ជាតិ
ដំណាំ «ម្ជូរល្មម» ត្រូវបានដាំនៅភូមិរុនតាឯកដើម្បីផលិតជាតែនិងតំណាប់
×![]()
សៀមរាប៖ ដើមម្ជូរល្មម ឫភាសាអង់គ្លេសហៅថា Rosella ត្រូវបានដាំសាកល្បងនៅលើដីក្នុងភូមិធម្មជាតិរុនតាឯក។ អ្នកជំនាញអះអាងថា ម្ជូរល្មម ឫRosella មានអត្ថប្រយោជន៍ច្រើនដល់សុខភាព ហើយគេអាចប្រើវាសម្រាប់ឆុងតែ និងធ្វើតំណាប់ជាដើម។
ខុសពីពេលមុន ដែលរុក្ខជាតិម្ជូរល្មម ត្រូវបានប្រជាពលរដ្ឋខ្មែរមើលរំលង និងមិនបានដឹងពីអត្ថប្រយោជន៍របស់វា។ កាលពីពេលថ្មីៗនេះ ម្ជូរល្មមត្រូវបានដាំដុះ ហើយគេរំពឹងថា វានឹងមានទីផ្សារល្អទៅថ្ងៃខាងមុខ។
ម្ជូរល្មមត្រូវបានដាក់ដាំសាកល្បងនៅលើផ្ទៃដី៤ហិកតា ក្នុងភូមិធម្មជាតិរុនតាឯក។ អ្នកជំនាញយល់ថា សណ្ឋានដីនៅភូមិរុនតាឯកមានភាពអំណោយផល និងសមស្របក្នុងការដាំដំណាំប្រភេទនេះ។ លោក Todd Anthony ទីប្រឹក្សាស្ម័គ្រចិត្តគម្រោងអភិវឌ្ឍន៍ភូមិធម្មជាតិរុនតាឯក និងជាអ្នកជំនាញខាងដំណាំម្ជូរល្មមបានឲ្យដឹងថា រុក្ខជាតិប្រភេទនេះ មានអត្ថប្រយោជន៍ច្រើនដល់សុខភាព។ វាជួយបញ្ចុះសំពាធឈាម និងធ្វើឲ្យដំណើរការរត់របស់ឈាមបានល្អ ជាពិសេសនោះវាបង្កើនថាមពលក្នុងខ្លួនរបស់មនុស្សឲ្យបានល្អប្រសើរផងដែរ ព្រោះរុក្ខជាតិនេះសម្បូរដោយសារធាតុវីតាមីនសេខ្ពស់។
លោក Anthony ដែលវិនិយោគលើដំណាំម្ជូរល្មមក្នុងភូមិធម្មជាតិរុនតាឯក បានឲ្យដឹងទៀតថា Rosella ឫម្ជូរល្មម ជារុក្ខជាតិដែលធននឹងអាកាសធាតុ។ លោកបញ្ជាក់ទៀតថា ដើមទាំងមូលរបស់ម្ជូរល្មម សុទ្ធតែអាចប្រើប្រាស់បានទាំងអស់ មានស្លឹក ដើម ធាង និងផ្លែជាដើម ដែលគេអាចផលិតជាតែ ភេសជ្ជៈ និងតំណាប់ជាដើម។
ក្នុងដំណាក់កាលដំបូងនេះ ម្ជូរល្មមអាចនឹងចរាចរលក់ក្នុងភូមិធម្មជាតិរុនតាឯក ហើយវាជាឳកាសដល់ភ្ញៀវទេសចរដែលទៅកម្សាន្តនៅទីនោះ ដើម្បីទស្សនា និងជាវវាយកទៅទទួលទាន។ ក្រៅពីនេះអ្នកជំនាញក៏បានសម្លឹកទីផ្សារនៅតាមសណ្ឋាគារធំៗក្នុងក្រុងសៀមរាបផងដែរ ជាពិសេសទេសចរបរទេស ដែលចាប់អារម្មណ៍ខ្លាំងលើភេសជ្ជៈតែ Rosella នេះ៕
ខុសពីពេលមុន ដែលរុក្ខជាតិម្ជូរល្មម ត្រូវបានប្រជាពលរដ្ឋខ្មែរមើលរំលង និងមិនបានដឹងពីអត្ថប្រយោជន៍របស់វា។ កាលពីពេលថ្មីៗនេះ ម្ជូរល្មមត្រូវបានដាំដុះ ហើយគេរំពឹងថា វានឹងមានទីផ្សារល្អទៅថ្ងៃខាងមុខ។
ម្ជូរល្មមត្រូវបានដាក់ដាំសាកល្បងនៅលើផ្ទៃដី៤ហិកតា ក្នុងភូមិធម្មជាតិរុនតាឯក។ អ្នកជំនាញយល់ថា សណ្ឋានដីនៅភូមិរុនតាឯកមានភាពអំណោយផល និងសមស្របក្នុងការដាំដំណាំប្រភេទនេះ។ លោក Todd Anthony ទីប្រឹក្សាស្ម័គ្រចិត្តគម្រោងអភិវឌ្ឍន៍ភូមិធម្មជាតិរុនតាឯក និងជាអ្នកជំនាញខាងដំណាំម្ជូរល្មមបានឲ្យដឹងថា រុក្ខជាតិប្រភេទនេះ មានអត្ថប្រយោជន៍ច្រើនដល់សុខភាព។ វាជួយបញ្ចុះសំពាធឈាម និងធ្វើឲ្យដំណើរការរត់របស់ឈាមបានល្អ ជាពិសេសនោះវាបង្កើនថាមពលក្នុងខ្លួនរបស់មនុស្សឲ្យបានល្អប្រសើរផងដែរ ព្រោះរុក្ខជាតិនេះសម្បូរដោយសារធាតុវីតាមីនសេខ្ពស់។
លោក Anthony ដែលវិនិយោគលើដំណាំម្ជូរល្មមក្នុងភូមិធម្មជាតិរុនតាឯក បានឲ្យដឹងទៀតថា Rosella ឫម្ជូរល្មម ជារុក្ខជាតិដែលធននឹងអាកាសធាតុ។ លោកបញ្ជាក់ទៀតថា ដើមទាំងមូលរបស់ម្ជូរល្មម សុទ្ធតែអាចប្រើប្រាស់បានទាំងអស់ មានស្លឹក ដើម ធាង និងផ្លែជាដើម ដែលគេអាចផលិតជាតែ ភេសជ្ជៈ និងតំណាប់ជាដើម។
ក្នុងដំណាក់កាលដំបូងនេះ ម្ជូរល្មមអាចនឹងចរាចរលក់ក្នុងភូមិធម្មជាតិរុនតាឯក ហើយវាជាឳកាសដល់ភ្ញៀវទេសចរដែលទៅកម្សាន្តនៅទីនោះ ដើម្បីទស្សនា និងជាវវាយកទៅទទួលទាន។ ក្រៅពីនេះអ្នកជំនាញក៏បានសម្លឹកទីផ្សារនៅតាមសណ្ឋាគារធំៗក្នុងក្រុងសៀមរាបផងដែរ ជាពិសេសទេសចរបរទេស ដែលចាប់អារម្មណ៍ខ្លាំងលើភេសជ្ជៈតែ Rosella នេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 8 ម៉ោង
