ជាតិ
តុលាការកំពូលនឹងប្រកាសសាលដីកាសុំនៅក្រៅឃុំរបស់លោក អ៊ុំ សំអាន នៅថ្ងៃស្អែកនេះ
× នៅថ្ងៃទី១៧ សីហា តុលាការកំពូលនឹងប្រកាសសាលដីកាសុំនៅក្រៅឃុំរបស់លោក អ៊ុំ សំអាន តំណាងរាស្ត្រគណបក្សសង្គ្រោះជាតិ។
កន្លងមកលោក ហែម សុជាតិ មេធាវីការពារក្ដីលោក អ៊ុំ សំអាន បានសង្ឃឹមថា តុលាការនឹងពិចារណា វិនិច្ឆ័យឲ្យបានច្បាស់លាស់ ដោយអាចដោះលែងឲ្យកូនក្ដីលោក មានសេរីភាពឡើងវិញ ព្រោះកូនក្តីលោកមិនបានប្រព្រឹត្តិបទល្មើសជាក់ស្ដែង ដូចការចោទប្រកាន់របស់តុលាការក្រុងភ្នំពេញនោះឡើយ។
សូមបញ្ជាក់ថា កាលពីថ្ងៃទី១២ ខែមេសាកន្លងទៅ តុលាការក្រុងភ្នំពេញ បានចោទប្រកាន់ លោក អ៊ុំ សំអាន ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងញុះញង់ឲ្យមានការរើសអើង តាមមាត្រា ៤៩៥ និងមាត្រា ៤៩៦ នៃក្រមព្រហ្មទណ្ឌ ពាក់ព័ន្ធនឹងការបញ្ចេញទស្សនៈ ពីបញ្ហាព្រំដែន តាមហ្វេសប៊ុក កាលពីឆ្នាំ២០១៥។ ក្រោយមកករណីលោក អ៊ុំ សំអាន ត្រូវបានសមាជិករដ្ឋសភា មកពីគណបក្សប្រជាជនកម្ពុជាបោះឆ្នោត គាំទ្រឲ្យយតុលាការ និងសមត្ថកិច្ចអនុវត្តនីតិវិធីបន្ត ចំពោះតំណាងរាស្ត្រគណបក្សប្រឆាំងរូបនេះ៕
© រក្សាសិទ្ធិដោយ thmeythmey.com