ពីនេះ ពីនោះ
ព័ត៍មានសុខភាព
តើអ្នកមិនគួរបង្រៀនកូនស្រីអ្វីខ្លះ?
× ប្រសិនជាអ្នកមានកូនស្រី មានរឿងមួយចំនួនដែលអ្នកមិនគួរបង្រៀន និងអប់រំកូននោះទេ ព្រោះវាអាចបំផ្លាញអនាគតរបស់គេបាន។ តើមានអ្វីខ្លះទៅ?
ទោះបីជាកូនស្អាតយ៉ាងណាក៏ដោយក៏អ្នកមិនគួរតែងតែសរសើរពីសម្រស់កូនដែរ អ្នកគួរតែធ្វើយ៉ាងណាឲ្យគេស្គាល់ពីសម្រស់ខាងក្នុង ដោយមិនមែនជាសម្រស់ខាងក្រៅនោះទេ នៅពេលដែលចិត្តស្អាត ទោះបីសំបកមិនស្អាតក៏មានអ្នករាប់អានច្រើនដែរ។
អ្នកមិនគួរបង្រៀនគេឲ្យគិតស្រមើលស្រមៃថានៅពេលដែលគេមានគ្រោះថ្នាក់ មានអ្នកជួយនោះទេ ព្រោះវាមានតែក្នុងរឿងនិទាន ដោយអ្នកគួរតែបង្រៀនគេឲ្យចេះការពារខ្លួនទើបល្អ។
អ្នកមិនគួរអប់រំឲ្យកូនលេងតែជាមួយក្មេងស្រីនោះទេ ព្រោះវាអាចធ្វើឲ្យកូនមិនរឹងមាំដូចបុរស។ តែប្រសិនកូនអាចលេងជាមួយក្មេងប្រុសដទៃ គេអាចនឹងមានអារម្មណ៍ថាអ្វីដែលបុរសធ្វើបាន គេនឹងអាចធ្វើបានដូចគ្នា។
ម្យ៉ាងទៀតការងារក្នុងផ្ទះដែលជាការងាររបស់ប៉ា អ្នកក៏អាចធ្វើជំនួសដែរ ដើម្បីឲ្យកូនយកតម្រាប់តាមអ្នក ហើយមិនពឹងតែទៅលើបុរស។
អ្នកមិនគួរបង្អាប់សម្រស់អ្នកដទៃនៅចំពោះមុខកូននោះទេ ព្រោះវាអាចធ្វើឲ្យកូនគិតថាសម្រស់ពិតជាសំខាន់ជាងអ្វីៗទាំងអស់ ជាហេតុដែលធ្វើឲ្យកូនមិនព្រមញ៉ាំអាហារគ្រប់មុខដើម្បីរក្សារាងរបស់គេ នោះគេអាចនឹងខ្វះសារធាតុចិញ្ចឹមផ្សេងៗបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com