កីឡាជាតិ
ជាតិ
គ្រូជនជាតិជប៉ុន ស្រក់ទឹកភ្នែកក្រោយកម្ពុជាមិនបានទៅវគ្គផ្តាច់ព្រ័ត្រ
× លោក Inoue Kazunori មានការខកចិត្តយ៉ាងខ្លាំង ដែលមិនអាចនាំក្រុមកីឡាបាល់ទាត់យុវជនអាយុក្រោម១៦ឆ្នាំកម្ពុជា ឈានទៅកាន់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ AFF U16 Championship បន្ទាប់ពីចាញ់វៀតណាម ១-០ ទាំងប្រផិតប្រផើយនាការប្រកួតនៅពហុកីឡដ្ឋានជាតិអូឡាំពិកកាលពីល្ងាចថ្ងៃទី២១ ខែកក្កដា។
បន្ទាប់ពីបញ្ចប់ការប្រកួត លោក សៅ សុខា ប្រធានសហព័ន្ធកីឡាបាល់ទាត់កម្ពុជា បានចុះទៅសំណេះសំណាល និងសួរសុខទុកកីឡាករ រួមទាំងថ្នាក់ដឹកនាំក្រុម។ នាពេលនោះ គេសង្កេតឃើញកីឡាករទាំងអស់ បង្ហាញនូវទឹកមុខសោកស្តាយ និងទឹកភ្នែករលីងរលោង។ គ្រូបង្វឹកជនជាតិជប៉ុន លោក Inoue Kazunori ក៏មានអារម្មណ៍បែបនោះផងដែរ ដោយលោកបានយកដៃជូតទឹកភ្នែក នៅពេលឈរប្រសាសន៍របស់ប្រធាន FFC។
លោក សៅ សុខា បានផ្តល់សារលើកទឹកចិត្តដល់ក្រុមដោយបានបញ្ជាក់ថា ការចាញ់ថ្ងៃនេះជាបទពិសោធន៍សម្រាប់ថ្ងៃស្អែក ហើយការឈានមកដល់ដំណាក់កាលនេះ គឺជាប្រវត្តិសាស្ត្ររបស់កម្ពុជារួចទៅហើយ។
ក្រោយបញ្ចប់ការប្រកួត សារព័ត៌មានថ្មីៗ ក៏ថតបានកុមារាម្នាក់អង្គុយទួញសោកផងដែរ។
កម្ពុជា ត្រូវប៉ះជាមួយថៃ ជើងឯកឆ្នាំចាស់សម្រាប់ការប្រកួតដណ្តើមយកលេខ៣ មុនពេលវៀតណាម ប្រជែងតំណែងជើងឯកជាមួយអូស្ត្រាលី នាថ្ងៃទី២៣ ខែកក្កដា នៅពហុកីឡដ្ឋានជាតិអូឡាំពិក៕
Tag:
U16 Cambodia
AFF U16
© រក្សាសិទ្ធិដោយ thmeythmey.com