ព័ត៍មានសុខភាព
កូនពេញក្រមុំ ពេញកម្លោះ ឪពុកម្តាយគួរអប់រំបែបណា ចំពោះបញ្ហា “សិច ឬផ្លូវភេទ”?
×![]()
ដោយ: ថ្មីៗ
ចំពោះទំនៀមទម្លាប់ប្រពៃណី និងរបៀបរបបនៃការរស់នៅរបស់ខ្មែរយើង ការនិយាយរឿងសិច ឬផ្លូវភេទ អាចជារឿងមួយ កម្រនឹងកើតមានណាស់ នៅក្នុងសង្គមគ្រួសារនីមួយៗ ឬអាចនិយាយថា គ្រួសារភាគច្រើន មិនបានអប់រំ ឬនិយាយជាមួយកូនចៅ អំពីរឿងនោះទេ។
យ៉ាងណាមិញ វាជារឿងសំខាន់ណាស់ ក្នុងការអប់រំកូនចៅ អំពីបញ្ហានេះ ដើម្បីកុំឲ្យគេយល់ខុស តាមរយៈទស្សនាវដ្តី អ៊ីនធើណេត និងប្រព័ន្ធផ្សព្វផ្សាយនានា។
គួរអប់រំពីអ្វីខ្លះ?
មានប្រធានបទច្រើនណាស់ ដែលអ្នកត្រូវនិយាយជាមួយកូន ហើយយើងខ្ញុំ សូមលើកទឹកចិត្តឲ្យឪពុកម្តាយគ្រប់រូប គួរតែពិភាគ្សារឿងនេះជាមួយកូន មុននឹងគេដើរខុសផ្លូវ។
ប្រធានបទដែលត្រូវសិក្សា មានដូចជា ការផ្លាស់ប្តូររាងកាយ បញ្ហាសុខភាពប្រដាប់ភេទ (រដូវស្ត្រី) ការបន្តពូជ ការមានផ្ទៃពោះ និងការរួមភេទដែលមានសុវត្ថិភាព។ អ្នកក៏អាចចែករំលែកអំពី ចំណេះដឹងនានា ទៅលើការពន្យារកំណើត និងរឿងនៅលើគ្រែផងដែរ។
ហេតុអ្វីវាមានសារៈសំខាន់?
ជាការពិត ទោះបីជាអ្នកមិនប្រាប់ ក៏គេអាចដឹងបានដោយខ្លួនឯង តាមរយៈការផ្លាស់ប្តូរបន្តិចម្តងៗ និងការមើលតាមអ៊ីនធើណេត ឬប្រព័ន្ធផ្សព្វផ្សាយនានាផងដែរ ប៉ុន្តែ គេអាចនឹងយល់ខុស ហើយមានផលប៉ះពាល់ ច្រើនជាងផលល្អ។
ដូច្នេះ អ្នកគួរផ្លាស់ប្តូរនិន្នាការពលរដ្ឋខ្មែរ ហើយហ៊ាននិយាយដោយបើកចំហរ អំពីរឿងផ្លូវភេទ ដើម្បីអប់រំកូន។ ចុះនិយាយបែបណា ទើបល្អទៅ? ... សូមរង់ចាំអានអត្ថបទនេះ នៅថ្ងៃស្អែក យើងនឹងលម្អិតអំពីវិធី និយាយជាមួយកូន ដើម្បីបំបាត់ការខ្មាស់អៀន ហើយមានប្រសិទ្ធភាពខ្ពស់៕
ផ្តល់សិទ្ធដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
