៏ត្រូវឈ្នះផងដែរដើម្បីបន្តឈរលំដាប់លេខ១ក្នុងពូលនេះ។
ជាមួយគ្នានេះដែរ ក្រុមយុវជនជម្រើសជាតិសិង្ហបុរីក៏ត្រូវការឈ្នះក្រុមយុវជនអូស្ត្រាលី ដែលជាក្រុមឈរលំដាប់លេខ២ក្នុងពូលផងដែរនាជំនួបនៅកីឡដ្ឋានកងយោធពលខេមរភូមិន្ទ(ស្តាតចាស់) នាវេលាម៉ោង៣ និង៣០នាទីល្ងាចនេះ ដើម្បីមានឱកាសក្នុងការប្រជែងដណ្តើមពានរង្វាន់ AFF U-16 Championship 2016 ខណៈដែល៣ប្រកួតរបស់ខ្លួនឈ្នះ១ប្រកួត និងចាញ់២ប្រកួត។
ទន្ទឹមនឹងនេះដែរ ក្រុមយុវជនជម្រើសជាតិម៉ឡេស៊ី ត្រូវប្រជែងជាមួយក្រុមដែលមានមាន៤ពិន្ទុស្មើគ្នានៅក្នុងពូល គឺក្រុមយុវជនជម្រើសជាតិមីយ៉ាន់ នាវេលវេលាម៉ោង៦ និង៣០នាទីល្ងាចនេះផងដែរ នៅពហុកីឡដ្ឋានជាតិ។ ក្រុមទាំងពីរមិនត្រឹមតែមានពិន្ទុស្មើគ្នាប៉ុណ្ណោះទេ ពោលគឺការប្រកួតក៏ស្មើគ្នាដែរដោយ៣ប្រកួតឈ្នះ១ប្រកួត និងស្មើមួយប្រកួតដូចគ្នា៕
*កម្មវិធីប្រកួតថ្ងៃទី១៦ ខែកក្កដា ឆ្នាំ២០១៦ ៖
- ម៉ោង១៥:៣០នាទី៖ វៀតណាម ជួប ហ្វីលីពីន នៅកីឡដ្ឋានកងយោធពលខេមរភូមិន្ទ
- ម៉ោង១៥:៣០នាទី៖ អូស្ត្រាលី ជួប សិង្ហបុរី នៅពហុកីឡដ្ឋានជាតិ
- ម៉ោង១៨:៣០នាទី៖ ម៉ាឡេស៊ី ជួប មីយ៉ាន់ម៉ា នៅពហុកីឡដ្ឋានជាតិ
Tag:
U16កម្ពុជា
AFF U16
© រក្សាសិទ្ធិដោយ thmeythmey.com