កីឡាជាតិ
ជាតិ
U16 កម្ពុជាអាចឡើងទៅវគ្គ១/២ផ្តាច់ព្រ័ត្រលើកដំបូងក្នុងករណីស្មើ ឬឈ្នះទីម័រខាងកើត
× ក្រុមកីឡាបាល់ទាត់ជម្រើសជាតិអាយុក្រោម១៦ឆ្នាំកម្ពុជា រំពឹងកាន់តែខ្ពស់ក្នុងការឈានទៅកាន់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ AFF U16 Championship ជាលើកដំបូង ប្រសិនបើពួកគេទទួលលទ្ធផលត្រឹមស្មើទីម័រខាងកើត នាជំនួបចុងក្រោយពូល B នាល្ងាចនេះ បន្ទាប់ពីក្រុមកំពូលតារាងថៃ យកឈ្នះឡាវ ២-០ ។ ថៃបានឡើងទៅចាំនៅវគ្គពាក់កណ្តាលផ្តាច់ព្រ័ត្ររួចជាស្រេច ខណៈកម្ពុជា ទីម័រខាងកើត ត្រូវប្រជែងពិន្ទុគ្នា។ ដោយឡែកនៅក្នុងពូល A អូស្ត្រាលី បានឡើងទៅជាមួយវៀតណាម បន្ទាប់ពីពួកគេបានបំបាក់ម៉ាឡេស៊ី ៧-១ កាលពីល្ងាចមិញនេះ។
ក្រោយពីចាញ់ U16 ថៃ ៦-០ កាលពីថ្ងៃអាទិត្យកន្លងមក ក្រុមយុវជនកម្ពុជាដែលជាម្ចាស់ផ្ទះត្រូវធ្វើការខ្លាំងនៅលើទីលានក្នុងជំនួបជាមួយក្រុមយុវជនU16ទីម័រខាងកើតនៅពហុកីឡដ្ឋានជាតិល្ងាចនេះ ព្រោះវាជាការប្រកួតមួយដ៏សំខាន់សម្រាប់កម្ពុជាក្នុងការឈានទៅវគ្គពាក់កណ្តាលផ្តាច់ព្រ័ត្រនៃពានរង្វាន់ AFF U-16 Championship 2016។
ប្រសិនបើកម្ពុជាអាចយកឈ្នះ ឬត្រឹមស្មើ ទីម័រខាងកើតល្ងាចនេះកម្ពុជានឹងឡើងទៅវគ្គពាក់កណ្តាលផ្តាច់ព្រ័ត្រជាមួយថៃតំណាងឲ្យពូលB ប៉ុន្តែប្រសិនចាញ់ទីម័រខាងកើតកម្ពុជានឹងធ្លាក់ចេញពីពានរង្វាន់ នេះតែម្តង ។
សម្រាប់ពូល A ក្រុមយុវជនជម្រើសជាតិអូស្ត្រាលីបានឡើងទៅកាន់វគ្គពាក់ផ្តាច់ព្រ័ត្រនៃពានរង្វាន់ AFF U-16 Championship 2016 ជាមួយក្រុមយុវជនជម្រើសជាតិវៀតណាម បន្ទាប់ពីក្រុមនេះបានទម្លាក់ក្រុមយុវជនជម្រើសជាតិម៉ាឡេស៊ីដោយទល្ធផល ៧-១ នៅក្នុងពហុកីឡដ្ឋានជាតិកាលពីម្សិលមិញ។
សម្រាប់ការប្រកួតបង្គ្រប់កិច្ចពូល A កាលពីម្សិលមិញ ក្រុមយុវជនជ្រើសជាតិ U16មីយ៉ានម៉ាបានយកឈ្នះលើក្រុមយុវជនជម្រើសជាតិ U16 ហ្វីលីពីន ៣-០ ចំណែកក្រុមយុវជនជម្រើសជាតិសិង្ហបុរីត្រូវក្រុមយុវជនជម្រើសជាតិ U16 វៀតណាមលត់ក្នុងលទ្ធផល ៣-០ ផងដែរ។
អូស្ត្រាលី បានឡើងទៅជួបថៃនៅវគ្គពាក់កណ្តាលផ្តាច់ព្រ័ត្រ ខណៈវៀតណាមរង់ចាំស្វាគមន៍លេខ២ពូល B ដែលអាចជាកម្ពុជា ឬទីម័រខាងកើត ៕
Tag:
U16កម្ពុជា
AFF U16
© រក្សាសិទ្ធិដោយ thmeythmey.com