ពីនេះ ពីនោះ
ទ្រាំង គេយកស្លឹកចារសាស្ត្រាហៅថា ស្លឹករឹត
× ទ្រាំង គឺជាឈ្មោះតចសារព្រឹក្សមួយប្រភេទ (សន្ដានជ្រៃ) មានធាងវែងៗ មានស្លឹក ប្រើការបានច្រើនយ៉ាង គឺប្រើការចារសាស្ត្រាហៅថា ស្លឹករឹត ដោយយកទ្រនុងស្លឹកវាច្រៀកធ្វើជាកន្លាស់ដោតខ្ទាស់ស្លឹកខ្ចីៗ សៗ គ្របបន្តិចៗលើគ្នាឲ្យបានជាបន្ទះវែងៗ ធំៗ សម្រាប់ប្រក់ឬបាំងហៅថា ភ្ជល់។ រុក្ខជាតិនេះមានកម្ពស់ ពី៤ ទៅ១០ម៉ែត្រ ដើមមានវិជ្ឈមាត្រ ៥០ ទៅ៦០ស.ម ដុះក្នុងព្រៃក្រាស់ល្មម នៃឧបទ្វីបឥណ្ឌូចិន។ រុក្ខជាតិនេះមានធាងវែងរហូតដល់ទៅ១២ម៉ែត្រ ។
សព្វថ្ងៃនេះ មានគ្រូថ្នាំខ្មែរខ្លះ និងគ្រូហោរមួយចំនួន ប្រើស្លឹកទ្រាំងសម្រាប់សរសេរ។ ស្លឹកចាស់ៗ គេប្រើសម្រាប់ប្រក់ផ្ទះ ធ្វើកន្ទេល ជាដើម។ ធាង ទង ស្លឹក សម្រាប់ធ្វើឈើច្រត់ ព្រួញ ត្រល់។ ផ្លែទ្រាំង អាចបំពុលត្រីបាន អ្នកនេសាទគេបាចឲ្យត្រីពុល មុននេសាទវា ក្នុងរដូវទឹកសម្រក៕
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com