លោក អ៊ូ ច័ន្ទរ័ត្ន សុំលោក ប៉ា សុជាតិវង្ស តម្កល់រូបសំណាកលោក កែម ឡី នៅទីលានប្រជាធិបតេយ្យ

ជាតិ

នយោបាយជាតិ

លោក អ៊ូ ច័ន្ទរ័ត្ន សុំលោក ប៉ា សុជាតិវង្ស តម្កល់រូបសំណាកលោក កែម ឡី នៅទីលានប្រជាធិបតេយ្យ

17, Aug 2016 , 4:21 pm

រូបភាព

លោក អ៊ូ ច័ន្ទរ័ត្ន នៅក្នុងពិធីបុណ្យសពលោក កែម ឡី កាលពីពេលថ្មីៗនេះ

ដោយ: ថ្មីៗ

តំណាងរាស្រ្តគណបក្សសង្គ្រោះជាតិ លោក អ៊ូ ច័ន្ទរ័ត្ន បានដាក់សំណើទៅលោក ប៉ា សុជាតិវង្ស អភិបាលរាជធានីភ្នំពេញ សុំតម្កល់រូបសំណាកលោក កែម ឡី នៅទីលានប្រជាធិបតេយ្យ។

លិខិតរបស់លោក អ៊ូ ច័ន្ទរ័ត្ន ចុះថ្ងៃទី ១៧ ខែ សីហា នេះ បានប្រាប់លោក អភិបាលរាជធានីភ្នំពេញថា ការស្លាប់របស់លោក កែម ឡី ធ្វើឲ្យប្រជាពលរដ្ឋខ្មែរគ្រប់មជ្ឈដ្ឋាន រួមទាំងរូបលោក សោកស្តាយយ៉ាងខ្លាំង ហើយចាត់ទុកលោក កែម ឡី ជាវីរបុរសរបស់ខ្មែរ។ ដូច្នេះហើយទើបលោក សុំការអនុញ្ញាតពីលោក ប៉ា សុជាតិវង្ស ដើម្បីសង់ និងតម្កល់រូបសំណាកលោក កែម ឡី នៅបរិវេណទីលានប្រជាធិបតេយ្យ ដើម្បីរម្លឹកដល់វីរភាពរបស់លោកបណ្ឌិត កែម ឡី និងដើម្បីជានិមិត្តរូបនៃសេរីភាពក្នុងការបញ្ចេញមតិ។