ជាតិ
កម្ពុជា-សិង្ហបុរី នឹងរៀបចំគម្រោងទស្សនកិច្ចប្រធានាធិបតីសិង្ហបុរី មកកាន់កម្ពុជា លោក Tony Tan ប្រធានាធិបតីសិង្ហបុរី
×
ភ្នំពេញ៖ កម្ពុជា-សិង្ហបុរី នឹងរៀបចំដំណើរទស្សនកិច្ចរបស់ប្រធានាធិបតីសិង្ហបុរី មកកម្ពុជានៅដើមឆ្នាំ២០១៧ខាងមុខនេះ។
បើតាមសេចក្ដីថ្លែងការណ៍របស់ក្រសួងការបរទេសនិងសហប្រតិការអន្តរជាតិលោក ប្រាក់ សុខុន បានជួបពិភាក្សាជាមួយឯកអគ្គរដ្ឋទូតសិង្ហបុរី លោក Micheal Tan Keng Siong អំពីពេលវេលា នៃការរៀបចំគម្រោងទស្សនកិច្ចរបស់ប្រធានាធិបតីសិង្ហបុរី ដែលត្រូវមកកម្ពុជា នៅដើមឆ្នាំ២០១៧ និងដំណើទស្សនកិច្ចរបស់រដ្ឋមន្ត្រីក្រសួងការបរទេសសិង្ហបុរី នៅចុងឆ្នាំ២០១៦នេះ ដើម្បីពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ ប៉ុន្តែគម្រោងទស្សនកិច្ចរបស់ថ្នាក់ដឹកនាំសិង្ហបុរីទាំងពីររូបនេះ ខាងភាគីកម្ពុជា-សិង្ហបុរី មិនទាន់អាចបញ្ជាក់បាននៅឡើយទេ។
កាលពីឆ្នាំ២០១៥ កន្លងមកប្រធានរដ្ឋសភាសិង្ហបុរី ក៏បានមកបំពេញទស្សនកិច្ចនៅកម្ពុជា ដើម្បីលើកស្ទួយទំនាក់ទំនងមិត្តភាពប្រទេសទាំងពីរផងដែរ។ គួរបញ្ជាក់ថា កម្ពុជា-សិង្ហបុរី បានផ្តើមបង្កើតទំនាក់ទំនងរវាងប្រទេសទាំងពីរ ចាប់តាំងពីសិង្ហបុរីទទួលបានឯករាជ្យ នៅឆ្នាំ១៩៦៥ ក្រោមកិច្ចដឹកនាំរបស់អតីតព្រះមហាក្សត្រកម្ពុជា សម្ដេច នរោត្តម សីហនុ ជាមួយលោកនាយករដ្ឋមន្ត្រីសិង្ហបុរី Lee Kuan Yew ៕
Tag:
កម្ពុជា
សិង្ហបុរី
© រក្សាសិទ្ធិដោយ thmeythmey.com