U19 កម្ពុជា ជួប U19 អូស្ត្រាលី នៅហាណូយនាម៉ោង៧យប់នេះ

កីឡាជាតិ

ជាតិ

U19 កម្ពុជា ជួប U19 អូស្ត្រាលី នៅហាណូយនាម៉ោង៧យប់នេះ

12, Sep 2016 , 3:04 pm

រូបភាព

U19 កម្ពុជាធ្វើការហ្វឹកហាត់នៅមុនជំនួបយប់នេះ។ រូបថត FFC

ដោយ:

ក្រុមជម្រើសជាតិយុវជនអាយុក្រោម១៩ឆ្នាំកម្ពុជា(U19) នឹងជួបប្រកួតជាមួយក្រុមយុវជនជម្រើសជាតិអាយុក្រុមក្រោម១៩ឆ្នាំអូស្ដ្រាលី(U19)នៅទីក្រុងហាណូយ ប្រទេសវៀតណាម នាវេលាម៉ោង៧យប់ថ្ងៃទី១២ ខែកញ្ញា នេះ។ ជំនួបរបស់កម្ពុជានេះការប្រកួតបើកឆាកក្នុងពូលB នៃពានរង្វាន់ AFF U19 Championships 2016 ។

ក្រោមការដឹកនាំរបស់គ្រូបង្វឹកជនជាតិជប៉ុន លោក Ohara Kazunori ក្រុមយុវជនជម្រើសជាតិអាយុក្រោម១៩ឆ្នាំកម្ពុជា ត្រូវតទល់ជាមួយក្រុមជម្រើសជាតិ U19 អូស្ត្រាលី នៅកីឡដ្ឋាន Vietnam Youth Training Centre ក្នុងទីក្រុងហាណូយ ប្រទេសវៀតណាម នាវេលាម៉ោង៧យប់នេះ។ ជំនួបរបស់កម្ពុជានេះ ជាការប្រកួតបើកឆាកពានរង្វាន់សហព័ន្ធកីឡាបាល់ទាត់អាស៊ាន(AFF U19 Championship 2016)ប្រចាំឆ្នាំ២០១៦ ក្នុងពូល B ផងដែរ។

ជាមួយគ្នានេះ នៅក្នុងពូល B មុនជំនួបរវាងកម្ពុជា និងអូស្ត្រាលីក៏មានការប្រកួត២គូផ្សេងទៀតផងដែរ ក្នុងនោះក្រុមយុវជនជម្រើសជាតិ U19 ថៃ ត្រូវជួបប្រកួតជាមួយក្រុមយុវជនជម្រើសជាតិ U19 ឡាវ។ ចំណែកក្រុមយុវជនជម្រើសជាតិ U19 មីយ៉ាន់ម៉ា ត្រូវតតាំងជាមួយក្រុមយុវជនជម្រើសជាតិ U19 ឥណ្ឌូនេស៊ី នៅកីឡដ្ឋាន Vietnam Youth Training Centre ដូចគ្នា។

គួរបញ្ជាក់ថា សម្រាប់ការប្រកួតពានរង្វាន់ AFF U19 Championship 2016 ក្នុងពូល A កាលពីម្សិលមិញ ក្រុមយុវជនជម្រើសជាតិ U19 ទីម័រខាងកើត បានយកឈ្នះក្រុមយុវជនជម្រើសជាតិ U19 ហ្វីលីពីន ២-១។ ចំណែកក្រុមយុវជនជម្រើសជាតិ U19 សិង្ហបុរី បានត្រឹមស្មើក្រុមយុវជនជម្រើសជាតិ U19 ម្ចាស់ផ្ទះវៀតណាម ០-០។ ជ័យជម្នះរបស់ទីម័រខាងកើតល់ហ្វីលីពីនបានជួយឲ្យក្រុមនេះឡើងឈរកំពូលតារាងពិន្ទុពូល A ជាបណ្ដោះអាសន្ន៕