កីឡាជាតិ
ជាតិ
AFF U19៖ កម្ពុជាឈ្នះឡាវ ៣-០
× ក្រុមកីឡាបាល់ទាត់ជម្រើសជាតិអាយុក្រោម១៩ឆ្នាំកម្ពុជា បានយកឈ្នះឡាវ ៣-០ ក្នុងព្រឹត្តិការណ៍ AFF U19 Championship នៅទីក្រុងហាណូយ ប្រទេសវៀតណាម នាថ្ងៃទី១៤ ខែកញ្ញា នេះ។
ពីរថ្ងៃបន្ទាប់ពីប្រកួតចាញ់អូស្ត្រាលី ២-០ ក្រុមយុវជន U19 កម្ពុជា រកបាន៣ពិន្ទុក្នុងជំនួបជាមួយឡាវ ដោយការស៊ុតបាល់បញ្ចូលទីសុទ្ធតែកើតឡើងនៅចុងតង់។ សេត រ៉ស៊ីប នាំកម្ពុជា នាំមុខ ១-០ នៅនាទី៤១ ឈានដល់នាទី៨៦ ឡុង ភារ៉ាត់ បន្ថែមបានគ្រាប់ទី២ ហើយគន្ធា រ៉ាវ៉ាន់ រកបានគ្រាប់ទី៣នៅនាទីបន្ថែម។
សម្រាប់ពូល B នេះ កម្ពុជា មាន៣ពិន្ទុពីការប្រកួត២លើក ខណៈឡាវ ចាញ់ទាំងពីរប្រកួត។ កម្ពុជាត្រូវប៉ះថៃ នាថ្ងៃទី១៦ ខែកញ្ញា។
© រក្សាសិទ្ធិដោយ thmeythmey.com