បាក់ឌុប៖បេក្ខជនត្រូវប្រឡងពីរវិញ្ញាសាទៀត នៅរសៀលនេះ

ជាតិ

បាក់ឌុប៖បេក្ខជនត្រូវប្រឡងពីរវិញ្ញាសាទៀត នៅរសៀលនេះ

22, Aug 2016 , 1:05 pm

រូបភាព

រូបភាពពីហ្វេសប៊ុកអង្គភាពប្រឆាំងអំពើពុករលួយ

ដោយ: ថ្មីៗ

ដំណើរការប្រឡងមធ្យមសិក្សាទុតិយភូមិ(បាក់ឌុប) បានបញ្ចប់ទៅរលូន បើទោះបីជាមានបេក្ខជនខ្លះមានបញ្ហាសុខភាពក្នុងពេលប្រឡង និងបេក្ខជនខ្លះបាននាំយកសំណៅឯកសារចូលក្នុងមណ្ឌលប្រឡងក៏ដោយ។

នៅរសៀលថ្ងៃទី១ នៃការប្រឡងបាក់ឌុប បេក្ខជនទាំងថ្នាក់វិទ្យាសាស្ត្រពិត និងវិទ្យាសាស្ត្រសង្គមត្រូវប្រឡងពីរមុខវិជ្ជាដូចគ្នា។ សម្រាប់ថ្នាក់វិទ្យាសាស្ត្រពិត នឹងត្រូវប្រឡងលើវិញ្ញាសាប្រវត្តិវិទ្យា និងភាសាបរទេស ខណៈថ្នាក់វិទ្យាសាស្ត្រសង្គម ត្រូវប្រឡងលើវិញ្ញាសាផែនដីនិងបរិស្ថានវិទ្យា និងភាសាបរទេស។ ចំពោះវិញ្ញាសានីមួយៗមានថេរវេលា៦០នាទី ដែលចាប់ផ្តើមនៅ ម៉ោង២រសៀល និងបញ្ចប់នៅម៉ោង៤:៣០នាទីរសៀល។

សូមបញ្ជាក់ថា វិញ្ញាសាប្រឡងដែលបានបញ្ចប់នៅព្រឹកថ្ងៃទី១ សម្រាប់ថ្នាក់វិទ្យាសាស្ត្រពិតគឺវិញ្ញាសារគីមីវិទ្យា និងជីវវិទ្យា ខណៈថ្នាក់វិទ្យាសាស្ត្រសង្គម ប្រឡងវិញ្ញាសាភូមិវិទ្យា និងប្រវត្តិវិទ្យា៕