ជាតិ
អគ្គនាយកដ្ឋានគយនិងរដ្ឋាករ ជ្រើសរើសជើងសាគយបណ្ដោះអាសន្នចំនួន១០០នាក់
× អគ្គនាយកដ្ឋានគយនិងរដ្ឋាករកម្ពុជា បានចេញសេចក្ដីជូនដំណឹងស្ដីពីការជ្រើសរើសជើងសាគយបណ្ដោះអាសន្នជារូបវន្តបុគ្គល ដែលតំណាងឲ្យនីតិបុគ្គល ឬរូបវន្តបុគ្គលខ្លួនផ្ទាល់ ចំនួន១០០នាក់សម្រាប់ឆ្នាំ២០១៦នេះ។ នេះបើយោងតាមទំព័រហ្វេសប៊ុកផ្លូវការរបស់អគ្គនាយកដ្ឋានគយនិងរដ្ឋាករកម្ពុជា។
សម្រាប់សាធារណជនដែលមានបំណងប្រកបអាជីវកម្មជើងសាគយ អាចមកទទួលពាក្យសុំ ចាប់ពីថ្ងៃទី០១ ខែកញ្ញា ដល់ថ្ងៃទី៣០ ខែតុលា ឆ្នាំ២០១៦។ ចំពោះកាលបរិច្ឆេទបើកវគ្គបណ្ដុះបណ្ដាល និងការប្រឡងវាយតម្លៃ ប្រព្រឹត្តនៅខែ វិច្ឆិកា ឆ្នាំ២០១៦ ។
ទាក់ទងគ្នានេះ សំណុំលិខិតស្នើសុំរួមមាន៖ ពាក្យសុំប្រកបអាជីវកម្មជើងសាគយ, ច្បាប់ចម្លងឯកសារចុះបញ្ជីកាពាណិជ្ជកម្ម, ច្បាប់ចម្លងវិញ្ញាបនបត្រចុះបញ្ជីពន្ធដារ, លិខិតថ្កោលទោស, ប្រវត្តិរូបសង្ខេប, ច្បាប់ចម្លងសញ្ញាបត្រកំរិតចាប់ពីមធ្យមសិក្សាទុតិយភូមិឡើង, ច្បាប់ចម្លងអត្តសញ្ញាណប័ណ្ណសញ្ជាតិខ្មែរ និងរូបថតផងដែរ។
សូមបញ្ជាក់ថា អគ្គនាយកដ្ឋានគយនិងរដ្ឋាករកម្ពុជា រក្សាសិទ្ធក្នុងការបញ្ឍប់ការទទួលពាក្យសុំប្រកបអាជវីកម្មជើងសាគយ មុនកាលកំណត់ខាងលើ ក្នុងករណីមានចំនួនអ្នកស្នើសុំមានគ្រប់តាមសំណូមពរខាងលើ។ ជាមួយគ្នានេះ សាធារណជន ដែលមានបំណងចង់ប្រកបវិជ្ជាជីវៈជាជើងសាគយ រួសរាន់មកបំពេញពាក្យបែបបទដាក់ពាក្យសុំប្រកបអាជីវកម្មជើងសាគយ នៅការិយាល័យគ្រប់គ្រងហានិភ័យ និងសវនកម្មគយនិងរដ្ឋាករនៃអគ្គនាយកដ្ឋានគយនិងរដ្ឋាករកម្ពុជា រៀងរាល់ម៉ោងធ្វើការ។ ព័ត៌មានបន្ថែម ០៨៩ ៨៩៧ ៧៨៨/ ០១២ ៥២២ ៥២២ និង ០១២ ៨៧៧ ២៨១៕
© រក្សាសិទ្ធិដោយ thmeythmey.com