កីឡាជាតិ
ជាតិ
តើ ពេជ្រ សីហា និងឡុង សុវណ្ណឌឿន នរណាជាម្ចាស់ខ្សែក្រវ៉ាត់និងទឹកប្រាក់៥ពាន់ដុល្លារល្ងាចនេះ?
រូបភាពពី៖ ហ្វេសប៊ុកបេះដូងអ្នកប្រដាល់
×![]()
ក្រោយពីធ្វើការប្រកួតជម្រុះអស់រយៈពេលជិត៣កន្លងមកនេះការប្រកួតដណ្តើមជើងឯកប្រចាំកម្មវីធីសមរភូមិអ្នកប្រយុទ្ធភេសជ្ជៈគោជល់របស់ស្ថានីយទូរទស្សន៍ PNN បានឈានដល់វគ្គផ្តាច់ព្រ័ត្រ។ នៅល្ងាចថ្ងៃទី១៨ ខែកញ្ញា នេះ វាជាការប្រកួតរវាងកីឡាករ ពេជ្រ សីហា និងកីឡាករ ឡុង សុវណ្ណឌឿន ដើម្បីស្វែងរកម្ចាស់ជើងឯកប្រចាំព្រឹត្តិការណ៍នេះ។ តើ ពេជ្រ សីហា និងឡុង សុវណ្ណឌឿន នរណាជាម្ចាស់ខ្សែក្រវ៉ាត់ និងទឹកប្រាក់៥ពាន់ដុល្លារ?
កីឡាករ ពេជ្រ សីហា ក្រោយពីផ្តួលកីឡាករ សរ រាជសីហ៍ ឲ្យសន្លប់នៅក្នុងទឹកទី១កាលពីថ្ងៃទី៤ កញ្ញា កន្លងទៅថ្មីៗនេះ ត្រូវជួបប្រកួតជាមួយអ្នកលេងគុនខ្មែរមកពីក្លិបសាលវ័ន្តកីឡា ឡុង សុវណ្ណឌឿន ក្នុងវគ្គផ្តាច់ព្រ័ត្រ ដើម្បីដណ្តើមខ្សែក្រវ៉ាត់ និងទឹកប្រាក់៥ពាន់ដុល្លារប្រចាំព្រឹត្តិការណ៍សមរភូមិអ្នកប្រយុទ្ធភេសជ្ជៈគោជល់របស់ស្ថានីយទូរទស្សន៍ ភី អិន អិន(PNN)។
ការប្រកួតដែលចាប់ផ្តើមនាវេលម៉ោង៤រសៀលថ្ងៃទី១៨ ខែកញ្ញា ល្ងាចនេះ អ្នកលេងគុនខ្មែរទាំងពីររូបនេះនឹងប្រកួតប្រជែងគ្នាក្នុងប្រភេទទម្ងន់៦៩គីឡូក្រាម។ ជំនួបនេះនឹងក្លាយការប្រកួតមួយដ៏ជក់ចិត្តរបស់ទស្សនិកជនដែលនិយម និងគាំទ្រវិស័យកីឡាប្រដាល់កម្ពុជា ព្រោះកីឡាករទាំងពីរសុទ្ធសឹងជាកីឡាករជើងខ្លាំងរបស់កម្ពុជា ដែលពោរពេញទៅដោយសមត្ថភាព និងបច្ចេកទេស។
ម្យ៉ាងទៀតពួកគេទាំងពីរសុទ្ធសឹងជាកីឡាករ ដែលមិនធ្លាប់ទទួលបានខ្សែក្រវ៉ាត់ពីព្រឹត្តិការណ៍នេះ ជាពិសេសមុនការប្រកួតមកដល់ រូបគេទាំងពីរសុទ្ធតែបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពក្នុងដណ្តើមយកជើងឯករៀងៗខ្លួន។ អ្នកគ្រប់គ្រងកម្មវិធីប្រដាល់របស់ស្ថានីយមួយនេះសង្ឃឹមថា កីឡាករទាំងពីរនឹងអង្រួនសង្វៀន PNN ដើម្បីបង្កើនការគាំទ្រកាន់តែខ្លាំងពីសំណាក់ទស្សនិកជន។
យ៉ាងណាមិញ កីឡាករ ពេជ្រ សីហា អ្នកលេងគុនខ្មែរប្រចាំសមាគមកីឡាក្រសួងការពារជាតិ មុនថ្ងៃបើករដូវកាលថ្មីបានប្តេជ្ញា ខ្លួននឹងដណ្តើមយកជើងឯកប្រចាំព្រឹត្តិការណ៍នេះឲ្យទាល់តែបាន។ លើសពីនេះ រូបគេបានសន្យាថា នឹងមិនធ្វេសប្រហែលដូចជំនួបជាមួយកីឡាករ រឿង សោភ័ណ្ឌ ក្នុងវគ្គផ្តាច់ព្រ័ត្រនៃកម្មវិធីជើងកគោជល់រដូវកាលទី៤របស់ស្ថានីយទូរទស្សន៍ CNC ឡើយ។
គួរបញ្ជាក់ថា បើយោងតាមប្រវត្តិនៃការជួបគ្នា កីឡាករ ពេជ្រ សីហា ធ្លាប់ជួបកីឡាករ ឡុង សុវណ្ណឌឿន ពីរដងរួចមកហើយ ដោយលទ្ធផលចាញ់មួយដង និងឈ្នះមួយដងដូចគ្នា។ ប៉ុន្តែសម្រាប់ការចាញ់របស់កីឡាករ ពេជ្រ សីហា គឺដោយសារវាយខុសលក្ខខណ្ឌតិកៈនៃប្រកួតប៉ុណ្ណោះ។ តើជំនួបនាល្ងាចនេះ ពេជ្រ សីហា អាចផ្តួល ឡុង សុវណ្ណឌឿន ដើម្បីក្លាយជាម្ចាស់ជើងឯកបានឬយ៉ាងណា?
កីឡាករ ពេជ្រ សីហា ក្រោយពីផ្តួលកីឡាករ សរ រាជសីហ៍ ឲ្យសន្លប់នៅក្នុងទឹកទី១កាលពីថ្ងៃទី៤ កញ្ញា កន្លងទៅថ្មីៗនេះ ត្រូវជួបប្រកួតជាមួយអ្នកលេងគុនខ្មែរមកពីក្លិបសាលវ័ន្តកីឡា ឡុង សុវណ្ណឌឿន ក្នុងវគ្គផ្តាច់ព្រ័ត្រ ដើម្បីដណ្តើមខ្សែក្រវ៉ាត់ និងទឹកប្រាក់៥ពាន់ដុល្លារប្រចាំព្រឹត្តិការណ៍សមរភូមិអ្នកប្រយុទ្ធភេសជ្ជៈគោជល់របស់ស្ថានីយទូរទស្សន៍ ភី អិន អិន(PNN)។
ការប្រកួតដែលចាប់ផ្តើមនាវេលម៉ោង៤រសៀលថ្ងៃទី១៨ ខែកញ្ញា ល្ងាចនេះ អ្នកលេងគុនខ្មែរទាំងពីររូបនេះនឹងប្រកួតប្រជែងគ្នាក្នុងប្រភេទទម្ងន់៦៩គីឡូក្រាម។ ជំនួបនេះនឹងក្លាយការប្រកួតមួយដ៏ជក់ចិត្តរបស់ទស្សនិកជនដែលនិយម និងគាំទ្រវិស័យកីឡាប្រដាល់កម្ពុជា ព្រោះកីឡាករទាំងពីរសុទ្ធសឹងជាកីឡាករជើងខ្លាំងរបស់កម្ពុជា ដែលពោរពេញទៅដោយសមត្ថភាព និងបច្ចេកទេស។
ម្យ៉ាងទៀតពួកគេទាំងពីរសុទ្ធសឹងជាកីឡាករ ដែលមិនធ្លាប់ទទួលបានខ្សែក្រវ៉ាត់ពីព្រឹត្តិការណ៍នេះ ជាពិសេសមុនការប្រកួតមកដល់ រូបគេទាំងពីរសុទ្ធតែបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពក្នុងដណ្តើមយកជើងឯករៀងៗខ្លួន។ អ្នកគ្រប់គ្រងកម្មវិធីប្រដាល់របស់ស្ថានីយមួយនេះសង្ឃឹមថា កីឡាករទាំងពីរនឹងអង្រួនសង្វៀន PNN ដើម្បីបង្កើនការគាំទ្រកាន់តែខ្លាំងពីសំណាក់ទស្សនិកជន។
យ៉ាងណាមិញ កីឡាករ ពេជ្រ សីហា អ្នកលេងគុនខ្មែរប្រចាំសមាគមកីឡាក្រសួងការពារជាតិ មុនថ្ងៃបើករដូវកាលថ្មីបានប្តេជ្ញា ខ្លួននឹងដណ្តើមយកជើងឯកប្រចាំព្រឹត្តិការណ៍នេះឲ្យទាល់តែបាន។ លើសពីនេះ រូបគេបានសន្យាថា នឹងមិនធ្វេសប្រហែលដូចជំនួបជាមួយកីឡាករ រឿង សោភ័ណ្ឌ ក្នុងវគ្គផ្តាច់ព្រ័ត្រនៃកម្មវិធីជើងកគោជល់រដូវកាលទី៤របស់ស្ថានីយទូរទស្សន៍ CNC ឡើយ។
គួរបញ្ជាក់ថា បើយោងតាមប្រវត្តិនៃការជួបគ្នា កីឡាករ ពេជ្រ សីហា ធ្លាប់ជួបកីឡាករ ឡុង សុវណ្ណឌឿន ពីរដងរួចមកហើយ ដោយលទ្ធផលចាញ់មួយដង និងឈ្នះមួយដងដូចគ្នា។ ប៉ុន្តែសម្រាប់ការចាញ់របស់កីឡាករ ពេជ្រ សីហា គឺដោយសារវាយខុសលក្ខខណ្ឌតិកៈនៃប្រកួតប៉ុណ្ណោះ។ តើជំនួបនាល្ងាចនេះ ពេជ្រ សីហា អាចផ្តួល ឡុង សុវណ្ណឌឿន ដើម្បីក្លាយជាម្ចាស់ជើងឯកបានឬយ៉ាងណា?
Tag:
ប្រដាល់
ពេជ្រ សីហា
ឡុង សុវណ្ណឌឿន
PNN
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
