កីឡាជាតិ
ជាតិ
គ្រូថៃ និងព្រុយណេ សុទ្ធតែថា កម្ពុជាខ្លាំងជាងទីម័រខាងកើត ចុះលទ្ធផលជាក់ស្តែង?
លោក Inoue Kazunori គ្រូបង្វឹកក្រុម U16 កម្ពុជា
×![]()
គ្រូបង្វឹកជម្រើសជាតិអាយុក្រោម១៦ឆ្នាំថៃ ជឿជាក់ថា ក្រុមកម្ពុជានឹងអាចទទួលជ័យជម្នះលើក្រុមជម្រើសជាតិ ទីម័រខាងកើត នាជំនួបថ្ងៃទី១៩ កក្កដានេះ។ គ្រូបង្វឹកថៃលោក Chaiyong Khumpiam កត់សម្គាល់ថា ក្រុមជម្រើសជាតិកម្ពុជា មានកីឡាករ និងមានទម្រង់លេងល្អជាងទីម័រខាងកើត។
ក្រោយពីប្រកួតយកឈ្នះកម្ពុជា ដោយលទ្ធផល៦ទល់0 នោះក្រុមជម្រើសជាតិអាយុក្រោម១៦ឆ្នាំថៃ ឡើងឈរលេខ១ ដែលទទួលបានកៅអីនៅវគ្គ១/២ផ្តាច់ព្រ័ត្រ ជាមួយនឹងក្តីរំពឹងខ្ពស់ក្នុងការរក្សាតំណែងជើងឯករបស់ខ្លួន។ គ្រាប់បាល់ចំនួន៦គ្រាប់ ដែលថៃ ស៊ុតបញ្ចូលទីកម្ពុជា ធ្វើបានសម្រេចដោយកីឡាករ Korawich Tasa នៅនាទី៤០ ។ គ្រាប់បាល់ពិន័យ១១ម៉ែត្រ ទាត់បាល់បញ្ចូលទីបានសម្រេចដោយ Sumana Salapphet មុនពេលដែល Peerapat Kaminyhong បន្ថែមគ្រាប់ទីបីនៅនាទី៦៧ ។ គ្រាប់បាល់ទី៤ និងទី៥ ជាសម្រេចផលរបស់ Jinnawat Russamee ទាំង២គ្រាប់ ។ មុនចប់ការប្រកួត Korawich Tasa បន្ថែមបាន១គ្រាប់ទៀត។
ទោះជាកម្ពុជាចាញ់ថៃពិតមែន តែកម្ពុជា នឹងអាចយកឈ្នះទីម័រខាងកើត ហើយអាចឆ្លងផុតវគ្គជម្រុះនេះ។ នេះជាការបញ្ជាក់របស់គ្រូបង្វឹកថៃ Chaiyong Khumpiam ដែលអះអាងថា ថៃ អាចយកឈ្នះកម្ពុជា តែទីម័រខាងកើត មិនអាចទប់ទម្រង់លេងយ៉ាងល្អរបស់កម្ពុជា នេះជាប់ឡើយ។ លោក Chaiyong Khumpiam បានបន្ថែមថា កម្ពុជាមានកីឡាករល្អៗ និងតាកទិចលេងល្អ ជាងទីម័រខាងកើត។ ជាពិសេសកីឡាករ ស៊ាង ចន្ធា ដែលជាកីឡាករល្អមុតស្រួចរបស់កម្ពុជា ហើយទីម័រខាងកើត គ្មានលទ្ធភាពអាចទប់បិទកម្ពុជាបានឡើយ។
គ្រូបង្វឹកថៃរូបនេះ បានបញ្ជាក់ដូច្នេះថា៖«ក្រុមរបស់ខ្ញុំអាចមានសមត្ថភាពសម្រាប់បិទនូវកលល្បិចដ៏ខ្លាំងរបស់កម្ពុជា ហើយបិទនូវលេខ៩ (ស៊ាង ចន្ធា) ដែលមានគុណភាពខ្ពស់របស់កម្ពុជា។ ប៉ុន្ដែខ្ញុំគិតថាទីម័រខាងកើត មិនមានគុណភាពដ៏កម្រិតក្នុងការបិទកម្ពុជាបានទេ»។
ទាំងលោក Chaiyong Khumpiam គ្រូបង្វឹកថៃ និងលោក Muhammad Ali Bin Haji Mustapha គ្រូបង្វឹកព្រុយណេ សុទ្ធតែជឿជាក់ថា កម្ពុជានឹងអាចធ្វើបានល្អនៅក្នុងការប្រកួតជាមួយទីម័រ នេះ ។
នៅថ្ងៃទី១៩ ខែកក្កដា កម្ពុជាត្រូវតទល់ជាមួយទីម័រខាងកើតនាវេលាម៉ោង៦ និង៣០នាទី បន្ទាប់ពី ឡាវជួបថៃនាវេលាម៉ោង៣ និង៣០នាទី។ កម្ពុជានៅមានក្តីសង្ឃឹមក្នុងការឈានទៅកាន់វគ្គបន្ត ប្រសិនបើពួកគេឈ្នះទីម័រខាងកើត ។
គូរបញ្ជាក់ថា នៅក្នុងពូលB នេះ ថៃ ឡើងឈរលេខ១ ដែលទទួលបានកៅអីនៅវគ្គ១/២ផ្តាច់ព្រ័ត្រ ខណៈដែលកម្ពុជា ឈនៅលេខ២ មាន៦ពិន្ទុរ កំពុងប្រទាញប្រទង់គ្នាមួយប្រកួតចុងក្រោយជាមួយក្រុមទីម័រខាងកើត និងឡាវ ដែលមាន៤ពិន្ទុរដូចគ្នា។ ព្រុយណេ អស់ឱកាសហើយក្នុងការឈានទៅកាន់វគ្គបន្ត៕
Tag:
AFF U16
U16 Cambodia
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
