ពីនេះ ពីនោះ
ត្រសេះតូចពោះត្នោតទុំ មានពីរប្រភេទគឺ Neglecta និង Tonkinensis
× ត្រសេះតូចពោះត្នោតទុំ គឺជាឈ្មោះបក្សីមួយប្រភេទដែលមានពីរប្រភេទ។ បក្សីឈ្មោលប្រភេទ Neglecta ផ្នែកខ្នងពណ៌ប្រផេះ ផ្នែកពោះពណ៌ត្នោតខ្ចី។ ចំណែកបក្សីញី ស្រដៀងបក្សីឈ្មោលដែរ តែផ្នែកពោះពណ៌ទឹកក្រូច។ ចំណែកបក្សីប្រភេទ Tonkinensis ដែលបក្សីឈ្មោលផ្នែកខ្នងពណ៌ប្រផេះជាំ ផ្នែកពោះពណ៌ឈាមជ្រូក ចំពុះខ្មៅ។ រីឯបក្សីញី ស្រដៀង ឈ្មោលដែរ តែផ្នែកពោះពណ៌ព្រលែតជាង។ បក្សីជាទូទៅ ច្រើនរស់នៅតាមព្រៃស្រល់ ព្រៃរបោះ ជួនកាលនៅព្រៃស្រោង ហើយបង្ហាញខ្លួនគ្រប់ទីកន្លែងទាំងឡាយខាងលើ ហើយបន្ដពូជចាប់ពីខែមីនា ដល់ឧសភា៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com