ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ប្រធានបាល់ឱបកម្ពុជាទម្លាយរឿងទំនាស់ផ្ទៃក្នុងដែលរ៉ាំរ៉ៃ និងប្តេជ្ញាអភិវឌ្ឍន៍ឲ្យរីកចម្រើន
13, Sep 2016 ,
7:39 pm
រូបភាព
×
ដោយ:
ប្រធានសហព័ន្ធកីឡាបាល់ឱបកម្ពុជាបានទម្លាយប្រាប់ពីទំនាស់ផ្ទៃក្នុងដ៏រ៉ាំរ៉ៃរបស់ខ្លួន នៅមុខបណ្តាញអ្នកសារព័ត៌មាន និងឳពុកម្តាយកីឡាទាំងពីរ។ ការទម្លាយនេះធើ្វឡើងក្នុងអង្គសន្និបាតបូកសរុបការងារឆ្នាំ២០១៥-២០១៦ និងដាក់ទិសដៅឆ្នាំ២០១៧ នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)កាលពីថ្ងៃទី១១ ខែកញ្ញា។ ក្រោយទម្លាយរឿងវិវាទរួចប្រធានសហព័ន្ធរូបនេះបានប្តេជ្ញានឹងអភិវឌ្ឍន៍វិស័យកីឡានេះឲ្យកាន់តែរីកចម្រើន។
ទំនាស់ផ្ទៃក្នុងដ៏រ៉ាំរ៉ៃរវាងអគ្គលេខាធិការជនជាតិបរទេស និងអគ្គលេខាធិការខ្មែរព្រមទាំងជាមួយប្រធានសហព័ន្ធដែលបានអូសបន្លាយកើតមាននៅក្នុងសហព័ន្ធកីឡាបាល់ឱបកម្ពុជាចាប់ពីឆ្នាំ២០១១ដល់ឆ្នាំ២០១៤។ ត្រូវប្រធានសហព័ន្ធកីឡាបាល់ឱបកម្ពុជាទម្លាយប្រាប់ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា(NOCC) ព្រមទាំងបណ្តាញអ្នកសារព័ត៌មានកាលពីថ្ងៃទី១១ ខែកញ្ញា។
ក្នុងអង្គសន្និបាតបូកសរុបការងារប្រចាំឆ្នាំ២០១៥-២០១៦ នឹងដាក់ទិសដៅឆ្នាំ២០១៧នៅទីស្នាក់ការ NOCC កាលពីម្សិលមិញ។ អ្នកស្រី តាន់ ធានី ប្រធានសហព័ន្ធកីឡាបាល់ឱបកម្ពុជាបានលាតត្រដាងពីវិវាទផ្ទៃក្នុងរបស់សហព័ន្ធដូច្នេះថា នៅក្នុងអំឡុងឆ្នាំ២០១១ដល់ឆ្នាំ២០១៤មានជនជាតិបរទេសមួយចំនួនដែលមកពីបណ្តាប្រទេសផ្សេងៗគ្នា។ ពួកគេបានមកសហការជាមួយសហព័ន្ធកីឡាបាល់ឱបកម្ពុជាក្នុងការរៀបចំព្រឹត្តិការណ៍ប្រកួតផ្សេងៗ។
ភាពជាដៃគូសហការនេះបានធ្វើឲ្យជនជាតិបរទេសម្នាក់ក្នុងចំណោមជនជាតិបរទេសទាំងនោះត្រូវបានតែងតាំងជាអគ្គលេខាធិការសហព័ន្ធកីឡាបាល់ឱបកម្ពុជា។ តាមរយៈតួនាទីជាអគ្គលេខាធិការនេះ នៅពេលមានកម្មវិធីប្រកួតម្តងៗជនបរទេសម្នាក់នោះបានឆ្លៀតឱកាសប្រមូលថវិការក្សាទុកដោយខ្លួនឯង ហើយបានយកថវិកាទាំងនោះទៅចំណាយយ៉ាងខ្ជះខ្ជាយដោយគ្មានរបាយការណ៍ច្បាស់លាស់។ ទង្វើបែបនេះបានធ្វើឲ្យសមាជិកប្រតិបត្តិ រួមទាំអអ្នកស្រីជាប្រធានសហព័ន្ធសម្តែងការមិនពេញចិត្តសម្រាប់ចំពោះជនជាតិបរទេសម្នាក់នោះ។
លោកស្រីបានបន្តទៀតថា បន្ទាប់មកដោយឃើញទង្វើដែលមិនអាចទទួលយកបាន អ្នកស្រីបានស្នើរសុំឲ្យអគ្គលេខាធិការបរទេសរូបនោះរៀបចំឯកសារចំណាយចំណូល ប៉ុន្តែជនបរទេសនោះមិនធ្វើតាមសំណើររបស់អ្នកស្រីនោះទេ។ ការមិនទុកចិត្តគ្នាទៅវិញទៅមកបានធ្វើឲ្យទំនាស់ផ្ទៃក្នុងសហព័ន្ធក៏កើតមានឡើងតាំងពីពេលនោះមក។
ប្រធានសហព័ន្ធកីឡាបាល់ឱបរូបនេះបានរៀបរាប់ទៀតថា ដោយសារបញ្ហាទំនាស់ផ្លូវចិត្តរវាងគ្នានឹងគ្នាកើតមានឡើង បានធ្វើឲ្យអគ្គលេខាធិការបរទេសរូបនោះសុំលាឈប់ពីដំណែងជាអគ្គលេខាធិការពីសហព័ន្ធកីឡាបាល់ឱបកម្ពុជា ដោយបានប្រមូលយកទៅជាមួយនូវឯកសារសំខាន់ព្រមទាំងថវិកាមួយទៀតផង។ លើសពីនេះរូបគេបានយកឯកសារទាំងនោះគ្រោងនឹងបង្កើតសហព័ន្ធកីឡាបាល់ឱបផ្សេងមួយទៀត ប៉ុន្តែត្រូវបានគណៈកម្មាធិការជាតិអូឡាំពិកកម្ពុជាបដិសេធចំពោះគម្រោងនេះ។
អ្នកស្រី តាន់ ធានី បានបន្ថែមទៀតថា ដោយមានទំនាស់ជាមួយប្រធានសហព័ន្ធ ក៏ដូចជាសមជិកសមាជិការប្រតិបត្តបានធ្វើឲ្យជនបរទេសរូបនោះមានការខឹងសម្បារ ហើយបាននិយាយបំភ្លៃប្រាប់បណ្តាប្រទេសអន្តរជាតិមួយចំនួនថា សហព័ន្ធកីឡាបាល់ឱបកម្ពុជាជាសហព័ន្ធមិនស្របច្បាប់។ ដោយឃើញទង្វើអាក្រក់របស់ជនបរទេសរូបនេះបានធ្វើឲ្យប្រធានសហព័ន្ធបាល់ឱបកម្ពុជា បានចាត់ទុកទុកជនបរទេសដែលខ្លួនធ្លាប់ជឿទុកចិត្តថា«ជាជនក្បត់»។
អ្នកស្រី តាន់ ធានី បានថ្លែងបញ្ជាក់ប្រាប់ប្រព័ន្ធផ្សព្វផ្សាយថា៖«ជនបរទេសនោះគេធ្វើការងារនៅកន្លែងជាមួយយើង ប៉ុន្តែគេធ្វើអារបៀបជែងចង់យកតំណែងតែម្តង។ គេចាត់ចែងការងារទៅតាមអំពើចិត្តរបស់គេ ដែលមិនឆ្លើយតបផលប្រយោជន៍យើងជាខ្មែរ! យើងត្រូវការអភិវឌ្ឍបាល់ឱប ចង់បណ្តុះបណ្តាលកីឡាករជំនាញឲ្យក្លាយទៅជាគ្រូបង្វឹក និងមន្ត្រីអាជ្ញាកណ្តាល។ ប៉ុន្តែគេអត់យកចិត្តទុកដាក់ធ្វើការងារនេះឲ្យយើងទេ គឺគេយកតែពួកបរទេសគ្នាគេមកធ្វើការងារ ដែលប្រការនេះខ្ញុំមិនពេញចិត្ត»។
អ្នកស្រីបានបន្ថែមទៀតថា៖«យើងធ្វើសម្រាប់ខ្មែរតើ? ខ្ញុំគ្មានមហិច្ឆតាអីទៅបណ្តុះបណ្តាលបរទេសនោះទេ ព្រោះមិនមែនជាគោលដៅរបស់យើងទេ។ ខ្ញុំទទួលស្គាល់ថា គេរកជំនួយឲ្យយើង ប៉ុន្តែពេលគេរកបានច្រើនគេក៏ចាយច្រើន គេអត់ស្តាប់ និងអត់ធ្វើផែនការចំណាយឲ្យយើង គេមិនធ្វើ មិនឯកភាព ហើយទីបំផុតគេរត់ទៅ គេក្បត់សហព័ន្ធ ដោយយកឯកសារទៅទាំងអស់ ចង់បង្កើតសហព័ន្ធថ្មីមួយទៀត»។
ជាមួយគ្នានោះ លោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡាបានគាំទ្រនូវសំណើររបស់ប្រធានសហព័ន្ធកីឡាបាល់ឱបរូបនេះ។ លោកបានលើកឡើងដូច្នេះថា៖«មិនអាចមានសហព័ន្ធកីឡាបាល់ឱបពីរនៅកម្ពុជានោះទេ ហើយខ្ញុំសូមគាំទ្រសកម្មភាពសហព័ន្ធកីឡាបាល់ឱបកម្ពុជារបស់លោកជំទាវ តាន់ ធានី»។
ក្រោយពីទទួលបានការគាំទ្រពីក្រសួងអប់រំយុវជន និងកីឡា ព្រមទាំងគណៈកម្មាធិការជាតិអូឡាំពិកកម្ពុជា បានធ្វើឲ្យអ្នក តាន់ ធានី បេ្តជ្ញាថា នឹងខិតខំប្រឹងប្រែងអភិវឌ្ឍន៍សហព័ន្ធកីឡាបាល់ឱបកម្ពុជាដែលបានបង្កើតឡើងតាំងពីឆ្នាំ២០០២ឲ្យកាន់តែរីកចម្រើនតាមរយៈការងើបឈរដោយខ្លួនឯក ដោយមិនពឹងផ្អែកលើជនបរទេស៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ឱប
តាន់ ធានី
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
5 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
7 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
2 ថ្ងៃ
តើពាក្យងារជា «សម្តេច» មានន័យដូចម្តេច?
4 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម