កម្ពុជាឈរលេខ១ស្មើថៃក្នុងជើងឯកយុវជនអាស៊ាននៅសិង្ហបុរីលើប្រភេទកីឡាប៉េតង់

កីឡាជាតិ

កម្ពុជាឈរលេខ១ស្មើថៃក្នុងជើងឯកយុវជនអាស៊ាននៅសិង្ហបុរីលើប្រភេទកីឡាប៉េតង់

20, Jul 2016 , 7:39 pm

រូបភាព

រូបថតប្រភពហ្វេសប៊ុក Somay Sokea

ដោយ:

ប៉េតង់កម្ពុជាបានឈ្នះមេដាយមាសចំនួន៣គ្រឿង ប្រាក់១ និងសំរឹទ្ធ២គ្រឿងពីព្រឹត្តិការណ៍ប្រកួតជ្រើសរើសជើងឯកយុវជនអាស៊ីអាគ្នេយ៍ប្រចាំឆ្នាំ២០១៦ 18th ASEAN University Game 2016 នៅប្រទេសសិង្ហបុរី។ ការប្រកួតនេះចាប់ផ្តើមពីថ្ងៃទី៩ ដល់ថ្ងៃទី១៩ ខែកក្កដា ដោយមាន១១ប្រទេសចូលរួម ប៉ុន្តែសម្រាប់វិញ្ញាសាប៉េតង់មានតែ៦ប្រទេសចូលរួមប៉ុណ្ណោះ ខណៈកម្ពុជាឈរលំដាប់លេខ១ ជាមួយថៃ។

កម្ពុជាទទួលបានចំណាត់ថ្នាក់លេខ១លើវិញ្ញាប៉េតង់ក្នុងចំណោម៦ប្រទេសចូលរួមក្រោយឈ្នះមេដាយមាស៣គ្រឿង ប្រាក់១គ្រឿង និងសំរឹទ្ធ២គ្រឿងពីព្រឹត្តិការណ៍ប្រកួតជ្រើសរើសជើងឯកយុវជនអាស៊ីអាគ្នេយ៍លើកទី១៨នៅប្រទេសសិង្ហបុរី។ ជ័យជម្នះមេដាយមាស៣គ្រឿងនេះកម្ពុជាឈ្នះលើវិញ្ញាសាវាយយកពិន្ទុឯកត្តជនបុរស១គ្រឿងក្រោយយកឈ្នះឡាវនៅវគ្គផ្តាច់ព្រ័ត្រ, វិញ្ញាសាវាយយកពិន្ទុឯកត្តជននារី១គ្រឿងក្រោយយកឈ្នះឥណ្ឌូនេស៊ី និង១គ្រឿងទៀតឈ្នះលើវិញ្ញាសាវាយចំរុះ៣នាក់ទល់៣នាក់ក្រោយយកឈ្នះឡាវ។

ចំណែកមេដាយប្រាក់១គ្រឿងកម្ពុជាឈ្នះលើវិញ្ញាសាវាយម្នាក់ទល់ម្នាក់នារីក្រោយចាញ់ថៃនៅវគ្គផ្តាច់ព្រ័ត្រ និងមេដាយសំរឹទ្ធ២គ្រឿងឈ្នះលើវិញ្ញាសាម្នាក់ទល់ម្នាក់បុរស និងមួយគ្រឿងទៀតឈ្នះលើវិញ្ញាសា៣នាក់ទល់៣នាក់នារី។

រូបថតប្រភពហ្វេសប៊ុក Somay Sokea

សម្រាប់ការប្រកួតជើងឯកយុវជនអាសីអាគ្នេយ៍នៅប្រទេសសិង្ហបុរីនេះមានប្រទេស១១ចូលរួម ប៉ុន្តែសម្រាប់ប្រភេទកីឡាប៉េតង់មានតែ៦ប្រទេសចូលរួមប៉ុណ្ណោះ។ ក្នុងនោះកម្ពុជាទទួលបានចំណាត់ថ្នាក់លេខ១ស្មើថៃ ដោយទទួលបានមេដាយមាស៣ ប្រាក់១ និងសំរឹទ្ធ២ដូចគ្នា ឬឯប្រទេសឡាវទទួលបានចំណាត់ថ្នាក់លេខ៣ ខណៈលេខ៤បានទៅឥណ្ឌូនេស៊ី និងលេខ៥ស្ទួនបានទៅសិង្ហបុរី និងម៉ាឡេស៊ី៕