ជាតិ
វិទ្យាស្ថាន អន្តរទ្វីប អាមេរិកាំង បើកសិក្ខាសាលាស្តីអំពី “ប្រសិទ្ធភាពនៃជំនាញទំនាក់ទំនង”
×![]()
ដោយ: ថ្មីៗ
ដើម្បីពង្រឹងសមត្ថភាពទំនាក់ទំនងក្នុងការងារឱ្យកាន់តែមានប្រសិទ្ធភាព កាលពីសប្តាហ៍កន្លងទៅនេះ វិទ្យាស្ថាន និងសាលារៀន អន្តរទ្វីប អាមេរិកាំង បានអញ្ជើញវាគ្មិន មកពី “សេវាខ្មែរពិគ្រោះយោបល់ និងចិត្តសាស្ត្រ” ដែលហៅកាត់ថា (KCPS) ក្នុងនោះរួមមាន ដុកទ័រ មេហ្គាន ខាទ័រ (Megan Carters) ចិត្តវិទ្យា ផ្នែកគ្លីនិក បានបញ្ចប់ថ្នាក់បណ្ឌិតមកពីប្រទេសអូស្ត្រាលី និងមានបទពិសោធជាមួយកុមារក្នុងមន្ទីរពេទ្យ និងសាលារៀនជាច្រើនឆ្នាំ និងកញ្ញា ម៉ាក ចាន់សុផល អនុបណ្ឌិតចិត្តវិទ្យាពីប្រទេសហ្វីលីពីន ដែលជាអ្នកពិគ្រោះយោបល់ មានបទពិសោធន៍ការងារពិគ្រោះ យោបល់ជាមួយកុមារ និងបង្រៀនជាច្រើនឆ្នាំ មកបើកវគ្គសិក្ខាសាលាស្តីអំពី “ប្រសិទ្ធភាពនៃជំនាញ ទំនាក់ទំនង” ដែលប្រារព្ធឡើងនៅសាលប្រជុំ អាឡិច គួច នៃវិទ្យាស្ថាន អន្តរទ្វីប អាមេរិកាំង សាខា ទួលគោក ដែលមានអ្នកចូលរួមប្រមាណ១៩៤នាក់។
លោក កែវ ឡង់ឌី អគ្គនាយកអប់រំ និងប្រធានទំនាក់ទំនងទូទៅ នៃវិទ្យាស្ថាន និងសាលារៀន អន្តរទ្វីប អាមេរិកាំង បានមានប្រសាសន៍ឱ្យដឹងថា គោលបំណងនៃការរៀបចំឱ្យមានវគ្គសិក្ខាសាលា នេះគឺ ដើម្បីឱ្យលោកគ្រូ អ្នកគ្រូ និងបុគ្គលិកទាំងអស់ ស្វែងយល់កាន់តែស៊ីជម្រៅអំពីរបៀប ទំនាក់ទំនង ក្នុងការងារ ក៏ដូចជាការបង្រៀនសិស្សដែលទាក់ទងទៅនឹងការប្រាស្រ័យទាក់ទង ការប្រើប្រាស់ពាក្យ សម្តី និងភាសាកាយវិការជាដើម។ លោកបានបញ្ជាក់ថា ”ទំនាក់ទំនង“ គឺជាវិធីសាស្ត្រមួយនៃចិត្ត សាស្ត្រក្នុងការឈ្វេងយល់ពីចិត្តមនុស្ស តាមរយៈការនិយាយស្តី កាយវិការ និងទឹកមុខមនុស្ស ហើយក៏ មានសារៈសំខាន់ដែរសម្រាប់លោកគ្រូ អ្នកគ្រូ ក្នុងការបង្រៀនសិស្ស ថាតើពួកគាត់មានបញ្ហាអ្វី ហើយ ត្រូវការជំនួយអ្វីពីយើង ពេលនោះលោកគ្រូ អ្នកគ្រូ នឹងដឹងច្បាស់លាស់អំពីតម្រូវការរបស់សិស្ស។
ជាមួយគ្នានេះដែរ កញ្ញា ម៉ាក ចាន់សុផល បានឱ្យដឹងថា ”ជំនាញទំនាក់ទំនងពិតជាមាន សារៈសំខាន់ណាស់សម្រាប់សិក្ខាកាមនៅថ្ងៃនេះ ពួកគាត់អាចយល់អំពីការប្រាស្រ័យទាក់ទងជាមួយ ក្រុមការងារចាប់ពីថ្នាក់ក្រោមរហូតដល់ថ្នាក់លើ ជាពិសេសជាមួយកូនសិស្សផ្ទាល់“។ កញ្ញាបានលម្អិត អំពីជំនាញទំនាក់ទំនង “អ្វីដែលយើងចង់បាន នោះគឺមនុស្សនិយាយត្រង់ ប៉ុន្តែវប្បធម៌យើងពិបាក ទទួលយកណាស់ ព្រោះវប្បធម៌ខ្មែរពុំហ៊ាននិយាយអ្វីត្រង់ទេ ដោយហេតុផលថាទុកមុខទុកមាត់ឱ្យ គ្នាផង។ ប៉ុន្តែបើយើងមិននិយាយចេញមកដោយត្រង់ៗទេ នោះយើងនឹងមានបញ្ហាជាពុំខាននៅថ្ងៃ ក្រោយ”។
ក្នុងឱកាសនោះដែរ នាយកផ្នែកកម្មវិធីភាសាចិន លោក សាំង រី ជាសិក្ខាកាមម្នាក់ក្នុងចំណោម សិក្ខាកាមផ្សេងៗ ក៏បានសម្តែងនូវចំណាប់អារម្មណ៍ផងដែរថា ”ខ្ញុំសប្បាយចិត្តណាស់ដែលសាលាយើង បង្កើតកម្មវិធីនេះ ដើម្បីបណ្តុះបណ្តាលជំនាញទន់ដល់លោកគ្រូ អ្នកគ្រូ និងបុគ្គលិកឱ្យយល់ពី សារៈសំខាន់នៃការទំនាក់ទំនងគ្នា ចំណែកខ្ញុំទទួលបានចំណេះដឹងច្រើនពីសិក្ខាសាលានេះ ជាពិសេស ជំនាញទន់តែម្តង។ មែនទែនទៅជំនាញទន់នេះ ពិតជាមានសារៈសំខាន់សម្រាប់អ្នករស់នៅក្នុង សតវត្សរ៍ទី២១នេះ ជាក់ស្តែងការប្រាស្រ័យទាក់ទងរវាងលោកគ្រូ អ្នកគ្រូ និងសិស្ស ហើយអ្វីដែលល្អ ជាងនេះទៀតនោះ គឺពួកយើងបានយល់អំពីការប្រាស្រ័យទាក់ទងគ្នាក្នុងក្រុមការងារ ក្រុមគ្រួសារ និង សង្គមកាន់តែប្រសើរឡើងរវាងអ្នកនិយាយ និងអ្នកទទួល“៕
(អត្ថបទសាលា)
លោក កែវ ឡង់ឌី អគ្គនាយកអប់រំ និងប្រធានទំនាក់ទំនងទូទៅ នៃវិទ្យាស្ថាន និងសាលារៀន អន្តរទ្វីប អាមេរិកាំង បានមានប្រសាសន៍ឱ្យដឹងថា គោលបំណងនៃការរៀបចំឱ្យមានវគ្គសិក្ខាសាលា នេះគឺ ដើម្បីឱ្យលោកគ្រូ អ្នកគ្រូ និងបុគ្គលិកទាំងអស់ ស្វែងយល់កាន់តែស៊ីជម្រៅអំពីរបៀប ទំនាក់ទំនង ក្នុងការងារ ក៏ដូចជាការបង្រៀនសិស្សដែលទាក់ទងទៅនឹងការប្រាស្រ័យទាក់ទង ការប្រើប្រាស់ពាក្យ សម្តី និងភាសាកាយវិការជាដើម។ លោកបានបញ្ជាក់ថា ”ទំនាក់ទំនង“ គឺជាវិធីសាស្ត្រមួយនៃចិត្ត សាស្ត្រក្នុងការឈ្វេងយល់ពីចិត្តមនុស្ស តាមរយៈការនិយាយស្តី កាយវិការ និងទឹកមុខមនុស្ស ហើយក៏ មានសារៈសំខាន់ដែរសម្រាប់លោកគ្រូ អ្នកគ្រូ ក្នុងការបង្រៀនសិស្ស ថាតើពួកគាត់មានបញ្ហាអ្វី ហើយ ត្រូវការជំនួយអ្វីពីយើង ពេលនោះលោកគ្រូ អ្នកគ្រូ នឹងដឹងច្បាស់លាស់អំពីតម្រូវការរបស់សិស្ស។
ជាមួយគ្នានេះដែរ កញ្ញា ម៉ាក ចាន់សុផល បានឱ្យដឹងថា ”ជំនាញទំនាក់ទំនងពិតជាមាន សារៈសំខាន់ណាស់សម្រាប់សិក្ខាកាមនៅថ្ងៃនេះ ពួកគាត់អាចយល់អំពីការប្រាស្រ័យទាក់ទងជាមួយ ក្រុមការងារចាប់ពីថ្នាក់ក្រោមរហូតដល់ថ្នាក់លើ ជាពិសេសជាមួយកូនសិស្សផ្ទាល់“។ កញ្ញាបានលម្អិត អំពីជំនាញទំនាក់ទំនង “អ្វីដែលយើងចង់បាន នោះគឺមនុស្សនិយាយត្រង់ ប៉ុន្តែវប្បធម៌យើងពិបាក ទទួលយកណាស់ ព្រោះវប្បធម៌ខ្មែរពុំហ៊ាននិយាយអ្វីត្រង់ទេ ដោយហេតុផលថាទុកមុខទុកមាត់ឱ្យ គ្នាផង។ ប៉ុន្តែបើយើងមិននិយាយចេញមកដោយត្រង់ៗទេ នោះយើងនឹងមានបញ្ហាជាពុំខាននៅថ្ងៃ ក្រោយ”។
ក្នុងឱកាសនោះដែរ នាយកផ្នែកកម្មវិធីភាសាចិន លោក សាំង រី ជាសិក្ខាកាមម្នាក់ក្នុងចំណោម សិក្ខាកាមផ្សេងៗ ក៏បានសម្តែងនូវចំណាប់អារម្មណ៍ផងដែរថា ”ខ្ញុំសប្បាយចិត្តណាស់ដែលសាលាយើង បង្កើតកម្មវិធីនេះ ដើម្បីបណ្តុះបណ្តាលជំនាញទន់ដល់លោកគ្រូ អ្នកគ្រូ និងបុគ្គលិកឱ្យយល់ពី សារៈសំខាន់នៃការទំនាក់ទំនងគ្នា ចំណែកខ្ញុំទទួលបានចំណេះដឹងច្រើនពីសិក្ខាសាលានេះ ជាពិសេស ជំនាញទន់តែម្តង។ មែនទែនទៅជំនាញទន់នេះ ពិតជាមានសារៈសំខាន់សម្រាប់អ្នករស់នៅក្នុង សតវត្សរ៍ទី២១នេះ ជាក់ស្តែងការប្រាស្រ័យទាក់ទងរវាងលោកគ្រូ អ្នកគ្រូ និងសិស្ស ហើយអ្វីដែលល្អ ជាងនេះទៀតនោះ គឺពួកយើងបានយល់អំពីការប្រាស្រ័យទាក់ទងគ្នាក្នុងក្រុមការងារ ក្រុមគ្រួសារ និង សង្គមកាន់តែប្រសើរឡើងរវាងអ្នកនិយាយ និងអ្នកទទួល“៕
(អត្ថបទសាលា)
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ម៉ោង
