ពីនេះ ពីនោះ
ពាក្យ«អនុបវាទ»មានន័យថា អ្នកនៅជាកណ្ដាល
× ពាក្យថា «អនុបវាទ» គឺជាពាក្យមួយដែលគេឃើញប្រើភាគច្រើននៅក្នុងភាសានិយាយពេលបោះឆ្នោតជ្រើសរើសអ្វីមួយ។ ដូចជាគេនិយាយថា «សំឡេងអនុបវាទ» ប៉ុន្មាននាក់ជាដើម។ ប៉ុន្តែចំពោះអត្ថន័យពាក្យ អាចនិយាបានថាមានសាធារណជនជាច្រើនមិនបានដឹងពីអត្ថន័យ របស់វានោះទេ។
វចនានុក្រមសម្ដេចព្រះសង្ឃរាជ ជូន ណាត បានឲ្យនិយមន័យពាក្យ«អនុបវាទ»មានថ្នាក់ពាក្យជាគុណនាម មានន័យថា ដែលឥតឧបវាទ, ដែលឥតដំណៀល, ដែលអត់ធ្មត់នៅស្ងៀម, ដែលមិនស្ដីថាទៅលើរូបអ្នកណាមួយៈ មនុស្សអនុបវាទ, ពាក្យអនុបវាទ, ឆ្នោតអនុបវាទ ជាដើម។ ប៉ុន្តែប្រសិនបើប្រើថ្នាក់ពាក្យជានាម មានន័យថា អ្នកដែលមិនពោលតិះដៀល, អ្នកដែលនៅស្ងៀមជាកណ្ដាល, ការមិនពោលតិះដៀល, ការអត់ធ្មត់នៅស្ងៀម៕
ដកស្រង់ពីវចនានុក្រមខ្មែររបស់ សម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com