ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ក្លិបកាសែតខ្មែរ CCJ និងថៃបង្កើត Hotline Contact ដើម្បីចៀសវាងការភ័ន្តច្រឡំក្នុងសេចក្តីរាយការណ៍
08, Sep 2016 ,
2:24 pm
រូបភាព
×
ដោយ:
ថ្មីៗ
ភ្នំពេញ៖ ក្លិបអ្នកកាសែតកម្ពុជា(CCJ) និងសមាគមអ្នកកាសែតថៃ បានចុះហត្ថលេខាលើអនុស្សារណៈយោគយល់គ្នាមួយនៅទីក្រុងភ្នំពេញ ក្នុងខណៈពេលដែលគណៈប្រតិភូថៃ បានមកបំពេញទស្សនកិច្ចជាផ្លូវការនៅក្នុងព្រះរាជាណាចក្រកម្ពុជានៅក្នុងសប្តាហ៍នេះ។
នៅក្នុងចំណោមប្រការផ្សេងៗនៃអនុស្សារណៈយោគយល់គ្នា សមាគមអ្នកកាសែតនៃប្រទេសទាំងពីរបានលើកឡើងនូវចំណុចមួយចំនួនដែលត្រូវធ្វើនាពេលខាងមុខ ក្នុងនោះ មាន៖ ការបង្កើតកម្មវិធីផ្លាស់ប្តូរទស្សនកិច្ចនៃអ្នកកាសែតនៃប្រទេសទាំងពីរជារៀងរាល់ឆ្នាំដើម្បីផ្លាស់ប្តូរបទពិសោធន៍ និងទស្សនៈគ្នាទៅវិញទៅមក។ ការពង្រឹងទំនាក់ទំនងរវាងអ្នកកាសែតនៃប្រទេសជិតខាងទាំងពីរ ក៏ជាអ្វីដែលសមាគមកាសែតទាំងពីរត្រូវតែបំពេញឲ្យខាងតែបានដែរ។
លើសពីនេះទៅទៀត សមាគមអ្នកកាសែតនៃព្រះរាជាណាចក្រទាំងពីរសន្យាបង្កើតខ្សែទូរសព្ទពិសេសដើម្បីទំនាក់ទំនងគ្នាក្នុងករណីចាំបាច់ដែលកើតឡើងដោយសារការធ្វើសេចក្តីរាយការណ៍មិនត្រូវ ឬកើតឡើងដោយសារការយល់ខុសក្នុងសេចក្តីរាយការណ៍ពាក់ព័ន្ធនឹងប្រទេសទាំងពីរជាដើម។ មិនត្រឹមតែប៉ុណ្ណោះ សមាគមអ្នកកាសែតថៃ និងក្លិបអ្នកកសែតកម្ពុជា សម្រេចបន្តកិច្ចសហប្រតិបត្តិការបង្កើតវគ្គបណ្ដុះបណ្តាលភាសាថៃ និងភាសាខ្មែរទៅកាន់អ្នកកាសែតនៃប្រទេសទាំងពីរដែលចាប់អារម្មណ៍។
អ្នកកាសែតនៃប្រទេសទាំងពីរយល់ច្បាស់ពីសារៈសំខាន់នៃសេចក្តីរាយការណ៍នានា ដែលជំរុញឲ្យទំនាក់ទំនងនៃប្រទេសទាំងពីរកាន់តែល្អប្រសើរ ពោលគឺចៀសវាងសេចក្តីរាយការណ៍ណា ដែលបង្កហិង្សា។ ហើយបើមានសេចក្តីរាយការណ៍ខុស កើតឡើងដោយសារតែការយល់ច្រឡំ អ្នកកាសែតនៃប្រទេសទាំងពីរគួរចូលរួមបន្ថយកំដៅស្ថានការណ៍។ នេះ គឺជាអ្វីដែលក្លិបអ្នកកាសែតកម្ពុជា និងសមាគមអ្នកកាសែតថៃ ប្រាថ្នាចង់បាន។
អនុស្សារណៈយោគយល់រវាងក្លិបអ្នកកាសែតកម្ពុជា និងសមាគមអ្នកកាសែតថៃ ត្រូវបានចុះហត្ថលេខាដោយលោក ប៉ែន បូណា ប្រធានក្លិបអ្នកកាសែតកម្ពុជា និងលោក Anucha Charounpo អនុប្រធានសមាគមអ្នកកាសែតថៃ(Thai Journalists Association)។ ក្លិបអ្នកកាសែតកម្ពុជា គឺជាក្លិបអ្នកកាសែតដ៏ធំមួយនៅក្នុងប្រទេសកម្ពុជា ក្នុងចំណោមក្លិប ឬសមាគមអ្នកកាសែតដទៃទៀត ដែលមានសមាជិកប្រមាណជា៤០០នាក់ រីឯ សមាគមអ្នកកាសែតថៃ គឺជាសមាគមដ៏ធំមួយក្នុងចំណោមសមាគមធំចំនួន៤នៅក្នុងប្រទេសថៃ។ សមាគមនេះ មានសមាជិកប្រមាណជា ១៥០០នាក់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កាសែត
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
6 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
7 ថ្ងៃ
«នាំអាត» និង«នាំអាទិ៍»មួយណាត្រឹមត្រូវ?
3 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
7 ថ្ងៃ
អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ
6 ថ្ងៃ
អត្ថបទពេញនិយមបន្ថែម