AFF U16៖ ថៃ បានលេខ៣ក្រោយឈ្នះម្ចាស់ផ្ទះ កម្ពុជា ៣-០

កីឡាជាតិ

ជាតិ

AFF U16៖ ថៃ បានលេខ៣ក្រោយឈ្នះម្ចាស់ផ្ទះ កម្ពុជា ៣-០

23, Jul 2016 , 5:22 pm

រូបភាព

ដោយ:

ក្រុមយុវជនជម្រើសជាតិអាយុក្រោម១៦ឆ្នាំថៃបានគ្រងតំណែងលេខ៣ នៃពានរង្វាន់សហព័ន្ធកីឡាបាល់ទាត់អាស៊ាន AFF U-16 Championship ប្រចាំឆ្នាំ២០១៦ ក្រោយពីឈ្នះម្ចាស់ផ្ទះកម្ពុជា ៣-០ ក្នុងការប្រកួតដណ្តើមយកលេខ៣នៅពហុកីឡដ្ឋានជាតិនាល្ងាចថ្ងៃទី២៣ ខែកក្កដា នេះ ខណៈក្រុមយុវជនជម្រើសជាតិកម្ពុជាបានលេខ៤។

ក្រុមយុវជនជម្រើសជាតិអាយុក្រោម១៦ឆ្នាំថៃ បានលត់ក្រុមម្ចាស់ផ្ទះយុវជនកម្ពុជា ៣-០ ដើម្បីឡើងគ្រងតំណែងលេខ៣នៃពានរង្វាន់សហព័ន្ធកីឡាបាល់ទាត់អាស៊ានក្នុងព្រឹត្តិការណ៍ AFF U16 Championship 2016 ខណៈកម្ពុជាឈរលំដាប់លេខ៤។

កីឡាករ Peerapat Kaminthong បានរកគ្រាប់បាល់ជួយឲ្យថៃនាំមុខកម្ពុជា ១-០ នៅនាទី១២ មុនកីឡាករ Korawich Tasa រកបានគ្រាប់បាល់ទី២ឲ្យថៃបន្ថែមនៅនាទី២០ ក្រោយមកកីឡាករ Aon Prasongpo សម្រេចបាន១គ្រាប់ទៀតនៅនាទីទី៣៧ ដើម្បីជួយឲ្យថៃនាំមុខកម្ពុជា ៣-០ នៅក្នុងតង់ទី១។ ប៉ុន្តែនៅតង់ទី២ក្រុមទាំងពីរមិនមានការស៊ុតបញ្ចូលទីគ្នានោះទេ ដោយរក្សាលទ្ធផលថៃយកឈ្នះលើក្រុមកម្ពុជា ៣-០ ដដែល។

លទ្ធផល ៣-០ របស់ថៃលើកម្ពុជានេះអាចបញ្ជាក់បានថា ក្រុមយុវជនជម្រើសជាតិកម្ពុជានៅតែមិនអាចសងសឹកលើក្រុមយុវជនជម្រើសជាតិថៃបានដដែល បើទោះបីជាគ្រូបង្វឹកកម្ពុជា Inoue Kazunori ផ្តាស់ប្តូរយុទ្ធសាស្ត្រ និងទម្រង់លេងយ៉ាងណាក៏ដោយ ពោលគឺក្រុមនេះនៅតែបន្តចាញ់ថៃដដែលសម្រាប់ការប្រកួតនៃពានរង្វាន់នេះ។

ជម្រើសដំបូងកម្ពុជា៖ ស្វែង សំណាង (អ្នកចាំទី), យ៉ើ សាហ្វី (ប្រធានក្រុម), ឈឿង វីស៊ីនុ, ឡុង ម៉េងហាវ, សៀង ចន្ធា, សាន គឹមហេង, ស៊ិន កក្កដា, ទុន សុំឆៃ, ហេង ទីណា, ទៀត គឹមហេង, ម៉ៅ ពិសិដ្ឋ។

កីឡាករបម្រុង៖ ទេស សម្បត្តិ, ទូច គឹមឆាយ, តាន់ រិទ្ធីវីវឌ្ឍន៍, យ៉េត ចិត្រា, គង់ ចាន់សិរិសា, សេត ម៉ាន់ស៊ូត, រ័ត្ន ប៊ុននូ ,ហ៊ុល គឹមហ៊ុយ, គង់ រ៉ាហ្វាត់, សៀន សុភត្រា, ផាច សុផាវីឡា, សឿត ណាវ៉ា៕