ជាតិ
ក្រសួងអប់រំ ប្រាប់ឲ្យបេក្ខជនប្រយ័ត្ន ព្រោះមានជនខិលខូចលួចបង្កើតគណនីហ្វេសប៊ុកក្រសួង ដើម្បីលក់វិញ្ញាសា
×![]()
ភ្នំពេញ៖ ក្រសួងអប់រំយុវជន និងកីឡា បានចេញសេចក្តីប្រកាសព័ត៌មានស្ដីពី ជនខិលខូចបានលួចបង្កើតគណនីហ្វេសប៊ុកក្លែងរបស់ក្រសួងអប់រំ ក្នុងគោលដៅដាក់លក់វិញ្ញាសាប្រឡងមធ្យមសិក្សាទុតិយភូមិ។ ក្រសួង បានអំពាវនាវឲ្យអាណាព្យាបាល និងបេក្ខជនប្រឡង មានការប្រុងប្រយ័ត្នចំពោះករណីនេះ។
មានជនខិលខូចលួចបង្កើតគណនីហ្វេសប៊ុកក្លែងបន្លំ (Facebook Account) របស់ក្រសួងអប់រំ យុវជន និងកីឡា ដែលប្រើរូបសញ្ញា(Cover&Profile) ក្នុងបំណងមិនល្អ ដោយបានផ្សព្វផ្សាយដាក់លក់វិញ្ញាសា និងផ្ដល់លេខទូរសព្ទសម្រាប់ទាក់ទងថែមទៀត។ នេះជាសេចក្តីប្រកាសព័ត៌មានរបស់ក្រសួងអប់រំយុវជន និងកីឡា ចុះថ្ងៃទី ៦ ខែសីហា ហើយសេចក្តីប្រកាសនេះ ក៏បញ្ជាក់ថា ក្រសួងបានសហការជាមួយអាជ្ញាធរ ក្នុងការស្វែងរក និងវែកមុខជនខិលខូច ដែលលួចបង្កើតគណនីហ្វេសប៊ុកក្លែងក្លាយនេះ មកផ្ដន្ទាទោសតាមផ្លូវច្បាប់ដែរ។
តាមរយៈសេចក្តីប្រកាសព័ត៌មានដដែល ក្រសួងអប់រំ បានអំពាវនាវ ដល់មាតា បិតា អាណាព្យាបាល និងបេក្ខជន ដែលត្រូវប្រឡងសញ្ញាបត្រមធ្យមសិក្សាទុតិយភូមិ និងបំពេញវិជ្ជានាពេលខាងមុខនេះ បង្កើនការប្រុងប្រយ័ត្ន និងកុំជឿបុគ្គលមួយចំនួន ផ្សព្វផ្សាយក្នុងរូបភាពជាការលក់ដូរវិញ្ញាសា ដែលនាំឲ្យខាតបង់ថវិកា និងទ្រព្យសម្បត្តិ។ ក្រសួងអប់រំ ក៏ឆ្លៀតបញ្ជាក់ពី ទំព័រហ្វេសប៊ុកផ្លូវការរបស់ក្រសួងតែមួយគត់គឺ MoEYS Cambodia តំណភ្ជាប់ https://www.facebook.com/moeys.gov.kh សម្រាប់ផ្សព្វផ្សាយដំណឹងជូនសាធារណជន និងសិស្សានុសិស្ស។ ហើយបច្ចុប្បន្នទំព័រហ្វេសប៊ុកផ្លូវការរបស់ក្រសួងអប់រំនេះ មានការតាមដាន (Like) ជាង ១,២ លាននាក់។
សូមបញ្ជាក់ថា សម័យប្រឡងបាក់ឌុប នឹងប្រព្រឹត្តទៅនៅថ្ងៃទី២២ ខែសីហា ឆ្នាំ២០១៦នេះ។ ឆ្នាំនេះ មានបេក្ខជនប្រឡងសរុបចំនួន៩៣.៧៥២នាក់ ក្នុងនោះមានមណ្ឌលប្រឡងចំនួន ១៥៧មណ្ឌល និង ៣.៧៨១បន្ទប់ នៅទូទាំង២៥ រាជធានី-ខេត្ត។ លទ្ធផលប្រឡង ក្រសួងនឹងប្រកាសនៅរសៀលថ្ងៃទី១៣ ខែកញ្ញា ឆ្នាំ២០១៦ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្ដាល។ ចំណែកមណ្ឌលនៅតាមបណ្តាខេត្តនានា លទ្ធផលនឹងត្រូវប្រកាសនៅថ្ងៃទី១៤ ខែកញ្ញា ឆ្នាំ២០១៦៕
មានជនខិលខូចលួចបង្កើតគណនីហ្វេសប៊ុកក្លែងបន្លំ (Facebook Account) របស់ក្រសួងអប់រំ យុវជន និងកីឡា ដែលប្រើរូបសញ្ញា(Cover&Profile) ក្នុងបំណងមិនល្អ ដោយបានផ្សព្វផ្សាយដាក់លក់វិញ្ញាសា និងផ្ដល់លេខទូរសព្ទសម្រាប់ទាក់ទងថែមទៀត។ នេះជាសេចក្តីប្រកាសព័ត៌មានរបស់ក្រសួងអប់រំយុវជន និងកីឡា ចុះថ្ងៃទី ៦ ខែសីហា ហើយសេចក្តីប្រកាសនេះ ក៏បញ្ជាក់ថា ក្រសួងបានសហការជាមួយអាជ្ញាធរ ក្នុងការស្វែងរក និងវែកមុខជនខិលខូច ដែលលួចបង្កើតគណនីហ្វេសប៊ុកក្លែងក្លាយនេះ មកផ្ដន្ទាទោសតាមផ្លូវច្បាប់ដែរ។
តាមរយៈសេចក្តីប្រកាសព័ត៌មានដដែល ក្រសួងអប់រំ បានអំពាវនាវ ដល់មាតា បិតា អាណាព្យាបាល និងបេក្ខជន ដែលត្រូវប្រឡងសញ្ញាបត្រមធ្យមសិក្សាទុតិយភូមិ និងបំពេញវិជ្ជានាពេលខាងមុខនេះ បង្កើនការប្រុងប្រយ័ត្ន និងកុំជឿបុគ្គលមួយចំនួន ផ្សព្វផ្សាយក្នុងរូបភាពជាការលក់ដូរវិញ្ញាសា ដែលនាំឲ្យខាតបង់ថវិកា និងទ្រព្យសម្បត្តិ។ ក្រសួងអប់រំ ក៏ឆ្លៀតបញ្ជាក់ពី ទំព័រហ្វេសប៊ុកផ្លូវការរបស់ក្រសួងតែមួយគត់គឺ MoEYS Cambodia តំណភ្ជាប់ https://www.facebook.com/moeys.gov.kh សម្រាប់ផ្សព្វផ្សាយដំណឹងជូនសាធារណជន និងសិស្សានុសិស្ស។ ហើយបច្ចុប្បន្នទំព័រហ្វេសប៊ុកផ្លូវការរបស់ក្រសួងអប់រំនេះ មានការតាមដាន (Like) ជាង ១,២ លាននាក់។
សូមបញ្ជាក់ថា សម័យប្រឡងបាក់ឌុប នឹងប្រព្រឹត្តទៅនៅថ្ងៃទី២២ ខែសីហា ឆ្នាំ២០១៦នេះ។ ឆ្នាំនេះ មានបេក្ខជនប្រឡងសរុបចំនួន៩៣.៧៥២នាក់ ក្នុងនោះមានមណ្ឌលប្រឡងចំនួន ១៥៧មណ្ឌល និង ៣.៧៨១បន្ទប់ នៅទូទាំង២៥ រាជធានី-ខេត្ត។ លទ្ធផលប្រឡង ក្រសួងនឹងប្រកាសនៅរសៀលថ្ងៃទី១៣ ខែកញ្ញា ឆ្នាំ២០១៦ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្ដាល។ ចំណែកមណ្ឌលនៅតាមបណ្តាខេត្តនានា លទ្ធផលនឹងត្រូវប្រកាសនៅថ្ងៃទី១៤ ខែកញ្ញា ឆ្នាំ២០១៦៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
