កីឡាជាតិ
ជាតិ
កម្ពុជាប្រជែងជាមួយថៃដណ្តើមលេខ៣មុនវៀតណាមតទល់ជាមួយអូស្ត្រាលីដណ្តើមជើងឯក
×![]()
ការប្រកួតបាល់ទាត់ដណ្តើមពានរង្វាន់សហព័ន្ធកីឡាបាល់ទាត់អាស៊ាននៃព្រឹត្តិការណ៍ AFF U-16 Championship 2016 បានឈានដល់វគ្គផ្តាច់ព្រ័ត្រហើយ ដោយនៅពហុកីឡដ្ឋានជាតិនាល្ងាចនេះ ក្រុមយុវជនជម្រើសជាតិ U16កម្ពុជាត្រូវប្រជែងជាមួយក្រុមយុវជនជម្រើសជាតិម្ចាស់ជើងឯកឆ្នាំចាស់ថៃ ដើម្បីដណ្តើមលេខ៣ មុនក្រុមយុវជនជម្រើសជាតិវៀតណាមតទល់ជាមួយក្រុមយុវជនជម្រើសជាតិអូស្ត្រាលី ដើម្បីដណ្តើមជើងឯក។
ក្រុមយុវជនជម្រើសជាតិអាយុក្រោម១៦ឆ្នាំកម្ពុជាក្រោយពីចាញ់វៀតណាមនៅវគ្គពាក់កណ្តាលផ្តាច់ព្រ័ត្រត្រូវប្រជែងជាមួយម្ចាស់ជើងឯកឆ្នាំចាស់ថៃក្នុងវគ្គផ្តាច់ព្រ័ត្រ ដើម្បីដណ្តើមយកចំណាត់ថ្នាក់លេខ៣នៃព្រឹត្តិការណ៍ AFF U16 Championship 2016។ មិនត្រឹមតែប៉ុណ្ណោះការប្រកួតនេះជាការផ្តល់ឱកាសមួយដល់ក្រុមយុវជនចម្រើសជាតិU16កម្ពុជាបានសងសឹកក្រុមយុវជនជម្រើសជាតិថៃដែលខ្លួនបានចាញ់ ៦-០ នៅវគ្គជម្រុះក្នុងពូល B នាពេលកន្លងមកផងដែរ។
ទោះបីជាគ្រូបង្វឹកក្រុមជម្រើសជាតិថៃលោក Chaiyong Khumpiam បានអះអាងក្រោយយកឈ្នះកម្ពុជាថា ខ្លួនបានដឹងពីយុទ្ធសាស្ត្រ និងទម្រងលេងរបស់កម្ពុជាក៏ដោយ ប៉ុន្តែសម្រាប់ជំនួបល្ងាចនេះគ្រូបង្វឹករបស់ក្រុមកម្ពុជាបានប្តេជ្ញាថា នឹងសងសឹកថៃឲ្យបាន។ ហើយលោកបានបញ្ជាក់ទៀតថា លោកបានត្រៀមខ្លួនរួចរាល់ហើយក្នុងការជួបថៃ នៅពហុកីឡដ្ឋានជាតិនាល្ងាចនេះ។
នៅពហុកីឡដ្ឋានជាតិនាវេលាម៉ោង៦ល្ងាចនេះផងដែរ ក្រុមយុវជម្រើសជាតិវៀតណាមត្រូវតទល់ជាមួយក្រុមយុវជនជម្រើសជាតិអូស្ត្រាលីដើម្បីដណ្តើមជើងឯកនៃពានរង្វាន់ AFF U-16 Championship 2016 និងជាការផ្តល់ឱកាសសងសឹកដល់ក្រុមយុវជនអូស្ត្រាលី ដែលធ្លាប់រងការលត់របស់ក្រុមយុវជនវៀតណាម ៣-០ នៅវគ្គជម្រុះក្នុងពូល A នាពេលកន្លងមក។
ទោះបីជាយ៉ាងនេះក្តី គ្រូបង្វឹកក្រុមជម្រើសជាតិវៀតណាម Dinh The Nam បានអះអាងក្នុងសន្និសីទសារព័ត៌មានក្រោយយកឈ្នះក្រុមកម្ពុជាកាលពីយប់ថ្ងៃទី២១ ខែកក្កដា នៅពហុកីឡដ្ឋានជាតិថា លោកនឹងរៀបចំយុទ្ធប្រកួតថ្មីហើយប្លែកដើម្បីយកឈ្នះលើក្រុមអូស្ត្រាលីម្តងទៀតក្នុងវគ្គផ្តាច់ព្រ័ត្រនេះ។
ប្រវត្តិនៃការជួបគ្នានៅក្នុងឆ្នាំ២០១៣ ក្រុមយុវជនជម្រើសជាតិអូស្ត្រាលីបានយកឈ្នះក្រុមយុវជនជម្រើសជាតិវៀតណាម ៧-៦ ក្នុងវគ្គពាក់កណ្តាលផ្តាច់ព្រ័ត្រ ដោយការទាត់ប៉េណាល់ទី។ អូស្ត្រាលីធ្លាប់បានឈ្នះតំណែងជើងឯកនៃព្រឹត្តិការណ៍ AFF U16 Championship នេះ១លើកកាលពីឆ្នាំ២០០៨ នៅក្នុងប្រទេសឥណ្ឌូនេស៊ី។ ចំណែកក្រុមវៀតណាម ពួកគេបានឈ្នះតំណែងជើងឯកចំនួន២លើក គឺនៅឆ្នាំ២០០៦នៅទឹកដីរបស់ខ្លួន និងឆ្នាំ២០១០ នៅឥណ្ឌូនេស៊ី៕
*កម្មវិធីប្រកួតនៅពហុកីឡដ្ឋានជាតិល្ងាចនេះ
- ម៉ោង១៥:៣០នាទី៖ កម្ពុជា ជួប ថៃ
- ម៉ោង១៨:៣០នាទី៖ វៀតណាម ជួប អូស្ត្រាលី៕
ក្រុមយុវជនជម្រើសជាតិអាយុក្រោម១៦ឆ្នាំកម្ពុជាក្រោយពីចាញ់វៀតណាមនៅវគ្គពាក់កណ្តាលផ្តាច់ព្រ័ត្រត្រូវប្រជែងជាមួយម្ចាស់ជើងឯកឆ្នាំចាស់ថៃក្នុងវគ្គផ្តាច់ព្រ័ត្រ ដើម្បីដណ្តើមយកចំណាត់ថ្នាក់លេខ៣នៃព្រឹត្តិការណ៍ AFF U16 Championship 2016។ មិនត្រឹមតែប៉ុណ្ណោះការប្រកួតនេះជាការផ្តល់ឱកាសមួយដល់ក្រុមយុវជនចម្រើសជាតិU16កម្ពុជាបានសងសឹកក្រុមយុវជនជម្រើសជាតិថៃដែលខ្លួនបានចាញ់ ៦-០ នៅវគ្គជម្រុះក្នុងពូល B នាពេលកន្លងមកផងដែរ។
ទោះបីជាគ្រូបង្វឹកក្រុមជម្រើសជាតិថៃលោក Chaiyong Khumpiam បានអះអាងក្រោយយកឈ្នះកម្ពុជាថា ខ្លួនបានដឹងពីយុទ្ធសាស្ត្រ និងទម្រងលេងរបស់កម្ពុជាក៏ដោយ ប៉ុន្តែសម្រាប់ជំនួបល្ងាចនេះគ្រូបង្វឹករបស់ក្រុមកម្ពុជាបានប្តេជ្ញាថា នឹងសងសឹកថៃឲ្យបាន។ ហើយលោកបានបញ្ជាក់ទៀតថា លោកបានត្រៀមខ្លួនរួចរាល់ហើយក្នុងការជួបថៃ នៅពហុកីឡដ្ឋានជាតិនាល្ងាចនេះ។
នៅពហុកីឡដ្ឋានជាតិនាវេលាម៉ោង៦ល្ងាចនេះផងដែរ ក្រុមយុវជម្រើសជាតិវៀតណាមត្រូវតទល់ជាមួយក្រុមយុវជនជម្រើសជាតិអូស្ត្រាលីដើម្បីដណ្តើមជើងឯកនៃពានរង្វាន់ AFF U-16 Championship 2016 និងជាការផ្តល់ឱកាសសងសឹកដល់ក្រុមយុវជនអូស្ត្រាលី ដែលធ្លាប់រងការលត់របស់ក្រុមយុវជនវៀតណាម ៣-០ នៅវគ្គជម្រុះក្នុងពូល A នាពេលកន្លងមក។
ទោះបីជាយ៉ាងនេះក្តី គ្រូបង្វឹកក្រុមជម្រើសជាតិវៀតណាម Dinh The Nam បានអះអាងក្នុងសន្និសីទសារព័ត៌មានក្រោយយកឈ្នះក្រុមកម្ពុជាកាលពីយប់ថ្ងៃទី២១ ខែកក្កដា នៅពហុកីឡដ្ឋានជាតិថា លោកនឹងរៀបចំយុទ្ធប្រកួតថ្មីហើយប្លែកដើម្បីយកឈ្នះលើក្រុមអូស្ត្រាលីម្តងទៀតក្នុងវគ្គផ្តាច់ព្រ័ត្រនេះ។
ប្រវត្តិនៃការជួបគ្នានៅក្នុងឆ្នាំ២០១៣ ក្រុមយុវជនជម្រើសជាតិអូស្ត្រាលីបានយកឈ្នះក្រុមយុវជនជម្រើសជាតិវៀតណាម ៧-៦ ក្នុងវគ្គពាក់កណ្តាលផ្តាច់ព្រ័ត្រ ដោយការទាត់ប៉េណាល់ទី។ អូស្ត្រាលីធ្លាប់បានឈ្នះតំណែងជើងឯកនៃព្រឹត្តិការណ៍ AFF U16 Championship នេះ១លើកកាលពីឆ្នាំ២០០៨ នៅក្នុងប្រទេសឥណ្ឌូនេស៊ី។ ចំណែកក្រុមវៀតណាម ពួកគេបានឈ្នះតំណែងជើងឯកចំនួន២លើក គឺនៅឆ្នាំ២០០៦នៅទឹកដីរបស់ខ្លួន និងឆ្នាំ២០១០ នៅឥណ្ឌូនេស៊ី៕
*កម្មវិធីប្រកួតនៅពហុកីឡដ្ឋានជាតិល្ងាចនេះ
- ម៉ោង១៥:៣០នាទី៖ កម្ពុជា ជួប ថៃ
- ម៉ោង១៨:៣០នាទី៖ វៀតណាម ជួប អូស្ត្រាលី៕
Tag:
U16កម្ពុជា
AFF U16
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ម៉ោង
