សាលារាជធានីគ្រោងអភិវឌ្ឍផ្លូវថ្មើជើង២ខ្សែបន្ថែមតាមមាត់ទន្លេសាប និងទន្លេបាសាក់

ជាតិ

សង្គមជាតិ

សាលារាជធានីគ្រោងអភិវឌ្ឍផ្លូវថ្មើជើង២ខ្សែបន្ថែមតាមមាត់ទន្លេសាប និងទន្លេបាសាក់

17, Aug 2016 , 7:02 pm

រូបភាព

ដោយ: សារព័ត៌មានថ្មីៗ

ភ្នំពេញ៖ សាលារាជធានីភ្នំពេញ គ្រោងនឹងចាប់ផ្ដើមផែនការអភិវឌ្ឍផ្លូវថ្មើជើង ចំនួន២ខ្សែបន្ថែមទៀត ស្របតាមមាត់ទន្លេសាប និងទន្លេបាសាកក្នុងគោលដៅបង្កើនសោភ័ណភាពរាជធានីភ្នំពេញនិងទាក់ទាញ់ភ្ញៀវទេសចរជាតិ និងអន្តរជាតិឲ្យមកកម្សាន្ត នៅរាជធានីភ្នំពេញ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា។

អភិបាលរងរាជធានីភ្នំពេញ លោក អៀង អូននី បានបញ្ជាក់ថា គម្រោងអភិវឌ្ឍន៍ផ្លូវថ្មើរជើង២ខ្សែរនេះនឹងចាប់ផ្ដើមដំណើរការក្នុងពេលឆាប់ៗខាងមុខនេះ។ គម្រោងនេះ គឺចាប់ផ្ដើមពីខ្សែរទីមួយ មានប្រវែងជាង ១៦៤០ម៉ែត្រ ចាប់បីផ្សាររាត្រី ដល់ស្ពានជ្រោយចង្វារមិត្តភាពកម្ពុជា-ជប៉ុន។ ចំណែកគម្រោងខ្សែរទីពីរ មានប្រវែងជាង៣០០០ម៉ែត្រ ចាប់ពីកំពង់ដរអរិយក្សត្រ ដល់គល់ស្ពានព្រះមុន្នីវង្ស។

លោក អៀង អូននី បានថ្លែងនៅក្នុងកិច្ចប្រជុំបច្ចេកទេសការអភិវឌ្ឍផ្លូវថ្មើរជើងថា គម្រោងអភិវឌ្ឍន៍ច្រាំងទន្លេ និងផ្លូវថ្មើជើងទាំងពីរខ្សែរនេះ នឹងយកគំរូតាមគម្រោងស្ថាបនាច្រាំងទន្លេនិងផ្លូវថ្មើរជើង ដែលបានកសាងរួចរាល់ ចាប់ពីបញ្ជារព័ត៌មាន ទេសចរណ៍មុខព្រះបរមរាជវាំង ដល់កំពង់ដរអរិយក្សត្រ ដោយសារតែគម្រោងនេះកាត់បន្ថយផលប៉ះពាល់ក្នុងកម្រិតទាប។

តាមការបញ្ជាក់របស់លោក អូននី បច្ចុប្បន្នសាលារាជធានីកំពុងតែសម្របសម្រួលជាមួយអ្នករងផលប៉ះពាល់ ដើម្បីបញ្ឈៀសបញ្ហាដែលអាចកើតមានផ្សេងៗ ហើយអ្នកពាក់ព័ន្ធអាចទទួលយកបានទាំងអស់គ្នា។ គម្រោងអភិវឌ្ឍន៍ផ្លូវថ្មើរជើង និងច្រាំងទន្លេទាំងពីរខ្សែនេះ នឹងធ្វើឲ្យសួនមាត់ទន្លេមានទីធ្លាធំទូលាយ ដែលធ្វើឲ្យមានភាពងាយស្រួលដល់ពលរដ្ឋ និងភ្ញៀវទេសចរបានមកទស្សនាកម្សាន្តនៅមាត់ទន្លេ មានខ្យល់អាកាសល្អ ជាពិសេសគឺសម្រួលដល់ភ្ញៀវទេសចរដែលមកទស្សនាព្រះរាជពិធីបុណ្យអ៊ុំទូក៕