អន្តរជាតិ
×![]()
ចុងក្រោយគណរដ្ឋមន្ត្រីឥណ្ឌាសម្រេចឲ្យមានការបង្កើតកងវវៈសេនាធំទី៤ ផ្នែកមីស៊ីលនាថ្ងៃអង្គារទី ២ ខែសីហា ដោយមីស៊ីលនេះត្រូវបានទៅកាន់ រដ្ឋ Arunachal Pradesh នៅភាគខាងឦសានដែលជាប់ព្រំដែនប្រទេសចិននោះ។ 
បើតាមសារព័ត៌មានឥណ្ឌា Economic Times រដ្ឋាភិបាលនេះអនុញ្ញាតផ្តល់មីស៊ីលល្បឿនលឿន BrahMosដែលជាអាវុធផលិតក្នុងស្រុកក្រោមការសហការជាមួយរុស្ស៊ី ចំនួន១០០ ដើមទៅឲ្យវរៈសេនាធំទី៤ផ្នែកមីស៊ីលនេះ រួមជាមួយយានយន្តបំពាក់ម៉ាស៊ីបាញ់មីស៊ីលស្វ័យប្រវត្តិចំនួន ៥គ្រឿង និងកន្លែងបញ្ជាចល័តចំនួន១ ផង។ ការពង្រាយមីស៊ីលល្បឿនលឿននិងមានរយៈចម្ងាយមធ្យមទៅកាន់ព្រំដែនចិននេះជាយុទ្ធសាស្ត្រពង្រឹងសមត្ថភាពប្រយុទ្ធ និងទប់ទល់ការគំរាមកំហែងពីក្រៅ ឬនិយាយឲ្យចំដើម្បីទប់ទល់ចិន។
សូមស្តាប់ការបកស្រាយរបស់លោក សៅ ផលនិស្ស័យ៖
គណកម្មាធិការសន្តិសុខនៃរដ្ឋាភិបាលឥណ្ឌាស្ថិតក្រោមការដឹកនាំរបស់លោកនាយករដ្ឋមន្ត្រីឥណ្ឌា នារិន្ទ្រា ម៉ូឌី បានសម្រេចឲ្យមានការពង្រាយមីស៊ីលរបស់ឥណ្ឌា BrahMos ទៅកាន់រដ្ឋ Arunachal Pradesh ដែលនៅជាប់ព្រំដែនជាមួយចិន នៅដើមសប្តាហ៍កន្លងទៅ។ ជារួម មីស៊ីលទាំងអស់ចំនួន ១០០ដើមនឹងត្រូវបញ្ជូនទៅកាន់តំបន់ខាងលើនេះ។
រយៈពេលប៉ុន្មានឆ្នាំចុងក្រោយនេះឥណ្ឌាបានចំណាយថវិកាច្រើនសន្ធឹកសន្ធាប់ដើម្បីពង្រឹងសមត្ថភាពយោធានិងផលិតសព្វាវុធដើម្បីនាំចេញផង។ អាមេរិក និងរុស្ស៊ីក្លាយជាអ្នកផ្គត់ផ្គង់អាវុធធំបំផុតរបស់មហាយក្សអាស៊ីខាងត្បូងមួយនេះ ហើយអ្វីដែលសំខាន់រុស្ស៊ីបានក្លាយជាដៃគូសហការផលិតអាវុធជាមួយឥណ្ឌារួចហើយ។ លាក់បាំងអី មីស៊ីលរយៈចម្ងាយមធ្យមនិងមានល្បឿនលឿន BrahMos នេះជាសមិទ្ធផលរបស់ក្រុមហ៊ុនចម្រុះរបស់ឥណ្ឌានិងរុស្ស៊ីនេះឯង។ទាក់ទិនការនាំចេញអាវុធវិញ ឥណ្ឌាកំពុងចាប់ផ្តើមមានមុខមានមាត់ក្នុងទីផ្សារអាវុធ ហើយប្រទេសជាច្រើនកំពុងបញ្ជាទិញអាវុធជាពិសេសមីស៊ីលខាងលើនេះពីឥណ្ឌាដែរ។ ក្នុងចំណោមនោះ មានរដ្ឋាភិបាលវៀតណាម ដែលជាភាគីដែលកំពុងមានជម្លោះជាមួយចិនក្នុង សមុទ្រចិនខាងត្បូងនោះ។
១.ឥណ្ឌាពង្រាយមីស៊ីលដើម្បីទប់ទល់មិត្តជិតខាងមហាយក្សចិន?
បើតាមសារព័ត៌មានក្នុងស្រុករបស់ឥណ្ឌា ការសម្រេចរបស់គណរដ្ឋមន្ត្រីគឺបង្កើតវរៈសេនាធំផ្នែកមីស៊ីលនៅរដ្ឋ Arunachal Pradesh ដែល ជាប់ព្រំដែនចិនតែម្តង។ វាជាកងវរៈសេនាធំផ្នែកមីស៊ីលរបស់ឥណ្ឌាទី ៤ ហើយវរៈសេនាធំនេះនឹងទទួលបានមីស៊ីលចំនួន ១០០ដើម ដោយ រួមជាមួយយានយន្តបំពាក់ម៉ាស៊ីបាញ់មីស៊ីលស្វ័យប្រវត្តិចំនួន ៥គ្រឿង និងកន្លែងបញ្ជាចល័តចំនួន ១ ផង ក៏ដូចជាសម្ភារៈនិងប្រព័ន្ធបច្ចេកវិទ្យាមួយចំនួនផងដែរដើម្បីបង្កើនប្រសិទ្ធភាពនៃ ការបំពេញភារកិច្ច។ ជារួម ការបង្កើតវរៈសេនាធំថ្មីនេះ ឥណ្ឌាត្រូវចំណាយទឹកប្រាក់ក្នុងទំហំប្រហែល ជាង៦៤០លានដុល្លារអាមេរិកផងដែរ។
ជាការវាយតម្លៃរួម ការបន្តពង្រឹងសមត្ថភាពយោធាដោយនាំអាវុធចូលផង ផលិតអាវុធខ្លួនឯងផង ហើយមានការពង្រាយមីស៊ីលស៊េរីទំនើបនេះទៅតាមព្រំដែនជាមួយចិន បង្ហាញកាន់តែច្បាស់ពីយុទ្ធសាស្ត្ររបស់មហាយក្សឥណ្ឌាក្នុងការទប់ទល់ជាមួយចិន។ ឥណ្ឌាតែងតែប្រុងប្រយ័ត្ន ព្រោះមកទល់បច្ចុប្បន្នចិនបន្តកសាងហេដ្ឋារចនាសម្ព័ន្ធសម្រាប់ប្រើប្រាស់បម្រើប្រយោជន៍យោធាយ៉ាងច្រើននៅតាមព្រំដែនជាមួយឥណ្ឌា។
បន្ថែមពីនេះ មហាយក្សឥណ្ឌា ក៏កំពុងដុតដៃដុតជើងស្រាវជ្រាវបន្ថែមដើម្បីបំពាក់មីស៊ីលប្រភេទនេះឲ្យកងទ័ពជើងទឹក និងជើងអាកាស ដែលវានឹងបង្កើនសមត្ថភាពនិងយុទ្ធសាស្ត្រប្រយុទ្ធផង។ បច្ចុប្បន្ននេះ បើក្រឡេកមើលកងទ័ពជើងទឹកវិញ ឥណ្ឌាបានបំពាក់មីស៊ីល BrahMos លើនាវាចម្បាំងចំនួន១០គ្រឿងរួចរាល់ហើយ ហើយក៏ត្រៀមបំពាក់លើនាវាមុជទឹកផងដែរ។ ចំណែកទ័ពអាកាស ឥណ្ឌាបានសាកល្បងបំពាក់និងបាញ់មីស៊ីលនេះពីលើយន្តហោះចម្បាំង Su-30 របស់រុស្ស៊ីរួចរាល់ហើយកាលពីខែមិថុនាកន្លងទៅ។
ដូច្នេះ មីស៊ីលដែលអាចបាញ់បានចម្ងាយ ២៩០ គីឡូម៉ែត្រនិងមានល្បឿនលឿននេះនឹងមានតួនាទីស្នូលក្នុងការការពារព្រំដែនឥណ្ឌានិងទប់ស្កាត់ការគំរាមកំហែងផ្នែកសន្តិសុខក្នុងស្ថានការណ៍អាសន្ន។
២. ឥណ្ឌាត្រៀមលក់មីស៊ីល BrahMos ឲ្យប្រទេសមានជម្លោះជាមួយចិន
ដូចបានបញ្ជាក់ខាងដើមស្រាប់ ឥណ្ឌានេះបានបង្កើនការផលិតមីស៊ីលនេះដើម្បីនាំចេញ ក្នុងនាមជាប្រទេសនាំចេញអាវុធជាន់ថ្មី។ អ្វីដែលគួរឲ្យកត់សម្គាល់ប្រទេសជាច្រើនរួមទាំងប្រទេសដែលមានជម្លោះជាមួយចិនលើបញ្ហាសមុទ្រចិនខាងត្បូង វៀតណាម កំពុងសុំទិញមីស៊ីលនេះពីឥណ្ឌាថែមទៀត។ ប្រមុខរដ្ឋាភិបាលឥណ្ឌាលោក នារិន្ទ្រា ម៉ូឌី បានបញ្ជាឲ្យក្រុមហ៊ុនផលិតសព្វាវុធ BrahMos Aerospace ពន្លឿនការលក់សព្វាវុធនេះទៅឲ្យប្រទេស ៥ សិនដែលក្នុងនោះប្រទេសវៀតណាមស្ថិតនៅលេខរៀងទីមួយ។
ប្រទេសបួនទៀតមាន ប្រស៊ីល ស៊ីលី ឥណ្ឌូនេស៊ី និងអាហ្វ្រិកខាងត្បូង។ តាមពិតទៅ វៀតណាម បានស្នើសុំទិញមីស៊ីលពីឥណ្ឌាតាំងពីឆ្នាំ២០១១ ម្ល៉េះ តែឥណ្ឌាដើមឡើយដូចជាស្ទាក់ស្ទើរព្រោះការលក់អាវុធឲ្យវៀតណាមអាចបង្កការក្តៅក្រហាយដល់ចិនផង។ វៀតណាមរំពឹងថា មីស៊ីលប្រភេទនេះអាចជួយខ្លួនបានច្រើនក្នុងការពង្រឹងវិស័យការពារជាតិថែមទៀតផង ដោយសារវាស្ថិតក្នុងចំណោមមីស៊ីលដែលមានល្បឿនលឿនបំផុតមួយ ពោលគឺលឿនជាងសំឡេង ៣ដង។
គេវាយតម្លៃថា រដ្ឋាភិបាលឥណ្ឌាកំពុងតែព្យាយាមដើម្បីទប់ទល់ជាមួយការកើនឡើងនៃឥទ្ធិពលរបស់មហាយក្សចិននៅក្នុងតំបន់ថែមទៀតផង ហើយការរះត្រដែតឡើងរបស់ចិនក្លាយជាក្តីបារម្ភរបស់ ឥណ្ឌា ចំពោះសន្តិសុខផងដែរ៕
បើតាមសារព័ត៌មានឥណ្ឌា Economic Times រដ្ឋាភិបាលនេះអនុញ្ញាតផ្តល់មីស៊ីលល្បឿនលឿន BrahMosដែលជាអាវុធផលិតក្នុងស្រុកក្រោមការសហការជាមួយរុស្ស៊ី ចំនួន១០០ ដើមទៅឲ្យវរៈសេនាធំទី៤ផ្នែកមីស៊ីលនេះ រួមជាមួយយានយន្តបំពាក់ម៉ាស៊ីបាញ់មីស៊ីលស្វ័យប្រវត្តិចំនួន ៥គ្រឿង និងកន្លែងបញ្ជាចល័តចំនួន១ ផង។ ការពង្រាយមីស៊ីលល្បឿនលឿននិងមានរយៈចម្ងាយមធ្យមទៅកាន់ព្រំដែនចិននេះជាយុទ្ធសាស្ត្រពង្រឹងសមត្ថភាពប្រយុទ្ធ និងទប់ទល់ការគំរាមកំហែងពីក្រៅ ឬនិយាយឲ្យចំដើម្បីទប់ទល់ចិន។
សូមស្តាប់ការបកស្រាយរបស់លោក សៅ ផលនិស្ស័យ៖
គណកម្មាធិការសន្តិសុខនៃរដ្ឋាភិបាលឥណ្ឌាស្ថិតក្រោមការដឹកនាំរបស់លោកនាយករដ្ឋមន្ត្រីឥណ្ឌា នារិន្ទ្រា ម៉ូឌី បានសម្រេចឲ្យមានការពង្រាយមីស៊ីលរបស់ឥណ្ឌា BrahMos ទៅកាន់រដ្ឋ Arunachal Pradesh ដែលនៅជាប់ព្រំដែនជាមួយចិន នៅដើមសប្តាហ៍កន្លងទៅ។ ជារួម មីស៊ីលទាំងអស់ចំនួន ១០០ដើមនឹងត្រូវបញ្ជូនទៅកាន់តំបន់ខាងលើនេះ។
រយៈពេលប៉ុន្មានឆ្នាំចុងក្រោយនេះឥណ្ឌាបានចំណាយថវិកាច្រើនសន្ធឹកសន្ធាប់ដើម្បីពង្រឹងសមត្ថភាពយោធានិងផលិតសព្វាវុធដើម្បីនាំចេញផង។ អាមេរិក និងរុស្ស៊ីក្លាយជាអ្នកផ្គត់ផ្គង់អាវុធធំបំផុតរបស់មហាយក្សអាស៊ីខាងត្បូងមួយនេះ ហើយអ្វីដែលសំខាន់រុស្ស៊ីបានក្លាយជាដៃគូសហការផលិតអាវុធជាមួយឥណ្ឌារួចហើយ។ លាក់បាំងអី មីស៊ីលរយៈចម្ងាយមធ្យមនិងមានល្បឿនលឿន BrahMos នេះជាសមិទ្ធផលរបស់ក្រុមហ៊ុនចម្រុះរបស់ឥណ្ឌានិងរុស្ស៊ីនេះឯង។ទាក់ទិនការនាំចេញអាវុធវិញ ឥណ្ឌាកំពុងចាប់ផ្តើមមានមុខមានមាត់ក្នុងទីផ្សារអាវុធ ហើយប្រទេសជាច្រើនកំពុងបញ្ជាទិញអាវុធជាពិសេសមីស៊ីលខាងលើនេះពីឥណ្ឌាដែរ។ ក្នុងចំណោមនោះ មានរដ្ឋាភិបាលវៀតណាម ដែលជាភាគីដែលកំពុងមានជម្លោះជាមួយចិនក្នុង សមុទ្រចិនខាងត្បូងនោះ។
១.ឥណ្ឌាពង្រាយមីស៊ីលដើម្បីទប់ទល់មិត្តជិតខាងមហាយក្សចិន?
បើតាមសារព័ត៌មានក្នុងស្រុករបស់ឥណ្ឌា ការសម្រេចរបស់គណរដ្ឋមន្ត្រីគឺបង្កើតវរៈសេនាធំផ្នែកមីស៊ីលនៅរដ្ឋ Arunachal Pradesh ដែល ជាប់ព្រំដែនចិនតែម្តង។ វាជាកងវរៈសេនាធំផ្នែកមីស៊ីលរបស់ឥណ្ឌាទី ៤ ហើយវរៈសេនាធំនេះនឹងទទួលបានមីស៊ីលចំនួន ១០០ដើម ដោយ រួមជាមួយយានយន្តបំពាក់ម៉ាស៊ីបាញ់មីស៊ីលស្វ័យប្រវត្តិចំនួន ៥គ្រឿង និងកន្លែងបញ្ជាចល័តចំនួន ១ ផង ក៏ដូចជាសម្ភារៈនិងប្រព័ន្ធបច្ចេកវិទ្យាមួយចំនួនផងដែរដើម្បីបង្កើនប្រសិទ្ធភាពនៃ ការបំពេញភារកិច្ច។ ជារួម ការបង្កើតវរៈសេនាធំថ្មីនេះ ឥណ្ឌាត្រូវចំណាយទឹកប្រាក់ក្នុងទំហំប្រហែល ជាង៦៤០លានដុល្លារអាមេរិកផងដែរ។
ជាការវាយតម្លៃរួម ការបន្តពង្រឹងសមត្ថភាពយោធាដោយនាំអាវុធចូលផង ផលិតអាវុធខ្លួនឯងផង ហើយមានការពង្រាយមីស៊ីលស៊េរីទំនើបនេះទៅតាមព្រំដែនជាមួយចិន បង្ហាញកាន់តែច្បាស់ពីយុទ្ធសាស្ត្ររបស់មហាយក្សឥណ្ឌាក្នុងការទប់ទល់ជាមួយចិន។ ឥណ្ឌាតែងតែប្រុងប្រយ័ត្ន ព្រោះមកទល់បច្ចុប្បន្នចិនបន្តកសាងហេដ្ឋារចនាសម្ព័ន្ធសម្រាប់ប្រើប្រាស់បម្រើប្រយោជន៍យោធាយ៉ាងច្រើននៅតាមព្រំដែនជាមួយឥណ្ឌា។
បន្ថែមពីនេះ មហាយក្សឥណ្ឌា ក៏កំពុងដុតដៃដុតជើងស្រាវជ្រាវបន្ថែមដើម្បីបំពាក់មីស៊ីលប្រភេទនេះឲ្យកងទ័ពជើងទឹក និងជើងអាកាស ដែលវានឹងបង្កើនសមត្ថភាពនិងយុទ្ធសាស្ត្រប្រយុទ្ធផង។ បច្ចុប្បន្ននេះ បើក្រឡេកមើលកងទ័ពជើងទឹកវិញ ឥណ្ឌាបានបំពាក់មីស៊ីល BrahMos លើនាវាចម្បាំងចំនួន១០គ្រឿងរួចរាល់ហើយ ហើយក៏ត្រៀមបំពាក់លើនាវាមុជទឹកផងដែរ។ ចំណែកទ័ពអាកាស ឥណ្ឌាបានសាកល្បងបំពាក់និងបាញ់មីស៊ីលនេះពីលើយន្តហោះចម្បាំង Su-30 របស់រុស្ស៊ីរួចរាល់ហើយកាលពីខែមិថុនាកន្លងទៅ។
ដូច្នេះ មីស៊ីលដែលអាចបាញ់បានចម្ងាយ ២៩០ គីឡូម៉ែត្រនិងមានល្បឿនលឿននេះនឹងមានតួនាទីស្នូលក្នុងការការពារព្រំដែនឥណ្ឌានិងទប់ស្កាត់ការគំរាមកំហែងផ្នែកសន្តិសុខក្នុងស្ថានការណ៍អាសន្ន។
២. ឥណ្ឌាត្រៀមលក់មីស៊ីល BrahMos ឲ្យប្រទេសមានជម្លោះជាមួយចិន
ដូចបានបញ្ជាក់ខាងដើមស្រាប់ ឥណ្ឌានេះបានបង្កើនការផលិតមីស៊ីលនេះដើម្បីនាំចេញ ក្នុងនាមជាប្រទេសនាំចេញអាវុធជាន់ថ្មី។ អ្វីដែលគួរឲ្យកត់សម្គាល់ប្រទេសជាច្រើនរួមទាំងប្រទេសដែលមានជម្លោះជាមួយចិនលើបញ្ហាសមុទ្រចិនខាងត្បូង វៀតណាម កំពុងសុំទិញមីស៊ីលនេះពីឥណ្ឌាថែមទៀត។ ប្រមុខរដ្ឋាភិបាលឥណ្ឌាលោក នារិន្ទ្រា ម៉ូឌី បានបញ្ជាឲ្យក្រុមហ៊ុនផលិតសព្វាវុធ BrahMos Aerospace ពន្លឿនការលក់សព្វាវុធនេះទៅឲ្យប្រទេស ៥ សិនដែលក្នុងនោះប្រទេសវៀតណាមស្ថិតនៅលេខរៀងទីមួយ។
ប្រទេសបួនទៀតមាន ប្រស៊ីល ស៊ីលី ឥណ្ឌូនេស៊ី និងអាហ្វ្រិកខាងត្បូង។ តាមពិតទៅ វៀតណាម បានស្នើសុំទិញមីស៊ីលពីឥណ្ឌាតាំងពីឆ្នាំ២០១១ ម្ល៉េះ តែឥណ្ឌាដើមឡើយដូចជាស្ទាក់ស្ទើរព្រោះការលក់អាវុធឲ្យវៀតណាមអាចបង្កការក្តៅក្រហាយដល់ចិនផង។ វៀតណាមរំពឹងថា មីស៊ីលប្រភេទនេះអាចជួយខ្លួនបានច្រើនក្នុងការពង្រឹងវិស័យការពារជាតិថែមទៀតផង ដោយសារវាស្ថិតក្នុងចំណោមមីស៊ីលដែលមានល្បឿនលឿនបំផុតមួយ ពោលគឺលឿនជាងសំឡេង ៣ដង។
គេវាយតម្លៃថា រដ្ឋាភិបាលឥណ្ឌាកំពុងតែព្យាយាមដើម្បីទប់ទល់ជាមួយការកើនឡើងនៃឥទ្ធិពលរបស់មហាយក្សចិននៅក្នុងតំបន់ថែមទៀតផង ហើយការរះត្រដែតឡើងរបស់ចិនក្លាយជាក្តីបារម្ភរបស់ ឥណ្ឌា ចំពោះសន្តិសុខផងដែរ៕
Tag:
BrahMos
នារិន្ទ្រា ម៉ូឌី
Arunachal Pradesh
ចិន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
