ក្រុមហ៊ុន WorldBridge សង់ផ្ទះតម្លៃ ២៥០០០ ទៅ៣ម៉ឺនដុល្លារ សម្រាប់អ្នកចំណូលទាប និងមធ្យម

ជាតិ

សេដ្ឋកិច្ច

ក្រុមហ៊ុន WorldBridge សង់ផ្ទះតម្លៃ ២៥០០០ ទៅ៣ម៉ឺនដុល្លារ សម្រាប់អ្នកចំណូលទាប និងមធ្យម

03, Sep 2016 , 6:59 pm

រូបភាព

ដោយ:

ភ្នំពេញ៖ ក្រុមហ៊ុន WorldBridge Land បានធ្វើកិច្ចសហការជាមួយក្រសួងរៀបចំដែនដី នគរូបនីយកម្ម និងសំណង់ ដើម្បីសាងសង់លំនៅឋានសម្រាប់អ្នកមានចំណូលទាប និងចំណូលធ្យម (Affordable House) ។ នេះបើតាមលោកឧកញ៉ា សៀ ឫទ្ធី អគ្គនាយកក្រុមហ៊ុន។

លោកឧកញ៉ា សៀ ឫទ្ធី អគ្គនាយកក្រុមហ៊ុន WorldBridge Land ឲ្យដឹងថា ក្នុងការចាប់ផ្ដើមគម្រោងទី១ ក្រុមហ៊ុននឹងសាងសង់លំនៅឋានចំនួន ២៧០០ ជាមួយនឹងតម្លៃពី ២៥០០០ដុល្លារ ទៅ៣០០០០ដុល្លារសម្រាប់ផ្ទះនីមួយៗ។ លោកបញ្ជាក់ថា ក្រុមហ៊ុនជិតបញ្ចប់ការសិក្សាគម្រោងរបស់ខ្លួន ហើយនឹងដាក់ឲ្យដំណើរការ សាងសង់ក្នុងពេលឆាប់ៗនេះ។

លោក សៀ ឫទ្ធី បានថ្លែងប្រាប់សារព័ត៌មានថ្មីៗ នៅថ្ងៃទី២ខែកញ្ញា បែបនេះថា៖«ជាទូទៅ ក្រុមហ៊ុនយើងជាអ្នកអភិវឌ្ឍន៍លំនៅឋានថ្លៃៗ តែសួរថាម៉េចបានយើងបែរទៅសាងសង់លំនៅឋានតម្លៃទាប នេះ? ព្រោះយើងចង់ជួយអ្នកមានចំណូលទាប និងមធ្យម»។

អគ្គនាយកក្រុមហ៊ុន WorldBridge Land រូបនេះ អះអាងថា ក្រុមហ៊ុនបានបោះទុនវិនិយោគ ៦០លានដុល្លារ ទៅ៧០លានដុល្លារលើគម្រោង Affordable House ចំនួនបី។ ប៉ុន្តែលោកមិនបានបញ្ជាក់ទីតាំងគម្រោងឡើយ ដោយលោកគ្រាន់តែប្រាប់ថា ទីតាំងគម្រោងទី១នេះមានចម្ងាយប្រហែល២០គីឡូម៉ែត្រពីចំណុចកណ្ដាលនៃរាធានីភ្នំពេញ៕