ជាតិ
មូលនិធិ ម៉េងលី ជេ. គួច បរិច្ចាគអាហារសប្បុរសធម៌ និង បណ្ណាល័យចល័ត នៅសាលាបឋមសិក្សា ហ៊ុន សែន ចំបក់
×![]()
ដោយ: ថ្មីៗ
ធនាគារអាហារសប្បុរសធម៌ ម៉េងលី ជេ. គួច លើកទី៤៧ និងបណ្ណាល័យចល័ត ម៉េងលី ជេ. គួច លើកទី៣ នៃមូលនិធិ ម៉េងលី ជេ. គួច បានរៀបចំប្រារព្ធធ្វើនៅសាលាបឋមសិក្សា ហ៊ុន សែន ចំបក់ ដែលមានអាសយដ្ឋានស្ថិតនៅភូមិពើក ឃុំពើក ស្រុកអង្គស្នួល ខេត្តកណ្តាល កាលពីចុងសប្តាហ៍កន្លងទៅនេះ។ 
សិស្សានុសិស្សសរុបទាំងអស់មានចំនួន៤៥១នាក់ ដែលក្នុងម្នាក់ៗទទួលបានអំណោយសម្ពៀតសិក្សាចំនួន១ សៀវភៅសរសេរចំនួន២ក្បាល សៀវភៅរឿងនិទានសម្រាប់កុមារចំនួន២ក្បាល អាហារសម្រន់ និងភេសជ្ជៈផ្សេងៗ ព្រមទាំងរង្វាន់លើកទឹកចិត្តសម្រាប់សិស្សដែលចូលរួមកម្មវិធីផាត់ពណ៌រូបភាពបានស្អាតជាងគេផងដែរ ដែលសរុបជាទឹកប្រាក់ចំនួន១៣,០៥៧,៤០០រៀល។ កម្មវិធីសប្បុរសធម៌លើកនេះ គឺទទួលបានការសហការចូលរួមឧបត្ថម្ភពី បណ្តាក្រុមហ៊ុនផ្សេងៗចំនួន៣ ដែលរួមមាន ៖ ក្រុមហ៊ុន City Park Development ក្រុមហ៊ុន ស៊ីនដា Logistics និងហាង Deluxe Chicken។
អ្នកគ្រូ ជា សុខនី បង្រៀនថ្នាក់ទី៤ នៅសាលាបឋមសិក្សាខាងលើ បានសម្តែងនូវទឹកចិត្តសប្បាយរីករាយចំពោះប្អូនៗសិស្សានុសិស្សទាំងអស់ ដែលពួកគេបានទទួលនូវអំណោយសប្បុរសធម៌ជាសម្ភារសិក្សា និងសម្ភារប្រើប្រាស់ផ្សេងៗ។ អ្នកគ្រូ សុខនី បានបន្តទៀតថា “អំណោយទាំងនោះ គឺបានជួយសម្រាលទុក្ខលំបាករបស់សិស្សបានមួយកម្រិត ក៏ដូចជាជួយជម្រុញទឹកចិត្តពួកគេឱ្យប្រឹងប្រែងរៀនសូត្រ និងមករៀនទៀងទាត់បន្តទៀត។ ខ្ញុំសូមសំណូមពរឱ្យមូលនិធិ ម៉េងលី ជេ. គួច មេត្តាបន្តជួយឧបត្ថម្ភនូវសម្ភារសិក្សា និងសម្ភារប្រើប្រាស់ផ្សេងៗបន្ថែមទៀត ជូនដល់សិស្សានុសិស្ស ជាពិសេសបរិច្ចាគសៀវភៅអានផ្សេងៗ សម្រាប់ទុកឱ្យពួកគេសិក្សាស្រាវជ្រាវបន្ថែមនៅក្នុងបណ្ណាល័យ”។
អារម្មណ៍ត្រេកអរ និងសាទរចំពោះសិស្សានុសិស្សទាំង៤៥១នាក់ លោក យិន ជឿន នាយកសាលាបឋមសិក្សា ហ៊ុន សែន ចំបក់ បានសម្តែងនូវក្តីសោមនស្សរីករាយចំពោះសកម្មភាពសប្បុរសធម៌របស់មូលនិធិ ម៉េងលី ជេ. គួច ដែលបាននាំយកនូវអំណោយសប្បុរសធម៌ផ្សេងៗ មកបរិច្ចាគជូនសិស្សានុសិស្សនៅទីនេះ។
លោក ខឹម ប៊ុណ្ណាវឌ្ឍន៍ ប្រធានកម្មវិធី នៃមូលនិធិ ម៉េងលី ជេ. គួច បានលើកឡើងថា មូលហេតុចម្បងដែលមូលនិធិ ម៉េងលី ជេ. គួច បានរៀបចំកម្មវិធីទាំងពីរខាងលើ នៅសាលាបឋមសិក្សា ហ៊ុន សែន ចំបក់ ទី១ មូលនិធិចង់ចូលរួមលើកកម្ពស់នូវវប្បធម៌នៃការអានទៅកាន់កុមារតូចៗ ដោយក្រុមការងារមូលនិធិបានបញ្ចូលនូវសកម្មភាពប្លែកៗជាច្រើន សម្រាប់ឱ្យកុមារងាកមកចាប់អារម្មណ៍លើការអាន រួមមានដូចជា ការនិទានរឿង គូររូបភាព និងផាត់ពណ៌រូបភាពជាដើម ដើម្បីទាក់ទាញនូវចំណាប់អារម្មណ៍ពួកគេឱ្យចូលចិត្តសៀវភៅ និងចាប់ផ្តើមអានសៀវភៅ។ ខណៈពេលដែលប្អូនៗអានកាន់តែច្រើន ពួកគេនឹងយល់ដឹងកាន់តែច្រើនពីតថភាពក្នុងសង្គម ហើយពួកគេនឹងទទួលបាននូវចំណេះដឹងយ៉ាងទូលំទូលាយតាមរយៈការអានផងដែរ។ មិនតែប៉ុណ្ណោះ ពួកគេថែមទាំងមានលទ្ធភាពអាចដោះស្រាយនូវរាល់បញ្ហាផ្សេងៗ ដែលពួកគេជួបប្រទះបានយ៉ាងល្អប្រសើរ។ ទី២ មូលនិធិចង់ចូលរួមថែរក្សានូវវប្បធម៌នៃការចែករំលែករវាងគ្នានិងគ្នាឱ្យបានច្រើនតាមដែលអាចធ្វើទៅបាន ដើម្បីបង្ហាញពីសាមគ្គីភាព និងសេចក្តីស្រឡាញ់ចំពោះគ្នាទៅវិញទៅមក៕
(អត្ថបទសាលា)
សិស្សានុសិស្សសរុបទាំងអស់មានចំនួន៤៥១នាក់ ដែលក្នុងម្នាក់ៗទទួលបានអំណោយសម្ពៀតសិក្សាចំនួន១ សៀវភៅសរសេរចំនួន២ក្បាល សៀវភៅរឿងនិទានសម្រាប់កុមារចំនួន២ក្បាល អាហារសម្រន់ និងភេសជ្ជៈផ្សេងៗ ព្រមទាំងរង្វាន់លើកទឹកចិត្តសម្រាប់សិស្សដែលចូលរួមកម្មវិធីផាត់ពណ៌រូបភាពបានស្អាតជាងគេផងដែរ ដែលសរុបជាទឹកប្រាក់ចំនួន១៣,០៥៧,៤០០រៀល។ កម្មវិធីសប្បុរសធម៌លើកនេះ គឺទទួលបានការសហការចូលរួមឧបត្ថម្ភពី បណ្តាក្រុមហ៊ុនផ្សេងៗចំនួន៣ ដែលរួមមាន ៖ ក្រុមហ៊ុន City Park Development ក្រុមហ៊ុន ស៊ីនដា Logistics និងហាង Deluxe Chicken។
អ្នកគ្រូ ជា សុខនី បង្រៀនថ្នាក់ទី៤ នៅសាលាបឋមសិក្សាខាងលើ បានសម្តែងនូវទឹកចិត្តសប្បាយរីករាយចំពោះប្អូនៗសិស្សានុសិស្សទាំងអស់ ដែលពួកគេបានទទួលនូវអំណោយសប្បុរសធម៌ជាសម្ភារសិក្សា និងសម្ភារប្រើប្រាស់ផ្សេងៗ។ អ្នកគ្រូ សុខនី បានបន្តទៀតថា “អំណោយទាំងនោះ គឺបានជួយសម្រាលទុក្ខលំបាករបស់សិស្សបានមួយកម្រិត ក៏ដូចជាជួយជម្រុញទឹកចិត្តពួកគេឱ្យប្រឹងប្រែងរៀនសូត្រ និងមករៀនទៀងទាត់បន្តទៀត។ ខ្ញុំសូមសំណូមពរឱ្យមូលនិធិ ម៉េងលី ជេ. គួច មេត្តាបន្តជួយឧបត្ថម្ភនូវសម្ភារសិក្សា និងសម្ភារប្រើប្រាស់ផ្សេងៗបន្ថែមទៀត ជូនដល់សិស្សានុសិស្ស ជាពិសេសបរិច្ចាគសៀវភៅអានផ្សេងៗ សម្រាប់ទុកឱ្យពួកគេសិក្សាស្រាវជ្រាវបន្ថែមនៅក្នុងបណ្ណាល័យ”។
អារម្មណ៍ត្រេកអរ និងសាទរចំពោះសិស្សានុសិស្សទាំង៤៥១នាក់ លោក យិន ជឿន នាយកសាលាបឋមសិក្សា ហ៊ុន សែន ចំបក់ បានសម្តែងនូវក្តីសោមនស្សរីករាយចំពោះសកម្មភាពសប្បុរសធម៌របស់មូលនិធិ ម៉េងលី ជេ. គួច ដែលបាននាំយកនូវអំណោយសប្បុរសធម៌ផ្សេងៗ មកបរិច្ចាគជូនសិស្សានុសិស្សនៅទីនេះ។
លោក ខឹម ប៊ុណ្ណាវឌ្ឍន៍ ប្រធានកម្មវិធី នៃមូលនិធិ ម៉េងលី ជេ. គួច បានលើកឡើងថា មូលហេតុចម្បងដែលមូលនិធិ ម៉េងលី ជេ. គួច បានរៀបចំកម្មវិធីទាំងពីរខាងលើ នៅសាលាបឋមសិក្សា ហ៊ុន សែន ចំបក់ ទី១ មូលនិធិចង់ចូលរួមលើកកម្ពស់នូវវប្បធម៌នៃការអានទៅកាន់កុមារតូចៗ ដោយក្រុមការងារមូលនិធិបានបញ្ចូលនូវសកម្មភាពប្លែកៗជាច្រើន សម្រាប់ឱ្យកុមារងាកមកចាប់អារម្មណ៍លើការអាន រួមមានដូចជា ការនិទានរឿង គូររូបភាព និងផាត់ពណ៌រូបភាពជាដើម ដើម្បីទាក់ទាញនូវចំណាប់អារម្មណ៍ពួកគេឱ្យចូលចិត្តសៀវភៅ និងចាប់ផ្តើមអានសៀវភៅ។ ខណៈពេលដែលប្អូនៗអានកាន់តែច្រើន ពួកគេនឹងយល់ដឹងកាន់តែច្រើនពីតថភាពក្នុងសង្គម ហើយពួកគេនឹងទទួលបាននូវចំណេះដឹងយ៉ាងទូលំទូលាយតាមរយៈការអានផងដែរ។ មិនតែប៉ុណ្ណោះ ពួកគេថែមទាំងមានលទ្ធភាពអាចដោះស្រាយនូវរាល់បញ្ហាផ្សេងៗ ដែលពួកគេជួបប្រទះបានយ៉ាងល្អប្រសើរ។ ទី២ មូលនិធិចង់ចូលរួមថែរក្សានូវវប្បធម៌នៃការចែករំលែករវាងគ្នានិងគ្នាឱ្យបានច្រើនតាមដែលអាចធ្វើទៅបាន ដើម្បីបង្ហាញពីសាមគ្គីភាព និងសេចក្តីស្រឡាញ់ចំពោះគ្នាទៅវិញទៅមក៕
(អត្ថបទសាលា)
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
