ជាតិ
×![]()
ដោយ: ម៉ៅ សុផា
ភ្នំពេញ៖ នៅព្រឹកថ្ងៃអង្គនេះ កម្លាំងសមត្ថកិច្ច បាននាំខ្លួនលោក មាជ សុវណ្ណរ៉ា និងសកម្មជនគណបក្សសង្គ្រោះជាតិ១០នាក់ផ្សេងទៀត ទៅឲ្យសាលាឧទ្ធរណ៍ ជំនុំជម្រះ។ ក្រោយបញ្ចប់សវនាការ សាលាឧទ្ធរណ៍ សម្រេចវែកសំណុំរឿងរបស់អ្នកទាំង១១នាក់ ឲ្យចេញជា២ ផ្សេងគ្នា។
បន្ទាប់ពីសវនាការដែលប្រព្រឹត្តទៅអស់រយៈពេលជាង៣ម៉ោង ត្រូវបានបញ្ចប់ ក្រុមប្រឹក្សានៃអង្គជំនុំជម្រះសាលាឧទ្ធរណ៍ សម្រេចបំបែកសំណុំរឿងរបស់លោក មាជ សុវណ្ណរ៉ា និងសកម្មជនទាំង១០នាក់ ជាពីរផ្សេងគ្នា។ ការបំបែកសំណុំរឿងនេះ គឺជាការទាមទាររបស់មេធាវី ដែលការពារក្តីឲ្យពួកគាត់។ នេះបើតាម លោក អំ សំអាត ប្រធានបច្ចេកទេសឃ្លាំមើលការរំលោភសិទ្ធិមនុស្សរបស់អង្គការលីកាដូ ដែលបានចូលស្តាប់អង្គជំនុំជម្រះក្នុងបន្ទប់សវនាការ។
លោក អំ សំអាត បានប្រាប់ក្រុមអ្នកសារព័ត៌មានថា សំណុំរឿងទាំង២ ដែលត្រូវបានបំបែកនោះ គឺការសុំឲ្យមោឃភាពនីតិវិធី និងការប្តឹងជំទាស់នឹងសាលក្រម របស់សាលាដំបូងរាជធានីភ្នំពេញ។
មន្ត្រីជាន់ខ្ពស់នៃអង្គការលីកាដូរូបនេះ ពន្យល់ថា មូលហេតុនៃការសុំឲ្យទាត់ចោលនីតិវិធីរបស់សាលាដំបូងរាជធានីភ្នំពេញ ដោយសារតែមេធាវី យល់ថា ការសម្រេចរបស់សាលាដំបូងរាជធានីភ្នំពេញកន្លងមក គឺមិនត្រូវតាមច្បាប់។ លោក អំ សំអាត បន្ថែមទៀតថា ការខុសនីតិវិធី គឺស្ថិតនៅត្រង់ចំណុច ដែលសាលាដំបូងរាជធានីភ្នំពេញ បើកសវនាការ ហើយផ្តន្ទាទោសសកម្មជនបក្សប្រឆាំង៦នាក់ ក្នុងចំណោម១១នាក់ ដោយគ្មានវត្តមានរបស់មេធាវី។ លោក បញ្ជាក់ថា ការជំនុំជម្រះលើបទល្មើសឧក្រិដ្ឋ មិនអាចដំណើរការទៅដោយគ្មានមេធាវីនោះទេ។
បើតាមការអះអាងរបស់លោក អំ សំអាត ដដែល ការប្តឹងជំទាស់នឹងសាលក្រម គឺដោយសារតែមេធាវី និងកូនក្តី មិនពេញចិត្តនឹងសេចក្តីសម្រេចរបស់សាលាដំបូងរាជធានីភ្នំពេញ តែម្តង។ លោក បន្តថា អ្នកទាំង១១ខាងលើ ដែលត្រូវបាននាំខ្លួនមកសាលាឧទ្ធរណ៍នៅព្រឹកនេះ បានរួមគ្នាប្តឹងជំទាស់នឹង សាលក្រមរបស់សាលាដំបូងរាជធានីភ្នំពេញ ដើម្បីបាននៅក្រៅឃុំ។
យ៉ាងណាក៏ដោយ សម្រាប់សវនាការដែលដំណើរការទៅជាង៣ម៉ោងនេះ សាលាឧទ្ធរណ៍បានត្រឹមតែបំបែកសំណុំរឿងជា២តែប៉ុណ្ណោះ។ ចំណែកឯនីតិវិធីបន្តទៀត សាលាឧទ្ធរណ៍មិនទាន់ប្រកាសនោះទេ។
សូមរម្លឹកថា លោក មាជ សុវណ្ណរ៉ា និងសកម្មជន ១០នាក់ផ្សេងទៀត ត្រូវបានសមត្ថកិច្ចចាប់ខ្លួន ក្រោយផ្ទុះអំពើហិង្សា នៅស្ពាននាគ ក្បែរទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤ កន្លងទៅ។ បន្ទាប់មក សាលាដំបូងរាជធានីភ្នំពេញ បានសម្រេចផ្ដន្ទាទោសពួកគាត់ ដោយដាក់ពន្ធនាគារចន្លោះពី ៧ឆ្នាំទៅ ២០ឆ្នាំ ពីបទដឹកនាំ និងចូលរួមក្នុងចលនាកុបកម្ម បទហិង្សាដោយចេតនា មានស្ថានទម្ងន់ទោស និងបទប្រឆាំងរាជការសាធារណៈ៕
បន្ទាប់ពីសវនាការដែលប្រព្រឹត្តទៅអស់រយៈពេលជាង៣ម៉ោង ត្រូវបានបញ្ចប់ ក្រុមប្រឹក្សានៃអង្គជំនុំជម្រះសាលាឧទ្ធរណ៍ សម្រេចបំបែកសំណុំរឿងរបស់លោក មាជ សុវណ្ណរ៉ា និងសកម្មជនទាំង១០នាក់ ជាពីរផ្សេងគ្នា។ ការបំបែកសំណុំរឿងនេះ គឺជាការទាមទាររបស់មេធាវី ដែលការពារក្តីឲ្យពួកគាត់។ នេះបើតាម លោក អំ សំអាត ប្រធានបច្ចេកទេសឃ្លាំមើលការរំលោភសិទ្ធិមនុស្សរបស់អង្គការលីកាដូ ដែលបានចូលស្តាប់អង្គជំនុំជម្រះក្នុងបន្ទប់សវនាការ។
លោក អំ សំអាត បានប្រាប់ក្រុមអ្នកសារព័ត៌មានថា សំណុំរឿងទាំង២ ដែលត្រូវបានបំបែកនោះ គឺការសុំឲ្យមោឃភាពនីតិវិធី និងការប្តឹងជំទាស់នឹងសាលក្រម របស់សាលាដំបូងរាជធានីភ្នំពេញ។
មន្ត្រីជាន់ខ្ពស់នៃអង្គការលីកាដូរូបនេះ ពន្យល់ថា មូលហេតុនៃការសុំឲ្យទាត់ចោលនីតិវិធីរបស់សាលាដំបូងរាជធានីភ្នំពេញ ដោយសារតែមេធាវី យល់ថា ការសម្រេចរបស់សាលាដំបូងរាជធានីភ្នំពេញកន្លងមក គឺមិនត្រូវតាមច្បាប់។ លោក អំ សំអាត បន្ថែមទៀតថា ការខុសនីតិវិធី គឺស្ថិតនៅត្រង់ចំណុច ដែលសាលាដំបូងរាជធានីភ្នំពេញ បើកសវនាការ ហើយផ្តន្ទាទោសសកម្មជនបក្សប្រឆាំង៦នាក់ ក្នុងចំណោម១១នាក់ ដោយគ្មានវត្តមានរបស់មេធាវី។ លោក បញ្ជាក់ថា ការជំនុំជម្រះលើបទល្មើសឧក្រិដ្ឋ មិនអាចដំណើរការទៅដោយគ្មានមេធាវីនោះទេ។
បើតាមការអះអាងរបស់លោក អំ សំអាត ដដែល ការប្តឹងជំទាស់នឹងសាលក្រម គឺដោយសារតែមេធាវី និងកូនក្តី មិនពេញចិត្តនឹងសេចក្តីសម្រេចរបស់សាលាដំបូងរាជធានីភ្នំពេញ តែម្តង។ លោក បន្តថា អ្នកទាំង១១ខាងលើ ដែលត្រូវបាននាំខ្លួនមកសាលាឧទ្ធរណ៍នៅព្រឹកនេះ បានរួមគ្នាប្តឹងជំទាស់នឹង សាលក្រមរបស់សាលាដំបូងរាជធានីភ្នំពេញ ដើម្បីបាននៅក្រៅឃុំ។
យ៉ាងណាក៏ដោយ សម្រាប់សវនាការដែលដំណើរការទៅជាង៣ម៉ោងនេះ សាលាឧទ្ធរណ៍បានត្រឹមតែបំបែកសំណុំរឿងជា២តែប៉ុណ្ណោះ។ ចំណែកឯនីតិវិធីបន្តទៀត សាលាឧទ្ធរណ៍មិនទាន់ប្រកាសនោះទេ។
សូមរម្លឹកថា លោក មាជ សុវណ្ណរ៉ា និងសកម្មជន ១០នាក់ផ្សេងទៀត ត្រូវបានសមត្ថកិច្ចចាប់ខ្លួន ក្រោយផ្ទុះអំពើហិង្សា នៅស្ពាននាគ ក្បែរទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤ កន្លងទៅ។ បន្ទាប់មក សាលាដំបូងរាជធានីភ្នំពេញ បានសម្រេចផ្ដន្ទាទោសពួកគាត់ ដោយដាក់ពន្ធនាគារចន្លោះពី ៧ឆ្នាំទៅ ២០ឆ្នាំ ពីបទដឹកនាំ និងចូលរួមក្នុងចលនាកុបកម្ម បទហិង្សាដោយចេតនា មានស្ថានទម្ងន់ទោស និងបទប្រឆាំងរាជការសាធារណៈ៕
Tag:
តុលាការ
អុំ សំអាន
មាជ សុវណ្ណរ៉ា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
